DANIEL 4:6 - WUKE SUSI WATTI'U AL᷊AL᷊USASSA

⁶ Ana see niwagoangku manga mapapande apan uatana'a su Babel iapatal᷊a'a si ya'u atappasannu wal᷊iawa udde.

DANIEL 4:6 Iomraidhean Croise

SASABANGNGA 7:11

Ana waugu udde ratu lai namaggo manga taumatane apan pia asingkanne wuṛṛu taṛṛa wal᷊iimata, ana see i mangitou lai na'ola'a aroddi ringannu apande mangitou.

YESAYA 8:19

Arawe manga taumata apan mandolokki yamiu madorongnga tatantiro wuassu manga taṛṛa pasangkadda apan uasasal᷊imburunga wuṛṛu wiwikke u'alore. Taumata udde sarun mabbisara, “Wal᷊inewe i ite ṛinone maddorongnga tatantiro wuassu manga ṛimuuddu taumata nate tadea'u hunan taumata wiakka?”

DANIEL 1:17

Ruata nangonggolla su umbasanna siri appatta udde asingkatta wuṛṛu apande sulal᷊ummu aimpal᷊ukka wuṛṛu apanden passi'ol᷊anna. Wal᷊ine wua'udde lai si Daniel nionggol᷊an-Ne lai apande ipanal᷊a'an sondappa wuṛṛu wal᷊iawa.

DANIEL 2:2

Ana waugu udde aroddi i tou namaggo taṛṛa si'atta, taṛṛa ropa, taṛṛa pasangkadda wuṛṛu manga taumata pia asingkanne, tadea'u iapatal᷊a'an wal᷊iawane udde.

DANIEL 2:48

Wua'udde Daniel nionggol᷊annu aiananne apan matanggaka, wuṛṛu nilantaṛṛanne ringannu manambo aonggola apan mangkapia, wuṛṛu nitenega naola'a gubernure su Babel, see niolangnge piaṛṛa'a atanggaṛṛanne su anambon mananantiro su wal᷊en araratuanna.

DANIEL 4:15

Arawe wala'e tuidde matantangnga sulal᷊ummu leta'a. Wa'isse ringannu ṛate atta'a wuṛṛu witu'a wua'udde tantanga'e su wadda'u nanal᷊o. Wala'e i tou maṛṛolon anggukka, wuṛṛu mabbiakka suadio'a ringannu manga winatangnga see lai manga sasuanna.

DANIEL 5:11

Ana waugu sulal᷊ummu araratuanni Tuangku pia sangkatou esakka apan aintaṛṛoannu ghaṛṛahon manga monganna apan susi. Sutempo pamamarentan iamangngi Tuangku, taumata udde niatialanna uatahuanna asingkata, pasasunna wuṛṛu apande, apan ere apandean manga monganna. Iamangngi Tuangku Ratu Nebukadnezar buatte nanenegi tou naola'a piaṛṛa'u manga mapapanden taṛṛa si'atta, taṛṛa ṛopa, wuṛṛu manga taumata pia asingkanne wuṛṛu mapapanden anumpitanna.

DANIEL 5:7

Ringannu mangngintul᷊i i tou maddorongnga tadea'u manga taṛṛa si'atta, taṛṛa ṛopa wuṛṛu mapapaden anumpitanna waggoanna. Sutempo i mangitou nirumanta, ratu nabbisara, “Isai-sai wotongnge maawasan woṛṛetta udde wuṛṛu mamasingkattu atappasanne si ya'u, sarun ta'u onggol᷊annu laubba araratuangku juba ungu wuṛṛu wual᷊awanna tatialan aadatta. Wal᷊ine wua'udde lai i tou sarun ta'u itenega maola'a tembonannu atallune sul᷊ummu araratuangku.”