DANIEL 5:11 - WUKE SUSI WATTI'U AL᷊AL᷊USASSA

¹¹ Ana waugu sulal᷊ummu araratuanni Tuangku pia sangkatou esakka apan aintaṛṛoannu ghaṛṛahon manga monganna apan susi. Sutempo pamamarentan iamangngi Tuangku, taumata udde niatialanna uatahuanna asingkata, pasasunna wuṛṛu apande, apan ere apandean manga monganna. Iamangngi Tuangku Ratu Nebukadnezar buatte nanenegi tou naola'a piaṛṛa'u manga mapapanden taṛṛa si'atta, taṛṛa ṛopa, wuṛṛu manga taumata pia asingkanne wuṛṛu mapapanden anumpitanna.

DANIEL 5:11 Iomraidhean Croise

PANDARIADDI 41:38

Ana see ratu nabbisara si mangitou, “I ite tawe maasomba taumata waine apan botongnge maasampal᷊iu si Yusuf, ana waugu i tou aehetannu ghaṛṛahon Duata.”

2 SAMUEL 14:17

Allangngu mangimanna manungku pa'airen Tuangku sarun mallu'adda asasal᷊amattu allangngu ana waugu Tuangku udde ere mala'ekattu i Ruata, apan botongnge mamasingkattu udde mapia wuṛṛu udde lal᷊eo. Doronganna Mawu Ruatan Tuangku uarundinganna si Tuangku!”

YEHEZKIEL 28:3

Sunnanu i'o mappandeanna wuassi Danel, na'oman sara tawe addapingnga apan uawuni si'o.

YEHEZKIEL 28:4

I'o napa'attu asingkatta wuṛṛu pasasunnanu ipangammulu darotongnga, wul᷊awanna wuṛṛu sal᷊a'a.

DANIEL 1:4

I mangitou ṛinone manga umbasanna apan tawe sangkulle. I mangitou ṛinone maṛṛamaga, matanggakka si'ol᷊ane, pande wuṛṛu assingkanne manambo see lai wotongnge mammanara sulal᷊ummu wal᷊en araratuanna. Aspenas ṛinone manantiro si mangitou mabbasa wuṛṛu mamoṛṛettu sinaukku Babel.

DANIEL 2:11

Tuangku maapulun sambau apan tumaniten masahadda. Tawe saran sangkatou apan wotongnge maautungnga tabbene'e manga monganna, arawe i mangitou tawe uatana'a suwallattu taumata.”

DANIEL 2:22

Ete i Tou apan manni'attu addapingnga apan tumaniten mal᷊al᷊unna I Tou masingkattu al᷊awo'a apan mariaddi sulal᷊ummu ararandumma.

DANIEL 4:18

Ei Beltsazar, eteudde wal᷊iawa'u. Orassa indi pasingkata'e si ya'u atappasanne. Tawe saran sangkatou wuassu manga mapapande apan uatana'a su araratuangku wotongnge mamasingkatta si ya'u, arawe i'o wotongnge, ana waugu i'o niintaṛṛoannu ghaṛṛahon manga monganna apan susi.”

DANIEL 4:5

Arawe su sambau rabbi sutempo i ya'u tantal᷊anna mattiilla, i ya'u nabbal᷊iawa wuṛṛu naasomba sambau sondappa apan lembon maasinggawangnga naungku.

DANIEL 4:6

Ana see niwagoangku manga mapapande apan uatana'a su Babel iapatal᷊a'a si ya'u atappasannu wal᷊iawa udde.

DANIEL 5:14

I ya'u naaringikka, manungku i'o niintaṛṛoannu ghaṛṛahom mongana apan susi, wuṛṛu manungku i'o pia asingkatta, pasasunna, wuṛṛu apande apan lembon wahewalla.

DANIEL 5:7

Ringannu mangngintul᷊i i tou maddorongnga tadea'u manga taṛṛa si'atta, taṛṛa ṛopa wuṛṛu mapapaden anumpitanna waggoanna. Sutempo i mangitou nirumanta, ratu nabbisara, “Isai-sai wotongnge maawasan woṛṛetta udde wuṛṛu mamasingkattu atappasanne si ya'u, sarun ta'u onggol᷊annu laubba araratuangku juba ungu wuṛṛu wual᷊awanna tatialan aadatta. Wal᷊ine wua'udde lai i tou sarun ta'u itenega maola'a tembonannu atallune sul᷊ummu araratuangku.”

WATTI'U MANGA RASUL 12:22

Lal᷊oṛṛon soa apan uararingikka udde mangke u'ui, “Indi tingikku monganna, wal᷊ine tingikku taumata!”

WATTI'U MANGA RASUL 14:11

Napawe taumata nambo udde naasilo apa apan suete niola'i Paulus, i mangitou mangngintul᷊i sulal᷊ummu wisaran Likaonia, “Manga monganna sinumossokke su runia ringannu awa'u taumata.”

WATTI'U MANGA RASUL 16:16

Su sambau allo tantal᷊anna i yami u'al᷊iomanna, i yami nassomban sangkatou wawine; i tou allangnga. Wawine udde aintaṛṛoannu ghaṛṛaho lal᷊eo apan wotongnge mani'attu arariadianna apan sarun dumanta. Ringannu manni'attu inolaannu taumata, wawine udde mangngonggolu auntunganna apan bahewa su mawune.

SONDAPPA 3:9

Naungete indi: Manga taumata apan naola'a walahannu Setanna udde, manga taṛṛa awusu apan mangnga'u watanganne Yahudi wutte'e wal᷊ine, sarun Ta'u olaanna ma'oman sara i mangitou rumanta umal᷊intudda su saruannu. Wuṛṛu i mangitou sarun maasingkata manungku i Ya'u marangngu si yamiu.