DANIEL 2:28 - WUKE SUSI WATTI'U AL᷊AL᷊USASSA

²⁸ Arawe su surga pia Duata apan manni'attu al᷊awo'u addapingnga, wuṛṛu i Tou buatte namasingkatta si Tuangku apa apan sarun mariaddi su allo addantane. Orassa indi, wotongngewe allangngu manal᷊a'an bal᷊iawa wuṛṛu sondappa apan niasiloanni Tuangku sutempo matiilla.

DANIEL 2:28 Iomraidhean Croise

PANDARIADDI 40:8

Itarua sinumimbakka, “Naallawanna yambua nabbal᷊iawa, wuṛṛu tawedu maasingkattu atappasanne.” Unni Yusuf, “Tumba'u Ruata apan mangonggola su taumata manal᷊a'an atappasannu wal᷊iawa. Annama'o wattia'a wal᷊iawanu udde.”

PANDARIADDI 41:16

I Yusuf sinumimbakka, “Wal᷊ine allangi, Tuangku, ewe'e Ruata apan sarun mangonggolu tal᷊aane apan naṛṛino.”

PANDARIADDI 41:25

Ana see unni Yusuf su ratu, “Wal᷊iawa darua udde uasul᷊ungnga atappasanne; Ruata buatte namasingkatta si Tuangku sarangkanambone apan sarun olaanne.

PANDARIADDI 49:1

Wua'udde i Yakub namago manga anangnge wuṛṛu nabbisara, “Paammule isindi, marani'u. I ya'u sarun mamasingkatta si yamiu apa sarun apendamanni yamiu su allon sal᷊immurine;

DARALO 115:3

Ruatan kite su surga, i Tou mammanara apa apan ipaapulu-Ne.

YESAYA 2:2

Wuassu manga allo addantane wuidda tampan Bal᷊en Mawu apan uapasi'a matanggakka wuṛṛu uarisikka matohassa roso su manga wowone wuṛṛu manga wuidda. Anambon walahanna mangngelekka inai poiaroddi,

YEREMIA 10:7

Isai apan maddiri mangimanna Si'o, ratun al᷊awo'u walahanna? Atonna, I'o ṛinone a'addatanna. Wuassu anambon apan pande suwallattu manga walahanna wuṛṛu wuassu anambon manga ratu mangitou, tawe saran sangkatou apan botongne isul᷊ungnga ringannu watangan-Nu, oh Mawu.

YEREMIA 48:47

Arawe su allo sal᷊immurine i Ya'u sarun manul᷊e ola'u wanua Moab. I Ya'u, Mawu, buatte nabbisara!” Eteudde apan olaannu Mawu su Moab.

YEHEZKIEL 28:3

Sunnanu i'o mappandeanna wuassi Danel, na'oman sara tawe addapingnga apan uawuni si'o.

YEHEZKIEL 38:16

Wua i'o namangalo uma-U Israel naal᷊ihidda anginna lakkuti nanggohakka runia. Napawe tempone nia'omante, i'o sarun Ta'u irolokka mamanua su leta-U. Ringannu inolaang-Ku nirolokka si'o ei Gog, manga walahanna sarun maasingkatta isai i Ya'u, eteudde Ruata apan na'ukkassa.

YEHEZKIEL 38:8

Manga pira tonna lai i tou sarun Ta'u parentanna iapapangalo sambau wanua ringannu tumanangnge apan buatte niammulla apia wuassu wallattu manambo walahanna wuṛṛu apan wua'udde natana'a su wanua udde ringannu matammudda. Gog sarun mangaṛṛo manga wowonen Israel apan mal᷊annute mal᷊annabba wuṛṛu napenen bilal᷊anna, arawe orassa indi tatanaannu tumanangnge apan mabbiakka ringannu paddarame.

DANIEL 1:20

Suapan ratu mangapiddu hatto apan ipappandumma tal᷊aane wuṛṛu ṛingiranna, i tou naasilo manungku tatantiro wuṛṛu sasimbakka wuassu anambon taṛṛa si'atta see lai mapapanden pasangkadda su ahewallu araratuanne.

DANIEL 10:14

I ya'u nirumanta tadea'u ma'ola'a si'o maasunna apa apan sal᷊immurine mariaddi su walahannu. Sondappa indi su ola'u allo addantane.”

DANIEL 2:18

I tou nandolokki mangitou umal᷊iomanna su Ruata su surga tadea'u i Tou umakkanni mangitou wuṛṛu mamasingkattu addapingngu wal᷊iawa udde. Ringannu aroddi i mangitou tawe iṛṛumanna pateanna suadio'a ringannu mapapande waine.

DANIEL 2:22

Ete i Tou apan manni'attu addapingnga apan tumaniten mal᷊al᷊unna I Tou masingkattu al᷊awo'a apan mariaddi sulal᷊ummu ararandumma.

