DANIEL 3:1 - WUKE SUSI WATTI'U AL᷊AL᷊USASSA

¹ Su sambau tempo Ratu Nebukadnezar nallanginnu sambau paal᷊uanna wul᷊awanna apan atanggakke 27 metere wuṛṛu al᷊alakke maranin 3 metere. I tou napararisikku paal᷊uanna udde su wawal᷊annu Dura su propinsi Babel.

DANIEL 3:1 Iomraidhean Croise

1 MARARATU 12:28

Napawe buatte naṛṛingiddu olangnge udde, i tou na'ola'a darua paal᷊uanna sapi wulawanna ana see nabbisara su tumanangnge, “Walahannu Israel! Mal᷊annute i yamiu inannai watukku Yerusalem mattaṛṛamawu. Orassa indi, eteindi manga mawunu apan buatte nangapiddi yamiu sinumabbangnga wuassu Mesir!”

ESTER 1:1

Su Susan, inangngu soan Persia, Ahasyweros namarenta naola'a ratu. Araratuanne eteudde wuassu 127 propinsi, nanattakka wuassu India naddatingngu Sudan.

DARALO 135:15

Paal᷊uanni mangitou wuassu wul᷊awanna wuṛṛu sal᷊a'a, nilanginnu liman taumata.

SASABANGNGA 20:23

Imbaṛṛangnga aola'a su watangannu manga paal᷊uanna sal᷊a'a ara'e wul᷊awanna apan subbanni yamiu wal᷊ine wuassi Ya'u.

SASABANGNGA 32:31

Ana see i Musa inaite apia sumaruanna Mawu wuṛṛu nabbisara, “Walahanna udde buatte na'ola'a rosa apan bahewalla. I mangitou na'ola'a monganna wuassu wul᷊awanna.

YESAYA 30:22

Manga paal᷊uanna sassubbannu apan aoosannu sal᷊a'a wuṛṛu wul᷊awanna sarun irammen kami naal᷊ihidda sapadda, lapiddu mabbisara, “Paaraute wua dingangku!”

YESAYA 46:6

Taumata mammu'a dompetta wuṛṛu napasabbangu wul᷊awanne, ana see nanimbangu sal᷊a'ane su timbanganna. I tou nanewa pande ma'ola'a wul᷊awanna niapaola'a paal᷊uanna sassubbanna, wua'udde i tou massubba paal᷊uanna niolangnge.

YEREMIA 10:9

I tou nioossu sal᷊a'a wuṛṛu wul᷊awanna apan niapidda wuassu Spanyol wuṛṛu soa Ufas, sarangkanambone lanna'u lima manga senimanna wuṛṛu mapapanden bul᷊awanna. Laungnge wuassu mal᷊aṛṛenessa ungu tua wuṛṛu ungu mudda, niraddu'u manga masingkatta mandaddu'a ringannu maaddunna.

YEREMIA 16:20

Wotongngewe taumata ma'ola'a mawune sassane? Tantu tawe! Apan olaanne udde tantu wal᷊ine Ruata.”

DANIEL 2:48

Wua'udde Daniel nionggol᷊annu aiananne apan matanggaka, wuṛṛu nilantaṛṛanne ringannu manambo aonggola apan mangkapia, wuṛṛu nitenega naola'a gubernure su Babel, see niolangnge piaṛṛa'a atanggaṛṛanne su anambon mananantiro su wal᷊en araratuanna.

DANIEL 2:49

Arawe wuassu darorongngi Daniel, ratu nanantillu pamamarenta su propinsi Babel udde si Sadrakh, Mesakh wuṛṛu Abednego, tantal᷊anna Daniel sassane uatana'a su wal᷊en araratuannu ratu.

DANIEL 3:14

Ratu naiwal᷊o si mangitou, “Sadrakh, Mesakh wuṛṛu Abednego! Atonna i yamiu maddiri mssubba manga mongangku wuṛṛu maddiri lai umal᷊intudda su paa'luanna wul᷊awanna apan buatte ta'u niapararisikka udde?

