DANIEL 4:17 - WUKE SUSI WATTI'U AL᷊AL᷊USASSA

¹⁷ Eteudde inaappuanni yami manga mala'ekatta apan uasaddia wuṛṛu uatehamma. Pandumannu Ruata Apan Atanggaṛṛanne uataṛṛino araratuannu taumata wuṛṛu i Tou apan nangonggollu araratuanna udde su anambon taumata apan nipile-Ne, ewe'e lai su taumata apan tawe gunane saran addio'a.’

DANIEL 4:17 Iomraidhean Croise

1 MARARATU 21:25

Tawe saran paassa pia taumata apan ringannu na'utulla ma'ola'a al᷊al᷊eo su aellegu Mawu ere apan niola'i Ahab. Anambon al᷊al᷊eo udde niolangnge wuassu darolokki Izebel, awingnge.

2 TAWARIKH 28:22

Sulal᷊ummu tempo apan masuṛṛippita udde, i Ahas ewe'e lai aatambanna rosane su saruannu Mawu.

DARALO 103:19

Mawu uaparenta su surga, i Tou ratu apan uataṛṛino al᷊awo'a.

DARALO 12:8

Taumata lal᷊eo mammal᷊apiddu al᷊awo'u tampa, al᷊al᷊eo raddaloannu al᷊awo'u taumata. Arawe I'o uasirungnga si yami, oh Mawu, lu'arewe i yamiu su saruannu manga taumata lal᷊eo udde.

DARALO 9:16

Manga walahanna apan tawe maaillal᷊a Si'o manawo sulal᷊ummu loṛangnga apan nial᷊in mangitou sassane; i mangitou nul᷊ussa sulal᷊ummu seddan mangitou sassane.

SASABANGNGA 9:16

Arawe i yamiu Ta'u iwala wiakka, tadea'u i Ya'u wotongnge mapaal᷊iatta'u taṛṛino-U si'o, na'oman sara arang-Ku tinumelengke su ahewallu runia.

YESAYA 6:3

I mangitou mangngintul᷊i sambau ringannu waine: “Susi, susi, susi. Susi Mawu Apan Lembontaṛṛino. Runia napenen daranta-Ne apan mawantuga.”

YESAYA 6:8

Ana see i ya'u naaringikka tingikku Mawu nabbisara, “Isai apan Ta'u irolokka? Isai apan sarun maola'a mangangapiddu watti'i ite?” I ya'u sinumimbakka, “Indi i ya'u. Doloṛṛa'e i ya'u!”

YEHEZKIEL 25:17

I Ya'u sarun makkuumanni mangitou ringannu lembon mawakkatta wuṛṛu mapasopan al᷊al᷊eo naung-Ku ma'oman sara mawusa. Napawe i mangitou naapendampe asasa'u-U, i mangitou naasingkatte manungku ete i Ya'u Mawu.”

YEHEZKIEL 7:24

Manga walahanna apan aṛṛagisanne sarun Ta'u iaparanta iapaatana'a su manga wal᷊enu. Manga taumata awaṛṛanianne apan atohasanne sarun mangindo napawe manga walahanna udde Ta'u iwala manggohakka manga tampa patataṛṛamawuannu.

DANIEL 11:21

Mala'ekatta udde nabbisara apia, “Ratu manansunna apan mamarenta banuan sawannakka ateudde sangkatou lal᷊ebbone apan tawe suṛṛinone maola'a ratu. Arawe i tou sarun dumanta ringannu tawe niantimanna wuṛṛu mangaṛṛo aianannu raturingannu wawahia.

DANIEL 2:21

Ete i Tou apan mannantunnu watianna wuṛṛu tempo, i Tou mannal᷊inggi wuṛṛu mannenegu tembonanne. Ete i Tou lai apan mangngonggollu asingkatta, see mangngonggollu pasasunna.

DANIEL 4:2

I ya'u mappulu mabbatti'u ola'u al᷊aṛṛindu'a wuṛṛu tiala maatiangnga apan buatte niola'u Ruata Apan atanggaṛṛanne si ya'u.

DANIEL 4:25

Tuangku sarun limbuaṛṛanna wuassu ammul᷊annu tumana'u soa wuṛṛu mabbiakka sutangngan manga winatangnga su wadda'a. Al᷊annune pitu tonna Tuangku sarun umanna nanal᷊o ere sapi wuṛṛu mattiilla su lete'a mal᷊al᷊angnga, ma'oman sara maṛṛolon anggukka. Wua'udde Tuangku darun manga'u manungku Ruata Apan Atanggaṛṛanne uataṛṛino su aṛṛatuannu taumata, wuṛṛu araratuanna udde nionggollu Ruata su anambon taumata apan nipile-Ne.

DANIEL 7:25

I tou sarun mabbisara lumawangnga Ruata Apan Atanggaṛṛanne wuṛṛu mangallangnga umattu Ruata, wuṛṛu i mangitou sarunaggasanne al᷊annune tatallu setenga su tonnane.

ROMA 13:1

Suapan taumata ṛinone matuṛṛutta su tembonanne, ana waugu tawe tembonanne apan tawe naasomba taṛṛino wuassu Ruata. Wuṛṛu tembonanne apan uaparenta orassa indi, mappaamattu manarane wuassu darolokku Ruata.

1 KORINTUS 1:28

Ruata namile apa apan aellehanna mawawo, asiangnga, wuṛṛu lai sassunannu runia indi tawe gunane, tadea'u Ruata maṛṛimunsa'a apa apan aellehannu runia indi apianne.

1 TIMOTIUS 5:21

Su saruannu Ruata, Kristus Yesus wuṛṛu manga mala'ekatta apan napile, i ya'u sumal᷊ande tadea'u i'o tumuṛṛutta manga tatantiro indi ringannu tawe massunna lal᷊eo su saruanni sai-sai ringannu tawe masasamba'a.

SONDAPPA 4:8

Siri appata riadianna udde, sambau-sambau pia papaidde annuma, wuṛṛu su ahewallu wadange, wuṛṛu sulal᷊umme napene mata. Allo ṛabbi manga riadianna udde tawe illol᷊one mangngantari, “Susi, susi, susi arannu Mawu, Ruata Lembon Taṛṛino; apan nirumanta, suete nirumanta, wuṛṛu nirumantate sarangkal᷊o'engnge.”

1 SAMUEL 2:8

Wuassu asasusa Mawu namatunna taumata tawe darotongnge, wuassu asasahadda Mawu namallossu taumata lal᷊ebbone. I mangitou niola'a hawe manga ma'ala, wuṛṛu nionggol᷊annu manara apan a'addatanna. Rapappakku runia tatahuanannu Mawu, su wowone Mawu napararisikku runia.