DANIEL 2:45 - WUKE SUSI WATTI'U AL᷊AL᷊USASSA

⁴⁵ Wal᷊inewe Tuangku buatte naasilo manungku ringannu tawe nieṛṛetannu taumata, sambau watu napallossa wuassu rampissa ana see naṛṛia'a wuṛṛu nakkimunsa'a paal᷊uanna wuassu atta'a, witu'a, leta'a maṛṛamutta, sal᷊a'a wuṛṛu wul᷊awanna udde? Ruata apan wahewalla napal᷊iatta'a si Tuangku apa apan sarun mariaddi su allo addantane. Wal᷊iawa udde wotongnge pangimananna wuṛṛu tatal᷊a'an allangnga naṛṛino.”

DANIEL 2:45 Iomraidhean Croise

PANDARIADDI 41:26

Sapi pitu apan matawa udde eteudde pitu tonna, wuṛṛu pitu raen gandumma apan pia loṛṛone udde eteudde pitu tonna lai; itarua uasul᷊ungnga atappasanne.

PANDARIADDI 41:28

Su ereapa apan buatte niapasingkattu allangu si Tuanga, Ruata buatte namasilo si Tuanga sarangkanambone apan olaanne.

PANDARIADDI 41:32

Waliawan i Tuangku nariaddi paarua, udde atappasanne manungku olangnge udde buatte tinantunnu Ruata wuṛṛu manungku Ruata mapaamatta ringannu mal᷊ihakka.

2 SAMUEL 7:22

I'o lembon mawantuga, oh Mawu Ruata, tumba'u I'o Ruata, taweddu nassul᷊ungngu Mawu. Yami masingkattu olangnge udde ana waugu buatte niapasingkatta ro'en dorone.

1 TAWARIKH 16:25

Ana waugu Mawu mawantuga wuṛṛu lembon raddaloanna; I Tou ṛinone ia'ata'utta nangillembo wuassu al᷊awo'u monganna.

NEHEMIA 4:14

Sutempo i ya'u naasilo manungku tumana'a matta'utta, i ya'u nabbisara si mangitou wuṛṛu manga tembonanne see manga piaṛṛa'a, “Arie pa'ata'uttu seetta! Naungete Mawu apan matohassa wuṛṛu masiṛṛungnga, wuṛṛu panahekke hunan manga tuṛṛangngu, manga ana'a, awingngu wuṛṛu wal᷊enu!”

NEHEMIA 9:32

Oh Ruata, Ruatan kami apan matohassa! Ruata apan bahewalla wuṛṛu masiṛṛungnga! Ringannu satia I'o uaaggassa al᷊awo'u paaire; manga paaire-Nu I'o nanipussa wuṛṛu niapaaman-Nu. Ro'en tempon manga ratun Asyur mangngallangnga si yami na'oman sara orassa indi, manambo asasusa apan naṛṛia'a si yami. Manga ratun kami, imam, nabi wuṛṛu manga matatimmaddu wanua, wuṛṛu lai al᷊amona wuṛṛu tumana'a, buatte natataṛṛangnga sarangkanambone. Arie paabul᷊iane anambon asasusa udde! Arie timbul᷊ianan-Nu wuassu naung-Ngu!

AYUB 36:26

Ruata lembon mawantuga, i ite tawe masaṛṛasidda si Tou ara'e lai mandeengngu anambon tonna-Ne.

DARALO 135:5

Ana waugu i ya'u masingkatta Mawu wahewalla atonna, i Tou mawantuga nangillembo wuassu al᷊awo'u monganna.

DARALO 145:3

Ana waugu Mawu mawantuga wuṛṛu lembon raddaloanna, awawantu-Ge tawe asaṛṛasiranna.

DARALO 2:9

I mangitou sarun ta'u paddianna ringannu ta'inna atta'a wuṛṛu Ta'u pesanganna ere urinna leta'a.’ ”

DARALO 48:1

Daralon ṛuanganni Korah.

DARALO 96:4

Ana waugu wahewalle Mawu, wuṛṛu lembon raddaloanna, ṛinone iaata'utta nilumambalanna wuassu al᷊awo'u monganna.

YESAYA 28:16

Ana waugu udde, Mawu Apan Atanggaṛṛanne nabbisara arendi, “I Ya'u sarun mangaddon rapappakke apan matohassa wuṛṛu ma'uatta su Sion; sambau watun pi'une apan maarega ringannu woṛṛetta: ‘Isai apan mangngimanna atonna, i tou sarun tawe mawaddo.’

DANIEL 2:24

Napawe wua'udde Daniel inaite ringanni Ariokh apan buatte niparentanna iapapate mapapande su Babel. Daniel nabbisara si tou, “Ariete pappate manga mapande udde. Apira'e i ya'u sumaruanna ratu, ana waugu i ya'u mappulu mamasingkatta si tuangnga atappasannu wal᷊iawane udde.”