DANIEL 3:30

Wua'udde ratu napasa'en pangkatti Sadrakh, Mesakh wuṛṛu Abednego, na'oman sara i mangitou naola'a manga mamanara apan atanggaṛṛanne su propinsin Babel.

DANIEL 5:23

Tuangku mammungan batanganne su saruannu Mawu su surga wuṛṛu waṛṛani mandolokka mangapiddu manga mangko apan buatte niaṛṛo wuassu Wal᷊en Mawu. Ana see Tuangku wuṛṛu manga tembonanne, manga awingnga wuṛṛu manga nia'in Tuangku na'inumma wuassu manga mangko wul᷊awanna, sal᷊a'a, witu'a atta'a, alu wuṛṛu watu, manga monganna apan tawe maasilo ara'e maaringikka ara'e tawe maasunna. Tuangku tawe mangaddatta Ruata apan mannantunnu pabbiarṛṛanna wuṛṛu papaten tuangku manantunnu amatannu pabiaṛṛanni Tuangku.

DANIEL 5:4

Lapiddu ma'inumma i mangitou mangke maddalo manga monganna apan niola'a wuasu wul᷊awanna, sal᷊a'a, witu'a alu wuṛṛu watu.

HOSEA 2:8

Inangngu taambe saran paassa manga'u manungku ete i Ya'u apan manggolla si tou gandumma, anggore, lanan zaitun, wuṛṛu al᷊awo'u wul᷊awanna sal᷊a'a apan ipappaanne ipassubba Baal udde.

HOSEA 8:4

Uma-U namile ratu ringannu tawe naddorongnga ṛingidda si Ya'u. I mangitou nanenegu piaṛṛa'a tawe niwal᷊o si Ya'u. I mangitou nanganu wul᷊awanna wuṛṛu sal᷊a'an mangitou wua'udde nallanginnu paal᷊uanna sassubbanna apan pangillul᷊eanne naola'a araṛṛimunsa'i mangitou sassane.

WATTI'U MANGA RASUL 17:29

Ne, ana waugu ete i ite udde al᷊aṛṛana'u Ruata, i ite tawe wotongnge massunna manungku Ruata udde naal᷊ihida ere paal᷊uanna apan niola'a wuassu wul᷊awanna ara'e sal᷊a'a ara'e watu apan niola'a tumuṛṛuttu apanden taumata.

WATTI'U MANGA RASUL 19:26

Orassa indi manga tuṛṛangnga naasilote wuṛṛu naaringikke sassane apa apan niola'i Paulus udde. I tou nabbisara manungku manga monganna apan niola'u taumata, wal᷊inewe monganna atonna. Wuṛṛu i tou namohete manambo taumata mangngimanna al᷊aṛṛangnge, wal᷊ine tumba'u isindi su Efesus, ewe'e maranin su ahewallu leta'u Asia.

TAHIUL᷊E 7:25

Tambuna'e manga paal᷊uanna apan sassubbanni mangitou. Arie umanggangu sal᷊a'a ara'e wul᷊awanna apan ua'ele si tou wuṛṛu imbaṛṛangnga manganu hunanu sassane. Amungkangngu i yamiu lumawangnga parenta udde i yamiu sarun mate, ana waugu Mawu Ruatanu udde maddantinnu pasasubba paal᷊uanna.

SONDAPPA 9:20

Arawe lambem walahannu taumata apan tawe nipate manga asasusa udde, tawe lai manantangngu lanna'u lima mangitou sassane. I mangitou tawe illol᷊one massubba manga ghaṛṛaho lal᷊eo wuṛṛu manga paal᷊uanna wul᷊awanna, sal᷊a'a, witu'a, watu wuṛṛu alu apan tawe maasilo wuṛṛu tawe maaringikka, ara'e lai maa'amatta.