DANIEL 4:9 - WUKE SUSI WATTI'U AL᷊AL᷊USASSA

⁹ “Ei, Beltsazar, piaṛṛa'u manga taumata pia asingkanne, i ya'u masingkatta manungku i'o niintaṛṛoannu ghaṛṛahon manga monganna apan susi, na'oman sara tawe addappingnga apan uawuni si'o. Paddaringikke wal᷊iawa'u indi, wuṛṛu tal᷊aa'e atappasanne.

DANIEL 4:9 Iomraidhean Croise

PANDARIADDI 41:38

Ana see ratu nabbisara si mangitou, “I ite tawe maasomba taumata waine apan botongnge maasampal᷊iu si Yusuf, ana waugu i tou aehetannu ghaṛṛahon Duata.”

YESAYA 33:18

Atata'unnu apan nal᷊iu su mallal᷊uṛṛu wose, tembonanne wuṛṛu mandariaga lo'a ete tumba'u nannaunganna.

YESAYA 54:14

I'o niapararisikki su wowo mal᷊ita'u atatul᷊idda, niapaarau wuassu atata'utta wuṛṛu pangangallanga.

YEHEZKIEL 17:23

Su wowone apan atanggaṛṛanne su Israel, i tou Ta'u ipasi'a. Poiaroddi i tou sarun mallal᷊uwo, wuṛṛu mangonggollu wuane, see maola'a alun cemara apan mawantuga. Al᷊awo'u hati manu'u winalanganna sarun massal᷊akka sulal᷊umme wuṛṛu massirungnga su al᷊ungne.

YEHEZKIEL 28:3

Sunnanu i'o mappandeanna wuassi Danel, na'oman sara tawe addapingnga apan uawuni si'o.

DANIEL 1:20

Suapan ratu mangapiddu hatto apan ipappandumma tal᷊aane wuṛṛu ṛingiranna, i tou naasilo manungku tatantiro wuṛṛu sasimbakka wuassu anambon taṛṛa si'atta see lai mapapanden pasangkadda su ahewallu araratuanne.

DANIEL 2:47

Ratu nabbisara, “Attonna, Daniel, Ruatanu udde ahewal᷊anne suwallattu al᷊awo'u Ruata. I tou uddewe utaṛṛino al᷊awo'u ratu, wuṛṛu manani'attu al᷊awo'u addapingnga. I ya'u masingkattu olangnge udde ana waugu i'o buatte nanala'an atappasannu addapingnga indi.”

DANIEL 2:48

Wua'udde Daniel nionggol᷊annu aiananne apan matanggaka, wuṛṛu nilantaṛṛanne ringannu manambo aonggola apan mangkapia, wuṛṛu nitenega naola'a gubernure su Babel, see niolangnge piaṛṛa'a atanggaṛṛanne su anambon mananantiro su wal᷊en araratuanna.

DANIEL 4:18

Ei Beltsazar, eteudde wal᷊iawa'u. Orassa indi pasingkata'e si ya'u atappasanne. Tawe saran sangkatou wuassu manga mapapande apan uatana'a su araratuangku wotongnge mamasingkatta si ya'u, arawe i'o wotongnge, ana waugu i'o niintaṛṛoannu ghaṛṛahon manga monganna apan susi.”

DANIEL 4:5

Arawe su sambau rabbi sutempo i ya'u tantal᷊anna mattiilla, i ya'u nabbal᷊iawa wuṛṛu naasomba sambau sondappa apan lembon maasinggawangnga naungku.

DANIEL 4:8

Panginsueanne nirumantate i Daniel apan isassaggo lai Beltsazar ere lai arannu mongangku. Daniel niintaṛṛoannu ghaṛṛahon manga mongangku apan susi. Ta'u niwatti'a wal᷊iawa'u lai si tou, wisara'u,

DANIEL 5:11

Ana waugu sulal᷊ummu araratuanni Tuangku pia sangkatou esakka apan aintaṛṛoannu ghaṛṛahon manga monganna apan susi. Sutempo pamamarentan iamangngi Tuangku, taumata udde niatialanna uatahuanna asingkata, pasasunna wuṛṛu apande, apan ere apandean manga monganna. Iamangngi Tuangku Ratu Nebukadnezar buatte nanenegi tou naola'a piaṛṛa'u manga mapapanden taṛṛa si'atta, taṛṛa ṛopa, wuṛṛu manga taumata pia asingkanne wuṛṛu mapapanden anumpitanna.

1 SAMUEL 4:8

Nasilakate atonna! Isai wotongnge manal᷊amatta si ite wuassu manga monganna apan matohassa udde? Wal᷊inewe manga monganna udde lai buatte namate taumatan Mesir su wadda'u anne dorone?