DANIEL 4:26 - WUKE SUSI WATTI'U AL᷊AL᷊USASSA

²⁶ Manga mala'ekatta namarenta tadea'u tuiddu alu udde iwala matantangnga sulal᷊ummu leta'a. Udde atappasanne manungku sarun maola'a ratu apia napawe Tuangku buatte nanga'u manungku Ruata uataṛṛino ahewallu runia.

DANIEL 4:26 Iomraidhean Croise

DANIEL 2:18

I tou nandolokki mangitou umal᷊iomanna su Ruata su surga tadea'u i Tou umakkanni mangitou wuṛṛu mamasingkattu addapingngu wal᷊iawa udde. Ringannu aroddi i mangitou tawe iṛṛumanna pateanna suadio'a ringannu mapapande waine.

DANIEL 2:19

Su rabbi udde lai Ruata namasingkattu addapingnga udde si Daniel sulal᷊ummu sambau sondappa. Ne Daniel naddalotte Ruata su surga,

DANIEL 2:37

Apan mawantuga Tuangku uddewe ratu wuassu al᷊awo'u ratu; Ete Tuangku apan lembon uataṛṛino. Ruata su surga buatte nangonggollu si Tuangku araratuanna indi, taṛṛino, atatohassa wuṛṛu awawantuga.

DANIEL 4:15

Arawe wala'e tuidde matantangnga sulal᷊ummu leta'a. Wa'isse ringannu ṛate atta'a wuṛṛu witu'a wua'udde tantanga'e su wadda'u nanal᷊o. Wala'e i tou maṛṛolon anggukka, wuṛṛu mabbiakka suadio'a ringannu manga winatangnga see lai manga sasuanna.

DANIEL 4:23

Tuangku naasilo lai sangkatou mala'ekatta nonto'a wuassu surga lapiddu nabbisara, ‘Tuwangke alu indi wuṛṛu rimunsa'e, arawe wala'e tuide matantangnga sulal᷊ummu leta'a. Wa'isse ringannu ṛate atta'a wuṛṛu witu'a wua'udde tantangnga'e su wadda'u nannal᷊o. Wale'e i tou maṛṛolon anggukka wuṛṛu mabbiakka suadio'a ringanna manga winatangnga al᷊annune pitu tonna.’

DANIEL 4:31

I ya'u taambe nuddussa mabbisara sutempo niaringiṛṛanna tingikka wuassu langitta, “Ratu Nebukadnezar, paddaringikke indi! Taṛṛinonu ere sangkatou langitta buatte nianu wuassi'o.

DANIEL 4:37

Nariaddi orassa indi i ya'u, Nebukadnezar maddalo, mannanggakka wuṛṛu mammantuga Ratun Surga. Al᷊awo'u inolaan-Ne atonna wuṛṛu matul᷊idda wuṛṛu i Tou wotongnge mapaawawon taumata apan pallal᷊anune mawunga.

DANIEL 5:20

Arawe sutempo i tou nabbal᷊i mawunga, tawe maddaringikka wuṛṛu maṛṛagissa, i tou niema'a wuassu adderan araratuanne na'oman sara i tou niawul᷊iannu awawantuge.

DANIEL 5:21

I tou nilimbuaṛṛanna wuassu ammul᷊annu tumana'u soa wuṛṛu ṛingiranne naola'a ere ṛingirannu winatangnga. I tou mabbiakka ringannu keledain ahuranganna, u'anna nannal᷊o ere sapi wuṛṛu mattiilla su wadda'a na'oman sara maṛṛolo angngukka. Panginsueanne i tou nanga'u manungku Ruata Apan Atanggaṛṛanne uataṛṛino araratuannu taumata wuṛṛu araratuanna udde nionggollu Mawu sisai-sai apan nipile-Ne.

MATIUS 21:20

Su tempo mallal᷊aṛṛenggennu Mawu Yesus naasilo inolaanna udde, i mangitou naherangnga atonna. “Ereapa alu ara udde wotongnge lapiddu naṛṛangu?” aiwal᷊o mangitou.

MATIUS 5:34

Arawe orassa indi Ya'u mabbisara si yamiu: arie massalu saran addio'a, mapia ete ringannu langitta, ana waugu langitta udde ramba'u Ruata,

LUKAS 15:18

I ya'u mapul᷊ete wuṛṛu inaite ringannu iamangku wuṛṛu mabbisara si tou: Iamangnga, i ya'u suete na'ola'a rosa su saruannu Ruata wuṛṛu su saruanni Iamangnga.

LUKAS 15:21

‘Iamangnga,’ unnu ana'a udde, ‘i ya'u suete na'ola'a rosa su saruannu Ruata wuṛṛu su saruannu Iamangnga. Tate su ṛinone lai ya'u isago ana'u Iamangnga.’