DANIEL 2:44

Sutempo pamamarentan manga ratu udde, Ruata su surga sarun mapararisikku sambau araratuanna apan mattaṛṛangnga saran mal᷊annu-l᷊annu wuṛṛu sarun tawe iawaddon al᷊awo'u walahanna su al᷊awo'u tampa. Araratuanna udde sarun makkimunsa'a al᷊awo'u walahanna su al᷊awo'u araratuanna waine udde.

DANIEL 2:45

Wal᷊inewe Tuangku buatte naasilo manungku ringannu tawe nieṛṛetannu taumata, sambau watu napallossa wuassu rampissa ana see naṛṛia'a wuṛṛu nakkimunsa'a paal᷊uanna wuassu atta'a, witu'a, leta'a maṛṛamutta, sal᷊a'a wuṛṛu wul᷊awanna udde? Ruata apan wahewalla napal᷊iatta'a si Tuangku apa apan sarun mariaddi su allo addantane. Wal᷊iawa udde wotongnge pangimananna wuṛṛu tatal᷊a'an allangnga naṛṛino.”

DANIEL 2:47

Ratu nabbisara, “Attonna, Daniel, Ruatanu udde ahewal᷊anne suwallattu al᷊awo'u Ruata. I tou uddewe utaṛṛino al᷊awo'u ratu, wuṛṛu manani'attu al᷊awo'u addapingnga. I ya'u masingkattu olangnge udde ana waugu i'o buatte nanala'an atappasannu addapingnga indi.”

DANIEL 4:5

Arawe su sambau rabbi sutempo i ya'u tantal᷊anna mattiilla, i ya'u nabbal᷊iawa wuṛṛu naasomba sambau sondappa apan lembon maasinggawangnga naungku.

HOSEA 3:5

Arawe sarun dumanta tempone walahannu Israel mabbelengnga ringannu Mawu Ruatan mangitou, wuṛṛu ringannu ratun mangitou wuassu papapulunni Daud. Ana see i mangitou sarun mata'utta wuṛṛu mangadatta Mawu, see manengkamma manga al᷊aman-Ne.

AMOS 4:13

Wowone wuṛṛu anginna, ete Mawu apan mandariaddine; ṛiin-Ne niapasingkan-Ne su taumata. I Tou na'ola'a aallo wuṛṛu ṛabbi su wowon manga puiddu runia i Tou u'amatta. Mawu Ruata Apan Lembontaṛṛino, uddewe aran-Ne.

REENGANNA 24:14

Unni Bileam si Balak, “Orassa indi ya'u inaite mapul᷊e ringannu walahangku. Arawe tantal᷊anna taambe inai, mapianne i ya'u mamasingkatta si Tuangku su ola'u apa apan sarun olaannu walahannu Israel su saruannu walahanni Tuangku su allo sal᷊immurine.”

MATIUS 6:9

Nariaddi aal᷊iomante ereindi, ‘Iamangngi yami su surga; Ete I'o Ruata tumba'u Sambau. Antimanna I'o subbanna wuṛṛu wantuhanna.

TAHIUL᷊E 31:19

Orassa indi woṛṛeta'e antari indi wuṛṛu tantiroa'a su walahannu Israel maola'a sambau tatiala si mangitou.

TAHIUL᷊E 4:30

Amungkangngu i yamiu aṛṛiaannu al᷊al᷊eo udde, wuṛṛu i yamiu udde lai sulal᷊ummu asasusa, ne i yamiu sarun mabelengnga ringannu Mawu Ruatanu wuṛṛu tuttuṛṛutta si Tou.

2 TIMOTIUS 3:1

Naunge'o indi: Su manga allo panginsueanne sarun pia asasusa manambo.

IBRANI 1:1

Su tempo rorone Ruata masokka uahahatton iupungngi ite sulal᷊ummu manga nabine ringannu mappaattu anambon dal᷊anna.

2 PETRUS 3:3

Paarorone, i yamiu ṛinone masingkatta manungku su allo-allo pangudusanne, sarun rumanta manga taumata apan pabbawiakke paparentannu apulu naungngi mangitou sassane. I mangitou sarun mangal᷊uandaga si yamiu,

SONDAPPA 1:1

Lal᷊oṛṛon wuke indi mabatti'a su ola'u apa apan suete niapaal᷊iatta'u Mawu Yesus su ola'u manga arariaddianna apan sarun mariaddi. Ruata namasingkata Mawu Yesus tadea'u i Tou mamasingkata su manga allangngu Ruata, apa apan ṛinone mal᷊ihakke mariaddi. Kristus nandolokku mala'ekan-Ne si Yohanes, allang-Nge, iapapasingkatu manga arariaddianna udde si tou.