DANIEL 2:47 - WUKE SUSI WATTI'U AL᷊AL᷊USASSA

⁴⁷ Ratu nabbisara, “Attonna, Daniel, Ruatanu udde ahewal᷊anne suwallattu al᷊awo'u Ruata. I tou uddewe utaṛṛino al᷊awo'u ratu, wuṛṛu manani'attu al᷊awo'u addapingnga. I ya'u masingkattu olangnge udde ana waugu i'o buatte nanala'an atappasannu addapingnga indi.”

DANIEL 2:47 Iomraidhean Croise

PANDARIADDI 41:39

Ne ratu nabbisara si Yusuf, “Ruata buatte namasingkattu sarangkanambone indi si'o, nariaddi natualage manungku i'o mappandeanna wuṛṛu massingkatanna wuassu al᷊awo'u taumata.

2 MARARATU 5:15

Ana see i tou wuṛṛu anambon mallal᷊aṛenggene nabelengke ringanni Elisa. “Orassa indi ya'u masingkatte,” unni Naaman si Elisa, “manungku su ahewallu runia tumba'u pia sambau Ruata, eteudde Ruata apan sassubbannu taumatan Israel. Ana waugu udde, antimanna i Tuanga manengkamma aonggola wuassia'u.”

AYUB 12:19

niapawawo-Ne manga imam wuṛṛu manga piaṛṛangnge.

DARALO 136:2

Paadiangkamante su Ruata Apan Atanggaṛṛanne; darangngu-Ne tawe panguddusanne.

DARALO 136:3

Paadiangkamante su Mawu Apan Ahewal᷊anne; darangngu-Ne tawe panguddusanne.

DARALO 72:11

Anambon ratu sarun umal᷊intudda su saruanne, al᷊awo'u walahanna mabbal᷊i allangnge.

DARALO 82:1

Daralon Asaf. Ruata uapiaṛṛa'u ammul᷊anna susi su surga, ana see i Tou lai nakkawessa;

DARALO 96:4

Ana waugu wahewalle Mawu, wuṛṛu lembon raddaloanna, ṛinone iaata'utta nilumambalanna wuassu al᷊awo'u monganna.

YEHEZKIEL 26:7

Mawu Apan Atanggaṛṛanne nabbisara, “I Ya'u sarun mangapiddi Ratu Nebukadnezar wuassu Babel iapapangalo si'o, ei Tirus. Ratu apan atohasanne udde sarun dumanta wuassu sawannakka ringannu tantara apan bahewalla, ringannu manambo awal᷊o wuṛṛu manga keretan pangalo see lai tantara uasa'e awal᷊o.

DANIEL 11:36

Ratun banua sawannakka sarun ma'ola'a walate apulun naungnge. Ringannu mawunga i tou sarun mabbisara manungku i tou manggewal᷊anne wuassu al᷊awo'u monganna, ewe'e lai manggewal᷊anna wuassu Ruata Apan Atanggaṛṛanne. I tou sarun wotongnge ma'ola'a ma'oman sara asasa'un Duata masue. Ana waugu apa apan buatte nitantunnu Ruata udde ṛinone maola'a paarorone.

DANIEL 2:19

Su rabbi udde lai Ruata namasingkattu addapingnga udde si Daniel sulal᷊ummu sambau sondappa. Ne Daniel naddalotte Ruata su surga,

DANIEL 2:22

Ete i Tou apan manni'attu addapingnga apan tumaniten mal᷊al᷊unna I Tou masingkattu al᷊awo'a apan mariaddi sulal᷊ummu ararandumma.

DANIEL 2:28

Arawe su surga pia Duata apan manni'attu al᷊awo'u addapingnga, wuṛṛu i Tou buatte namasingkatta si Tuangku apa apan sarun mariaddi su allo addantane. Orassa indi, wotongngewe allangngu manal᷊a'an bal᷊iawa wuṛṛu sondappa apan niasiloanni Tuangku sutempo matiilla.

DANIEL 2:29

Sutempo Tuangku tantal᷊anna mattiilla, Tuangku nabbal᷊iawa su ola'u apan addantane. Ruata apan nani'attu al᷊awo'u addappingnga niapasilo si Tuangku apa apan sarun mariaddi.

DANIEL 2:30

Addapingnga indi buatte niapal᷊iatta'a su allangnga wal᷊ine ana waugu allangnga mappandeanne wuassi sai-sai, ewe'e tadea'u Tuangku wotongnge maasingkatta atappasannu wal᷊iawan Tuangku udde wuṛṛu maasunna lai ola'u lal᷊oṛṛon naungngi Tuangku.

DANIEL 2:37

Apan mawantuga Tuangku uddewe ratu wuassu al᷊awo'u ratu; Ete Tuangku apan lembon uataṛṛino. Ruata su surga buatte nangonggollu si Tuangku araratuanna indi, taṛṛino, atatohassa wuṛṛu awawantuga.

DANIEL 3:15

Ne, orassa indi, i yamiu mappulu umal᷊intudda wuṛṛu massubba paal᷊uanna udde sutempo musikka manuntingikka? Amungkangngu i yamiu maddiri, i yamiu sarun ituntungnga sulal᷊ummu pandu'u putungnga pan tantal᷊anna lukkenggamma. Wuṛṛu monganna suapa apan wotongnge manal᷊atta si yamiu wuassu taṛṛino'u?”

DANIEL 3:28

Ana see ratu nabbisarate, “Paddalote Ruata apan sassubbanni Sadrakh, Mesakh wuṛṛu Abednego. I Tou buatte nandolokku mala'ekan-Ne iapasal᷊amatta siri tallu allang-Nge apan mangngimanna si Tou. I mangitou buatte nilumawangnga parenta'u wuṛṛu mappianne nate wuassu massubba ara'e maddalo al᷊awo'u monganna tabbene'e Ruatan mangitou sassane.

