DANIEL 4:8 - WUKE SUSI WATTI'U AL᷊AL᷊USASSA

⁸ Panginsueanne nirumantate i Daniel apan isassaggo lai Beltsazar ere lai arannu mongangku. Daniel niintaṛṛoannu ghaṛṛahon manga mongangku apan susi. Ta'u niwatti'a wal᷊iawa'u lai si tou, wisara'u,

DANIEL 4:8 Iomraidhean Croise

PANDARIADDI 41:38

Ana see ratu nabbisara si mangitou, “I ite tawe maasomba taumata waine apan botongnge maasampal᷊iu si Yusuf, ana waugu i tou aehetannu ghaṛṛahon Duata.”

YESAYA 46:1

Eteindi panguddusannu manga mongannu Babel; dorone paal᷊uanni Bel wuṛṛu Nebo sassubbanna, arawe orassa indi niandangnga su liuddu winatangnga, maola'a winabbawan winatangnga apan nal᷊otakke.

YESAYA 63:11

Wua'udde i mangitou nanaungke tempon al᷊amona, tempo Musa, allangngu Mawu. I mangitou naiwal᷊o, “Suapate Mawu apan nangehetta manga piaṛṛa'u uman-Ne niumamatta su tahal᷊oangnga? Suapate Mawu apan nangonggollu taṛṛino-Ne si mangitou?

YEREMIA 50:2

“Pasea'e tatiala wuṛṛu al᷊iata'e su manga walahanna manungku Babel nanawote! Arie pa'adappinga'a olangnge udde! I Merodakh monganne naṛṛimunsa'e, wuṛṛu manga paal᷊uanne apan masandaga napesangke nattal᷊eṛṛonga, see manga mawune lembon haggeloanna.

YEHEZKIEL 17:23

Su wowone apan atanggaṛṛanne su Israel, i tou Ta'u ipasi'a. Poiaroddi i tou sarun mallal᷊uwo, wuṛṛu mangonggollu wuane, see maola'a alun cemara apan mawantuga. Al᷊awo'u hati manu'u winalanganna sarun massal᷊akka sulal᷊umme wuṛṛu massirungnga su al᷊ungne.

DANIEL 1:7

Tembonannu amonannu wal᷊en araratuana namal᷊u manga aranni mangitou nabbal᷊i: Beltsazar, Sadrakh, Mesakh wuṛṛu Abednego.

DANIEL 2:11

Tuangku maapulun sambau apan tumaniten masahadda. Tawe saran sangkatou apan wotongnge maautungnga tabbene'e manga monganna, arawe i mangitou tawe uatana'a suwallattu taumata.”

DANIEL 2:26

Ne nabbisarate ratu si Daniel apan isassaggo lai atappasanne, “Wotongngewe i'o mamasingkatta si ya'u wal᷊iawa'u wuṛṛu lai Beltsazar?”

DANIEL 3:14

Ratu naiwal᷊o si mangitou, “Sadrakh, Mesakh wuṛṛu Abednego! Atonna i yamiu maddiri mssubba manga mongangku wuṛṛu maddiri lai umal᷊intudda su paa'luanna wul᷊awanna apan buatte ta'u niapararisikka udde?

DANIEL 4:18

Ei Beltsazar, eteudde wal᷊iawa'u. Orassa indi pasingkata'e si ya'u atappasanne. Tawe saran sangkatou wuassu manga mapapande apan uatana'a su araratuangku wotongnge mamasingkatta si ya'u, arawe i'o wotongnge, ana waugu i'o niintaṛṛoannu ghaṛṛahon manga monganna apan susi.”

DANIEL 4:9

“Ei, Beltsazar, piaṛṛa'u manga taumata pia asingkanne, i ya'u masingkatta manungku i'o niintaṛṛoannu ghaṛṛahon manga monganna apan susi, na'oman sara tawe addappingnga apan uawuni si'o. Paddaringikke wal᷊iawa'u indi, wuṛṛu tal᷊aa'e atappasanne.

DANIEL 5:14

I ya'u naaringikka, manungku i'o niintaṛṛoannu ghaṛṛahom mongana apan susi, wuṛṛu manungku i'o pia asingkatta, pasasunna, wuṛṛu apande apan lembon wahewalla.