DANIEL 2:21 - WUKE SUSI WATTI'U AL᷊AL᷊USASSA

²¹ Ete i Tou apan mannantunnu watianna wuṛṛu tempo, i Tou mannal᷊inggi wuṛṛu mannenegu tembonanne. Ete i Tou lai apan mangngonggollu asingkatta, see mangngonggollu pasasunna.

DANIEL 2:21 Iomraidhean Croise

1 MARARATU 10:24

Anambon taumata su ahewallu runia mattinsahadda maddea'a maisasomban Salomo tadea'u maddaringikka al᷊aṛṛa'a masiṛṛongnga apan nionggollu Ruata si tou.

1 MARARATU 3:28

Sutempo walahannu Israel naaringikka putusanni Salomo sulal᷊ummu hatto udde, i mangitou tinumiangnga wuṛṛu mangngaddatta si tou. Ana waugu, nilumiatta'e manungku Ruata buatte nangonggolla si tou asingkatta tadea'u mammanara ringannu atatul᷊idda.

1 MARARATU 4:29

Ruata nangonggolla si Salomo asingkatta, wuṛṛu apande apan tumaniten bahewalla, see pasasunna apan tumaniten mal᷊al᷊umma.

1 TAWARIKH 22:12

Wuṛṛu antimanna Mawu Ruatanu mangonggolu asingkatta wuṛṛu pasasunna si'o ipamarenta Israel uasul᷊ungngu manga tita-Ne.

1 TAWARIKH 29:30

Sulal᷊ummu wuke udde niwatti'a su ola'u i tou mammarenta, taṛṛinone wuṛṛu sarangkanambone apan naṛṛia'a su watanganne, su Israel wuṛṛu su manga araratuanna maranin Israel.

ESTER 1:13

Ratu pia inanaramanna maddorongnga addapatta wuassu manga mapapande su ola'u tita wuṛṛu adatta. Ana waugu udde i tou namaggo manga mananantirone apan masingkatta apa apan ṛinone olaanna su ola'u hatto udde.

AYUB 12:18

Niwaddo-Ne ratu wuṛṛu niatawan-Ne i mangitou;

SASABANGNGA 31:3

wuṛṛu i Ya'u nangonggolu taṛṛino si tou. I tou Ta'u nionggol᷊annu asingkatta, apande wuṛṛu atatohassa sulal᷊ummu al᷊awo'u hatin manara mangnguitta;

SASABANGNGA 31:6

Oholiab, ana'i Ahisamakh wuassu walagi Dan, buatte Ta'u nipile lai iapal᷊al᷊ima si tou. I Ya'u lai nangonggolu asingkatta apan bahewalla su manga tu'angnga apan pande, tadea'u i mangitou wotongnge ma'ola'a sarangkanambone apan Ta'u irolokka;

DANIEL 1:17

Ruata nangonggolla su umbasanna siri appatta udde asingkatta wuṛṛu apande sulal᷊ummu aimpal᷊ukka wuṛṛu apanden passi'ol᷊anna. Wal᷊ine wua'udde lai si Daniel nionggol᷊an-Ne lai apande ipanal᷊a'an sondappa wuṛṛu wal᷊iawa.

DANIEL 10:1

Su tonna atallune pammarentan Ratu Koresh su Persia, sambau tanata niapasingkatta si Daniel ara'e Beltsazar. Tanata udde atonna, arawe tumaniten masahadda passuṛṛanne. Sutempo mattinsahadda madde'a massunna Daniel nanengkamma tal᷊aane su ola'u atappasannu tanata udde sulal᷊ummu sambau sondappa.

DANIEL 11:6

Manga pira tonna wua'udde ratun banua timukka sarun makkiinnu paa'aukka ringannu ratun banuan sawannakka wuṛṛu mangawingngu anangnge maṛṛuala ringannu ratun banuan sawannakka udde. Arawe paa'aukka udde tawe nattaṛṛangnga, wuṛṛu maṛṛuala udde sarun pateanna, aroddi lai awingnge wuṛṛu anangnge wuṛṛu manga allangnge apan buatte nanguntuddi mangitou.

DANIEL 2:20

wisarane, “Ruata udde pande wuṛṛu matohassa, dalo si Tou saran mal᷊annu-l᷊annu!

DANIEL 2:23

Oh, Ruata raddaloannu al᷊amona'u, I'o ta'u raloanna wuṛṛu ta'u wantuhanna. Ana waugu I'o nangonggolla si ya'u asingkatta wuṛṛu atatohassa. Darorongngi yami buatte niraringiṛṛan-Nu, wuṛṛu sasimbakka su ratu buatte niwal᷊o-Nu.”

