DANIEL 3:26 - WUKE SUSI WATTI'U AL᷊AL᷊USASSA

²⁶ Wua'udde i Nebukadnezar nangudanin ngaran pandu'a udde wuṛṛu nabbisara, “Sadrakh, Mesakh wuṛṛu Abednego, manga allangngu Ruata Apan Atanggaṛṛanne! Sabbangke wuassu pandu'a udde!” Ne i mangitou sinumabbangke.

DANIEL 3:26 Iomraidhean Croise

PANDARIADDI 14:18

I Melkisedek, ratun Salem apan uamanara lai imammu Mawu Ruata Apan Atanggaṛṛanne, uaapiddu roti wuṛṛu anggore ia'onggolla si Abram,

1 MARARATU 8:51

I mangitou uddewe uman-Nu sassane apan buatte niapiddu Mawu sinumabbangnga wuassu Mesir wanua suapa i mangitou nisansara.

EZRA 5:11

I mangitou sinumimbakka, ‘I yami tantal᷊anna mapararisikku apia Wal᷊en Mawu apan nipararisikka wuṛṛu nisuuangnga piraten pul᷊o su tonnane nal᷊iu apan niola'u sangkatou ratun Israel apan mawantuga.

DARALO 66:12

I'o namalang kami lakkindannu seetta; i yami tinumumbe manawangnga wuṛṛu putungnga. Arawe orassa indi i yami buatte niapiddu Mawu watukku tampa apan masuwukka.

YESAYA 28:16

Ana waugu udde, Mawu Apan Atanggaṛṛanne nabbisara arendi, “I Ya'u sarun mangaddon rapappakke apan matohassa wuṛṛu ma'uatta su Sion; sambau watun pi'une apan maarega ringannu woṛṛetta: ‘Isai apan mangngimanna atonna, i tou sarun tawe mawaddo.’

YESAYA 52:12

I yamiu sarun tawe masasaṛṛawutta inai, wuṛṛu tawe ere taumata tumal᷊angngu watanganne. Ana waugu Mawu sarun mangehetta si yamiu; Ruatan Israel mallu'adda si yamiu wuassu anambon pappi'uanne.

YEREMIA 11:4

Pa'aire udde buatte Ta'u niola'a ringannu al᷊amona mangitou sutempo i mangitou Ta'u niapidda sinumabbangnga wuassu Mesir, wanua apan ere naraka si mangitou. I Ya'u nandolokki mangitou matuṛṛutta si Ya'u wuṛṛu ma'ola'a al᷊awo'a apan Ta'u iparenta si mangitou. Orassa indi buatte Ta'u niwal᷊o lai su taumatan Yehuda wuṛṛu tumana'u Yerusalem manungku napawe i mangitou matuṛṛutta si Ya'u, i mangitou sarun maola'a uma-U wuṛṛu i Ya'u Ruata mangitou.

DANIEL 2:47

Ratu nabbisara, “Attonna, Daniel, Ruatanu udde ahewal᷊anne suwallattu al᷊awo'u Ruata. I tou uddewe utaṛṛino al᷊awo'u ratu, wuṛṛu manani'attu al᷊awo'u addapingnga. I ya'u masingkattu olangnge udde ana waugu i'o buatte nanala'an atappasannu addapingnga indi.”

DANIEL 3:17

Amungkangngu Ruata apan sassubbanni yami wotongnge manal᷊amatta si yami wuassu pandu'a apan tantal᷊anna lukkenggamma udde wuṛṛu wuassu taṛṛinon Tuangku – ne i Tou sarun ma'ola'a udde.

DANIEL 4:2

I ya'u mappulu mabbatti'u ola'u al᷊aṛṛindu'a wuṛṛu tiala maatiangnga apan buatte niola'u Ruata Apan atanggaṛṛanne si ya'u.

DANIEL 6:20

Sutempo wawallo ratu napu'ote wuṛṛu inaite ringannu nasasaṛṛawutta watukku liangngu singa.

DANIEL 6:21

Napawe na'omate poiaroddi, i tou nangintul᷊ite ringannu tingikka sussinggawangnga, “Daniel, allangngu Ruata apan wiakka! Apa Ruatanu apan sassubbannu ringannu satia udde wotongnge manal᷊amatta si'o wuassu manga singa udde?”

DANIEL 7:25

I tou sarun mabbisara lumawangnga Ruata Apan Atanggaṛṛanne wuṛṛu mangallangnga umattu Ruata, wuṛṛu i mangitou sarunaggasanne al᷊annune tatallu setenga su tonnane.

WATTI'U MANGA RASUL 16:17

Wawine udde sidutu uatantalongnga si Paulus wuṛṛu si yami lapiddu u'al᷊iata, “Manga taumata indi allangngu Ruata apan ahewal᷊anne! I mangitou nirumanta mapa'asingkatta su manga tuṛṛangnga ereapa lal᷊anne i yamiu masal᷊amatta!”

WATTI'U MANGA RASUL 16:37

Arawe i Paulus nabbisara su manga polisi udde, “I yami tumana'u Roma. Taambe niparikisanna i yami suete nipuulla su saruannu awada'alla wuṛṛu tinaṛṛo sulal᷊ummu tuttupanna. Wuṛṛu orassa indi i mangitou mandolokki yami mapul᷊e ringannu mal᷊anna-l᷊annaba? I yami maddiri! Dol᷊oṛṛa'a manga piaṛṛa'u pamarenta udde rumanta sassane isindi mamallosi yami.”

WATTI'U MANGA RASUL 27:23

Ana waugu na'allawanna mala'ekattu Ruata apan sassubbangku, eteudde Ruata apan uatahuanna si ya'u nirumanta ringangku.

GALATIA 1:10

Apa ringannu olangnge udde pendamanna ere i ya'u mangngantima a'uannu taumata? Atonna-tonna tawe! I ya'u tumba'u mangngantima panga'uanna wuassu Ruata. Apa i ya'u sidutu mattinsahadda mammol᷊engnga naungngu taumata tadea'u i ya'u maal᷊uassa taumata? Amungkangngu inolaangku sidutu aroddi, ya'u wal᷊inewe allangngi Kristus.

TAHIUL᷊E 4:20

Arawe i yamiu uddewe walahanna apan niapasal᷊amatta wuassu Mesir, su tampa i yamiu tumaniten uatataṛṛanga. I yamiu niapiddi Tou sinumabbangnga wuassu wanua udde, tadea'u mabbal᷊i walahanna sassane ere olangngu orassa indi.

YOSUA 4:10

Manga imam sidutu uarisikka su pattangngannu Yordan na'oman sara manga taumata udde buatte nammanara al᷊awo'a apan nirolokku Mawu si mangitou wuassi Yosua. Udde nassul᷊ungngu lai manga tatantiro wuassi Musa si Yosua. Ringannu mal᷊ihakka ṛuangannu Israel tinumumbe Sal᷊ukku Yordan.

SONDAPPA 19:5

See niaringiṛṛana wuassu adderan araratuanna udde tingikku wisara apan mabbisara, “Paddalote Ruata, ei manga allangngu Ruata, wuṛṛu anambon taumata – timmade dario'a – apan massubba Ruata!”