DANIEL 3:17 - WUKE SUSI WATTI'U AL᷊AL᷊USASSA

¹⁷ Amungkangngu Ruata apan sassubbanni yami wotongnge manal᷊amatta si yami wuassu pandu'a apan tantal᷊anna lukkenggamma udde wuṛṛu wuassu taṛṛinon Tuangku – ne i Tou sarun ma'ola'a udde.

DANIEL 3:17 Iomraidhean Croise

PANDARIADDI 17:1

Napawe i Abram uukke sioten pul᷊o sio su tonnane, Mawu naipasilon batanganne si tou wuṛṛu nabbisara, “Ete i Ya'u Ruata Apan Lembontaṛṛino. Paatuṛṛutte si Ya'u wuṛṛu sidutu pa'ola'e apulu-U.

PANDARIADDI 18:14

Apa piadu sambau apan maatiangnga su Mawu? Ere buatte niwisara'u tanginna, sio wul᷊anna lai ya'u sarun mabelengnga isindi. Wuṛṛu su tempo udde i Sara sarun manungkangngu ana'a esakka.”

AYUB 34:29

Napawe Ruata makkawessa mangke mal᷊annabba, taweddu saran sangkatou apan waṛṛani mapasal᷊a-Ne. Amungkangngu i Tou namunin hati-Ne, tawe saran sangkatou apan maasangkalla si Tou.

AYUB 5:19

Amungkangngu asasilaka rumantate, sidutu i'o maasomba asasal᷊amatta.

DARALO 115:3

Ruatan kite su surga, i Tou mammanara apa apan ipaapulu-Ne.

DARALO 37:39

Mawu nanal᷊amatta taumata susi, wuṛṛu nallu'adda si mangitou wuassu asasusa.

DARALO 37:40

I Tou niumontola wuṛṛu nanal᷊amatta si mangitou, wuṛṛu namallossi mangitou wuassu taumata lal᷊eo, ana waugu i mangitou uasirungnga si Tou.

DARALO 73:20

Naal᷊ihidda wal᷊iawa apan nawul᷊i sutempo marua allo; sutempo I'o dirumarisikka oh Mawu, i mangitou lai nawul᷊i.

YESAYA 12:2

Atonna, Ruata udde Mananal᷊ama'u, i Ya'u mangngimanna si Tou. I Ya'u tawe mata'utta, ana waugu i Tou mannohassa si ya'u. Mananal᷊ama'u uddewe Ruata, ete si tou i ya'u mangngantari.

YESAYA 54:14

I'o niapararisikki su wowo mal᷊ita'u atatul᷊idda, niapaarau wuassu atata'utta wuṛṛu pangangallanga.

YEREMIA 1:8

Arie paata'utti mangitou, ana waugu i Ya'u sarun maṛṛundinganna si'o tadea'u mallu'adda si'o. Ya'u, Mawu, buatte nabbisara!”

YEREMIA 15:20

I'o sarun Ta'u olaanna ere tanda'a witu'a su saruanni mangitou. I mangitou sarun mamangalo si'o, arawe tawe mapamaddonu. I Ya'u sarun uaṛundinganna tadea'u mallu'adda wuṛṛu manal᷊amatta si'o.

YEREMIA 15:21

I Ya'u sarun mamallonu wuassu taṛṛino manga taumata lal᷊eo apan maṛṛagissa. I Ya'u, Mawu, buatte nabbisara.”

DANIEL 3:26

Wua'udde i Nebukadnezar nangudanin ngaran pandu'a udde wuṛṛu nabbisara, “Sadrakh, Mesakh wuṛṛu Abednego, manga allangngu Ruata Apan Atanggaṛṛanne! Sabbangke wuassu pandu'a udde!” Ne i mangitou sinumabbangke.

DANIEL 4:35

Manga walahanna su runia tawe gunane. Ruata uataṛṛino mala'ekatta su surga wuṛṛu tumana'u runia. Tawe saran sangkatou apan maal᷊awangnga apulu-Ne, taweddu waṛṛani mamasingkattu apa apan niolang-Nge.”