DANIEL 2:28

Arawe su surga pia Duata apan manni'attu al᷊awo'u addapingnga, wuṛṛu i Tou buatte namasingkatta si Tuangku apa apan sarun mariaddi su allo addantane. Orassa indi, wotongngewe allangngu manal᷊a'an bal᷊iawa wuṛṛu sondappa apan niasiloanni Tuangku sutempo matiilla.

DANIEL 2:29

Sutempo Tuangku tantal᷊anna mattiilla, Tuangku nabbal᷊iawa su ola'u apan addantane. Ruata apan nani'attu al᷊awo'u addappingnga niapasilo si Tuangku apa apan sarun mariaddi.

DANIEL 2:44

Sutempo pamamarentan manga ratu udde, Ruata su surga sarun mapararisikku sambau araratuanna apan mattaṛṛangnga saran mal᷊annu-l᷊annu wuṛṛu sarun tawe iawaddon al᷊awo'u walahanna su al᷊awo'u tampa. Araratuanna udde sarun makkimunsa'a al᷊awo'u walahanna su al᷊awo'u araratuanna waine udde.

DANIEL 8:25

Ana waugu i tou maa'alla, manga wawahiane sarun mahessi. I tou sarun mamungan batanganne, wuṛṛu ringannu tawe mapanaungnga dorone i tou sarun mamate manambo taumata. Ewe'e lai i tou waṛṛani mando'appa Ratu Apan Ahewal᷊anne. Arawe i tou sarun rimunsaanna ringannu tawe atatohassu taumata.

HAGAI 2:22

manga araratuanna Ta'u iapaṛṛa'a wuṛṛu taṛṛinon mangitou Ta'u ṛinumsaanna. Manga karetan pangalo ringannu mangangapidde sarun Ta'u iwal᷊insuangnga; anambon awal᷊o sarun nate wuṛṛu manga sumasa'ene sarun mapapate.

ZAKARIA 12:3

Arawe amungkangngu allo udde nia'omante, i Ya'u sarun ma'ola'a Yerusalem ere watu apan mawakkatta; al᷊awo'u walahanna apan maannamma mamengketta sarun maasomba silaka. Anambon balahanna su runia sarun maamulla mamangalo Yerusalem.

MALEAKHI 1:11

I Ya'u aaddatannu manga walahanna su ahewallu runia. Suapan tampa itattambunna amania iapangaddatta arang-Ku wuṛṛu nionggolla manga sasamba apan suṛṛinone, ana waugu anambon balahanna mangngaddatta si Ya'u!

MATIUS 21:24

Mawu Yesus sinumimbakka, “I Ya'u lai maiwal᷊o si yamiu. Wuṛṛu amungkangngu yamiu sumimbakka, i Ya'u sarun mabbal᷊o si yamiu ringannu taṛṛinon sai Ya'u ma'ola'a manga inolaanna indi.

MATIUS 24:35

Langitta wuṛṛu runia sarun mawul᷊i, arawe wisara-U ma'oman sara mal᷊annu-l᷊annu.”

LUKAS 17:20

Sire pira taumatan Farisi naiwal᷊o Mawu Yesus tingngera Ruata rumanta mamarenta. Mawu Yesus sinumimbakka, “Araratuannu Ruata tawe itattakka ringannu manga tanda apan wotongnge asiloannu taumata,

TAHIUL᷊E 10:17

Mawu Ruatanu roso su wowon al᷊awo'u Mawu wuṛṛu nilumebbe wuassu al᷊awo'u taṛṛino. I Tou Mawu Ruata mawantuga wuṛṛu mataṛṛino apan ṛinone subbanna. I Tou tawe mangempe wuṛṛu tawe lai manengkamma aonggola sasal᷊o'a.

SONDAPPA 1:19

Ana waugu udde woṛṛetta'a manga inolaanna apan niasiloannu, eteudde manga inolaanna apan sarun mariaddi orassa indi wuṛṛu manga inolaanna apan sarun mariaddi sal᷊immurine.

SONDAPPA 19:17

Ana see i ya'u naasilo sangkatou mala'ekatta uarisikka su wowon matannallo. Ringannu tingikka ma'ikkata i tou inumui su anambon manu'u winalanganna, “Wette pa'ammule, tadea'u i ite inai su andeangnga wahewalla apan ilallaghun Ruata!

SONDAPPA 4:1

Wua'udde ya'u naasomba aellega lai. I ya'u naasilo sambau ngara nawu'a su surga. Wua'udde inaringikka lai tingikka apan paarorone suete nabbisara si ya'u ere tingikku trompeta. Tingikka udde nabbisara, “Wette rangante isindi. I Ya'u sarun mamasingkata si'o apa apan sarun mariaddi murine.”