DANIEL 2:9

makkuumanni yamiu sarangkanambone ringannu olangnge apan uasul᷊ungnga amungkangngu i yamiu tawe maapasingkattu wal᷊iawa udde si ya'u. I yamiu na'ire tadea'u sidutu mammahia wuṛṛu mannalangnga si ya'u ringannu antimma manungku i ya'u sarun maml᷊u innappuangku. Ne, pasingkata'e wal᷊iawa udde, ne i ya'u sarun maasingkatta manungku i yamiu wotongnge manal᷊a'an atappasanne.”

DANIEL 4:14

Ringannu tingikka ma'ikkatta i tou nabbisara, ‘Tuwangke alu udde wuṛṛu tontote manga rannane, tontonga'e manga rongngane wuṛṛu sal᷊iawuṛṛa'e manga wuane. Limbuaṛṛete manga winatangnga apan ual᷊allowangnga su al᷊ungnge wuṛṛu manga manu'u winalanganna apan massal᷊akka su manga rannane.

DANIEL 4:17

Eteudde inaappuanni yami manga mala'ekatta apan uasaddia wuṛṛu uatehamma. Pandumannu Ruata Apan Atanggaṛṛanne uataṛṛino araratuannu taumata wuṛṛu i Tou apan nangonggollu araratuanna udde su anambon taumata apan nipile-Ne, ewe'e lai su taumata apan tawe gunane saran addio'a.’

DANIEL 4:22

Oh Tuangku, ete i Tuangku punnu alu apan matanggakka wuṛṛu matohassa udde. Awawantugi Tuangku aatambanna maddatingngu langitta wuṛṛu taṛṛinon Tuangku aatambanna sara pentakku runia.

DANIEL 4:32

I'o sarun limbuaṛṛanna wuassu ammul᷊annu tumana'u soa, wuṛṛu mabbiakka manga winatangnga su wadda'a. Al᷊annune pitu tona i'o sarun umanna nannal᷊o ere sapi. Wua'udde i'o sarun manga'u manungku Ruata Apan Atanggaṛṛanne uataṛṛino su araratuannu taumata wuṛṛu araratuanna udde nionggollu Ruata su anambon taumata apan nipile-Ne.”

DANIEL 7:25

I tou sarun mabbisara lumawangnga Ruata Apan Atanggaṛṛanne wuṛṛu mangallangnga umattu Ruata, wuṛṛu i mangitou sarunaggasanne al᷊annune tatallu setenga su tonnane.

LUKAS 21:15

I Ya'u sassane sarun mangonggolu wisara wuṛṛu apande udde, ma'oman tawe saran sangkatou wuassu manga seetti yamiu wotongnge lumawangnga ara'e massinaaddu apa apan suete niapaasingkatti yamiu.

ROMA 13:1

Suapan taumata ṛinone matuṛṛutta su tembonanne, ana waugu tawe tembonanne apan tawe naasomba taṛṛino wuassu Ruata. Wuṛṛu tembonanne apan uaparenta orassa indi, mappaamattu manarane wuassu darolokku Ruata.

1 KORINTUS 1:30

Ete Ruata sassane apan ma'ola'a si'o naaukka ringanni Kristus Yesus. Sulal᷊ummi Kristus i ite niola'a pande. Wuṛṛu sulal᷊ummi Tou lai Ruata na'ola'a si ite nassangkapia apia ringanni Tou, i ite niola'a al᷊aṛṛanang-Nge apan apianne, wuṛṛu napaal᷊iun kite wuassu alal᷊eo.

YAKOBUS 1:17

Suapan aonggola apan mapia wuṛṛu lal᷊antake apan nasuungnga darantane wuassu surga, nisossoku Ruata, Mandariaddi al᷊awo'u asasemakka su langitta. I Tou Ruata apan tawe mawal᷊u, wuṛṛu tawe lai mapaarantan ararandumma.

YAKOBUS 1:5

Amungkangu pia sangkatou wuassu wallatti yamiu apan woddo, ṛinone i tou sumal᷊ande su Ruata, ne Ruata sarun mangonggolu apande si tou; ana waugu su al᷊awo'u taumata, Ruata sarun mangonggola ringannu naungnga mal᷊uassa wuṛṛu ringannu apendammu darangngu.

SONDAPPA 19:16

Su jubah-Ne wuṛṛu su palang-Nge uawoṛṛetta aranna indi, “Ratun al᷊awo'u ratu, wuṛṛu Mawun al᷊awo'u mawu.”