DANIEL 3:29

Anna waugu udde i ya'u mamarenta manungku suapan taumata wuassu walahanna, ṛuangannu walahanna ara'e al᷊awo'u wahasa, apan nabbisaran asal᷊uandaga su surannu Ruata apan sassubbanni Sadrakh, Mesakh wuṛṛu Abednego, sarun tattaranna wuṛṛu wal᷊ene sarun iapaṛṛa'a wuṛṛu olaanna ombon sapadda. Ana waugu tawe monganna apan wotongnge maaola'a apan buatte niola'u Ruata udde.”

DANIEL 4:17

Eteudde inaappuanni yami manga mala'ekatta apan uasaddia wuṛṛu uatehamma. Pandumannu Ruata Apan Atanggaṛṛanne uataṛṛino araratuannu taumata wuṛṛu i Tou apan nangonggollu araratuanna udde su anambon taumata apan nipile-Ne, ewe'e lai su taumata apan tawe gunane saran addio'a.’

DANIEL 4:25

Tuangku sarun limbuaṛṛanna wuassu ammul᷊annu tumana'u soa wuṛṛu mabbiakka sutangngan manga winatangnga su wadda'a. Al᷊annune pitu tonna Tuangku sarun umanna nanal᷊o ere sapi wuṛṛu mattiilla su lete'a mal᷊al᷊angnga, ma'oman sara maṛṛolon anggukka. Wua'udde Tuangku darun manga'u manungku Ruata Apan Atanggaṛṛanne uataṛṛino su aṛṛatuannu taumata, wuṛṛu araratuanna udde nionggollu Ruata su anambon taumata apan nipile-Ne.

DANIEL 4:32

I'o sarun limbuaṛṛanna wuassu ammul᷊annu tumana'u soa, wuṛṛu mabbiakka manga winatangnga su wadda'a. Al᷊annune pitu tona i'o sarun umanna nannal᷊o ere sapi. Wua'udde i'o sarun manga'u manungku Ruata Apan Atanggaṛṛanne uataṛṛino su araratuannu taumata wuṛṛu araratuanna udde nionggollu Ruata su anambon taumata apan nipile-Ne.”

DANIEL 5:11

Ana waugu sulal᷊ummu araratuanni Tuangku pia sangkatou esakka apan aintaṛṛoannu ghaṛṛahon manga monganna apan susi. Sutempo pamamarentan iamangngi Tuangku, taumata udde niatialanna uatahuanna asingkata, pasasunna wuṛṛu apande, apan ere apandean manga monganna. Iamangngi Tuangku Ratu Nebukadnezar buatte nanenegi tou naola'a piaṛṛa'u manga mapapanden taṛṛa si'atta, taṛṛa ṛopa, wuṛṛu manga taumata pia asingkanne wuṛṛu mapapanden anumpitanna.

AMOS 3:7

Mawu Apan Atanggaṛṛanne taambe saran paassa mapaamattu sambau manara ringannu tawe mamasingkattu ṛiin-Ne su manga nabi, manga allang-Nge.

1 KORINTUS 14:25

Manga inolaanna apan uawuni sulal᷊ummu naungnge sarun iapaal᷊iatta'a, na'oman sara i tou sumallungu watanganne see massubba Ruata. I tou sarun manga'u, manungku Ruata atonna tonna su pattangnganni yamiu.

TAHIUL᷊E 10:17

Mawu Ruatanu roso su wowon al᷊awo'u Mawu wuṛṛu nilumebbe wuassu al᷊awo'u taṛṛino. I Tou Mawu Ruata mawantuga wuṛṛu mataṛṛino apan ṛinone subbanna. I Tou tawe mangempe wuṛṛu tawe lai manengkamma aonggola sasal᷊o'a.

1 TIMOTIUS 6:15

Daranta-Ne sarun itantunnu Ruata sassane su tempone apan naṛṛino. Tumba'u i Tou sassane uatahuanna; i Tou mawantuga, Ratu wuassu al᷊awo'u ratu, wuṛṛu Mawu wuassu al᷊awo'u mawu.

YOSUA 22:22

“Apan Lembon Taṛṛino eteudde Mawu! Apan Lembon Taṛṛino eteudde Mawu! I tou masingkatta anio yami na'ola'a inolaanna indi, wuṛṛu yami maapulu tadea'u i yamiu lai maasingkatta! Unnu wisara na'ola'a inolanna indi ringannu pandumma lumawangnga Mawu ara'e ana waugu yami tate lai mangimanna si Tou, wala'e yami mate orassa indi!

SONDAPPA 1:5

wuṛṛu wuassi Yesus Kristus, mattatiala apan matuṛṛuta. Ete i Tou apan paarorone niapaawiakka apia wuassu papate wuṛṛu ete i Tou ahebbal᷊anne uaparenta manga ratun runia. Mawu Yesus mandangngu si ite, wuṛṛu ringannu papate-Ne, i Tou napaal᷊iung kite wuassu manga rosang kite,

SONDAPPA 17:14

I mangitou sarun mamangalo lumawanna Ana'u Domba udde. Arawe Ana'u Domba udde wuṛṛu mallal᷊aṛṛenggen-Ne apan matuṛṛuta apan suete niwagoan-Ne wuṛṛu nipile-Ne udde sarun mapaarugi manga ratu udde, ana waugu ete i Tou Mawun al᷊awo'u tuangnga, wuṛṛu Ratun al᷊awo'u ratu.”

SONDAPPA 19:16

Su jubah-Ne wuṛṛu su palang-Nge uawoṛṛetta aranna indi, “Ratun al᷊awo'u ratu, wuṛṛu Mawun al᷊awo'u mawu.”