DANIEL 2:34 - WUKE SUSI WATTI'U AL᷊AL᷊USASSA

³⁴ Sutempo Tuangku tantal᷊anna mannutukka, sambau watu wahewalla napallossa wuassu rampissa, ringannu tawe nieṛṛetannu taumata, ana see nangema'a paal᷊uanna udde su leddane apan niola'a wuassu aatta'a wuṛṛu leta'a maṛṛamutta udde, na'oman sara napussa'a.

DANIEL 2:34 Iomraidhean Croise

DARALO 118:22

Watu apan niramme manga maaola'a wal᷊en, naola'e watu sasarianne.

YESAYA 28:16

Ana waugu udde, Mawu Apan Atanggaṛṛanne nabbisara arendi, “I Ya'u sarun mangaddon rapappakke apan matohassa wuṛṛu ma'uatta su Sion; sambau watun pi'une apan maarega ringannu woṛṛetta: ‘Isai apan mangngimanna atonna, i tou sarun tawe mawaddo.’

YESAYA 60:12

Walahanna wuṛṛu araratuanna apan maddiri tumuṛṛutta si'o, sarun mate wuṛṛu mawul᷊i tawe baddi'a.

YESAYA 8:9

Pa'ammule ringannu mangngindo, ei anambon al᷊awo'u walahanna! Paddaringikke ei manga pentakku runia! Pasasaddiate inai mappangalo, arawe ringannu naungnga apan mawawo! Ore, pasasaddiate, arawe ringannu apendamma mangngindo!

YEHEZKIEL 32:28

Etearoddi taumata Mesir sarun ilabbinga wuṛṛu iapatattere su tangnga manga taumata apan wagga Duata wuṛṛu nate sulal᷊ummu pangalo.

YEHEZKIEL 47:5

Paassa lai i tou nanguukka araune 500 metere, wuṛṛu isudde ua'ene tumanite mal᷊al᷊umma tumbeanna amatannu ledda. Amungkangngu taumata mappulu lumewessa i tou ṛinone umalangnga.

DANIEL 2:33

palangnge wuassu atta'a wuṛṛu laddane sambageanganna wuassu atta'a wuṛṛu sambageangenna lai wuassu leta'a maṛṛamutta.

DANIEL 7:27

Taṛṛino wuṛṛu awawantugu al᷊awo'u araratuanna su runia sarun ionggolla su umattu Ruatu Apan Atanggaṛṛanne. Taṛṛinon mangitou ipamarenta tawe panguddusanne wuṛṛu anambon tembonanne su runia sarun mattaṛṛamawu si mangitou ringannu matuṛṛutta.”

DANIEL 8:25

Ana waugu i tou maa'alla, manga wawahiane sarun mahessi. I tou sarun mamungan batanganne, wuṛṛu ringannu tawe mapanaungnga dorone i tou sarun mamate manambo taumata. Ewe'e lai i tou waṛṛani mando'appa Ratu Apan Ahewal᷊anne. Arawe i tou sarun rimunsaanna ringannu tawe atatohassu taumata.

ZAKARIA 12:3

Arawe amungkangngu allo udde nia'omante, i Ya'u sarun ma'ola'a Yerusalem ere watu apan mawakkatta; al᷊awo'u walahanna apan maannamma mamengketta sarun maasomba silaka. Anambon balahanna su runia sarun maamulla mamangalo Yerusalem.

ZAKARIA 4:6

Mala'ekatta udde nandalo'u mamasingkatta si Zerubabel tanata Mawu indi, “Wal᷊ine ringannu atatohassu tantara wuṛṛu wal᷊ine lai ringannu atatohannu sassane i'o sarun maauntunga, ewe'e ringannu Ghaṛṛaho-U.

MATIUS 16:18

Ana waugu udde ṛinone i yamiu masingkatta, i'o udde i Petrus, watu apan matohassa. Wuṛṛu su wowon batu indi ya'u sarun mapararisikku Ghaṛṛeda-U apan tawe iahohakku taumata; salaiwe ete uasaruanna papate!

YOHANES 1:13

apan niasungkangnga wal᷊ine wuassu taumata, ana waugu wiakka wakku udde punnene wuassu Ruata.

WATTI'U MANGA RASUL 4:11

Ete Mawu Yesus udde apan su pandummu aaddoanne indi sulal᷊ummu Wuke Susi, ‘Watu apan tate ipaatta su manga wal᷊e, nasemakka naola'e watu apan paarorone.’

2 KORINTUS 5:1

Ana waugu i yami masingkata manungku amungkangngu wal᷊e – eteudde wadangnga – apan atatanaanni ite su runia indi ihohakka, Ruata sarun manaddia wal᷊en kite su surga, apan niola'u Ruata sassane wuṛṛu tawe mahohakka sarangkal᷊o'engnge.

IBRANI 9:24

Ana waugu i Kristus tawe sinumutta su Wabbo'a Susi inolaannu taumata, apan tumba'u hambarannu Wabbo'a Susi apan ṛinone. Mawu Yesus sinumutta sassane su surga; poiaroddi orassa indi i Tou uasaruanna Ruata hunane si ite.

1 PETRUS 2:7

Watu udde lembon maarega si yamiu apan mangngimanna. Arawe su taumata apan tawe mangngimanna, matipusse manga araddoanne su Wuke Susi ereindi, “Watu apan tawe ipaattu manga ma'aola'a wal᷊e udde wutte'e naola'a watu apianne.”

SONDAPPA 11:15

See mala'ekatta appitune nattiuppe trompeti tou, ne su surga niaṛṛingiṛṛante manga tingikka ma'ikkatta apan mabbisara, “Taṛṛino ipamarenta runia orassa indi sulal᷊ummu lima Mawung kite wuṛṛu Ratum Punnu Sal᷊amatta apan suete pina'ire-Ne. I Tou sarun mamarenta saran mal᷊annu-l᷊annu!”

SONDAPPA 17:14

I mangitou sarun mamangalo lumawanna Ana'u Domba udde. Arawe Ana'u Domba udde wuṛṛu mallal᷊aṛṛenggen-Ne apan matuṛṛuta apan suete niwagoan-Ne wuṛṛu nipile-Ne udde sarun mapaarugi manga ratu udde, ana waugu ete i Tou Mawun al᷊awo'u tuangnga, wuṛṛu Ratun al᷊awo'u ratu.”