DANIEL 6:16

Wua'udde manga taumata udde nabbelengnga apa sinumaṛṛuanna ratu wuṛṛu nabbisara, “Tuangku, rinone Tuangku mannaungnga manungku tumuṛṛuttu atoranna su Media wuṛṛu Persia, parenta apan niapasabbangngu ratu tate wotongnge iawal᷊u.”

DANIEL 6:23

Ruatan allangnga buatte nandolokku mala'ekan-Ne niapasappingnga moṛṛongngu manga singa udde na'oman sara i mangitou tawe na'ola'a apa-apa su allangnga. Ruata nanal᷊amatta allangnga ana waugu i Tou masingkatta manungku allangnga tawe na'ola'a pasasal᷊a su saruan-Ne wuṛṛu su saruanni Tuangku.”

DANIEL 6:27

I ya'u mamarenta su anambon taumata apan uatana'a su wageangngu araratuangku tadea'u mata'utta wuṛṛu mangaddatta Ruata apan sassubbanni Daniel! I Tou uddewe Ruata apan wiakka saran mal᷊annu-l᷊annu, maddatingngu pangudusannu runia i Tou uaparenta. Araratuan-Ne tawe mariaddi mate. Taṛṛino-Ne mangke tawe masue.

MIKHA 7:7

Arawe i ite mangngantimma Mawu; ringannu napenen pangangimanna i ite tuttuṛṛutta Ruatan kite. I Tou sarun maddaringikka aal᷊iomanni ite wuṛṛu manal᷊amatta si ite.

LUKAS 1:37

Ana waugu su Ruata tawedu sambau apan tawe maola'a.”

WATTI'U MANGA RASUL 20:24

Arawe i ya'u ma'ielem bagga ringannu wia'u indi, sambal᷊iate i ya'u napanginsue manara apan tinantillu Mawu Yesus si ya'u wuṛṛu sambal᷊iate i ya'u maatuṛṛutta na'oman sara pangudusannu wia'u ipammasingkattu Watti'u Al᷊al᷊uassa udde su ola'u darangngun Ruata.

WATTI'U MANGA RASUL 21:13

Arawe i tou sinumimbakka, “Apa hunane tuṛṛangnga lulluai ereindi na'oman sara naungku nasusa? I ya'u nasaddiate wal᷊ine tumba'u sametanna poiaroddi, arawe nasaddiate lai mate ana waugu Mawu Yesus.”

ROMA 8:31

Apa apan wotongnge iwisara orassa indi su ola'u sarangkanambone udde? Amungkangngu Ruata uasamba'a si ite, isai wotongnge lumawangnga si ite?

2 KORINTUS 1:10

Ete i Tou apan suete nanal᷊amatta si yami wuassu silaka wuṛṛu papate apan wahewa udde. Wuṛṛu ete i Tou sarun manal᷊amatta si yamiu su allo sal᷊immurine, ana waugu ete si Tou i yami mangngantimma.

IBRANI 7:25

Ana waugu udde saran mal᷊annu-l᷊annu Mawu Yesus wotongnge manal᷊amatta manga taumata apan nirumanta ringannu Ruata sulal᷊ummi Tou, ana waugu i Tou mabbiakka saran mal᷊annu-l᷊annu ipangapiddu sasal᷊ande su Ruata, hunane su manga taumata udde.

1 SAMUEL 17:37

Mawu buatte nanal᷊amatta allangngu wuassu singa wuṛṛu beruangnga, i Tou lai sarun manal᷊amatta allangngu wuassu taumatan Filistin udde.” Ana see i Saul nabbisara si Daud, “Ore aroddite, antimanna Mawu mantul᷊ungngu.”

1 SAMUEL 17:46

Allo indi lai Mawu sarun manantillu si ya'u; i'o sarun ta'u iwaddo wuṛṛu puanu sarun ta'u ṛatanna. Waddangngu wuṛṛu manga tantaran Filistin sarun ta'u ionggolla su manu'u winalanganna wuṛṛu winatanganga iapa'inassa. Ne ahewallu runia sarun maasingkatta manungku yami walahannu Israel pia Duata apan sassubbanni yami,