DANIEL 2:18 - WUKE SUSI WATTI'U AL᷊AL᷊USASSA

¹⁸ I tou nandolokki mangitou umal᷊iomanna su Ruata su surga tadea'u i Tou umakkanni mangitou wuṛṛu mamasingkattu addapingngu wal᷊iawa udde. Ringannu aroddi i mangitou tawe iṛṛumanna pateanna suadio'a ringannu mapapande waine.

DANIEL 2:18 Iomraidhean Croise

PANDARIADDI 18:28

Arawe asinungka tumba'u pia appatu pul᷊o l᷊ima su atoune apan tawe sal᷊ane, wuṛṛu wal᷊ine liman pul᷊o. Apa Mawu sarun mamate ahewallu soa udde tumba'u ana waugu paṛṛalane siri liman wedane tumbau limang katou?” Mawu nabbisara, “Soa udde tawe Ta'u ṛimunsaanna unnu wisara poiaroddi Ta'u asombanganna appatu pul᷊o l᷊ima su atoune apan tawe sal᷊ane.”

DARALO 136:26

Paadiangkamante su Ruata apan uataṛṛino langitta; darangngu-Ne tawe panguddusanne.

DARALO 50:15

Salandete si Ya'u sutempon asasusa, i Ya'u sarun mamallossi yamiu, wuṛṛu i yamiu sarun maddalo si Ya'u.”

DARALO 91:15

Amungkangu i tou sumal᷊ande si Ya'u, i Ya'u sarun sumimbakka si tou. Sutempon asasusa, i Ya'u sarun umontolla si tou; i tou sarun Ta'u iliu wuṛṛu Ta'u onggol᷊anna aaddata.

YESAYA 37:4

Ratun Asyur buatte nandolokku tembonannu tantara atanggaṛṛanne niapaal᷊uandaga Ruata apan biakka. Isai masingkatta Mawu Ruata naaringikka a'al᷊uandaga udde wuṛṛu sarun makkuumanni mangitou apan nabbisara! Ana waugu udde aal᷊iomante su Ruata hunan manga taumatan kite apan ta'e wiakka.”

YEREMIA 33:3

“Sal᷊andete si Ya'u, ne i Ya'u sarun sumimbakka; sarun Ta'u iapasingkatta si yamiu manga inolaanna apan maṛṛamaga wuṛṛu maatiangnga apan ta'e awaganannu.

YEHEZKIEL 36:37

Mawu Apan Atanggaṛṛanne nabbisara, “Ei walahannu Israel, i yamiu Ta'u iwala apia maiontolla si Ya'u; i Ya'u sarun manimu reengannu ere ammul᷊annu domba.

DANIEL 2:23

Oh, Ruata raddaloannu al᷊amona'u, I'o ta'u raloanna wuṛṛu ta'u wantuhanna. Ana waugu I'o nangonggolla si ya'u asingkatta wuṛṛu atatohassa. Darorongngi yami buatte niraringiṛṛan-Nu, wuṛṛu sasimbakka su ratu buatte niwal᷊o-Nu.”

DANIEL 3:17

Amungkangngu Ruata apan sassubbanni yami wotongnge manal᷊amatta si yami wuassu pandu'a apan tantal᷊anna lukkenggamma udde wuṛṛu wuassu taṛṛinon Tuangku – ne i Tou sarun ma'ola'a udde.

DANIEL 4:26

Manga mala'ekatta namarenta tadea'u tuiddu alu udde iwala matantangnga sulal᷊ummu leta'a. Udde atappasanne manungku sarun maola'a ratu apia napawe Tuangku buatte nanga'u manungku Ruata uataṛṛino ahewallu runia.

YUNUS 1:9

Sasimbakki Yunus, “I ya'u taumatan Ibrani. I ya'u massubba Mawu Ruata su surga, apan nadiaddi tahal᷊oangnga wuṛṛu ammaranne.”

MALEAKHI 3:18

Uma-U sarun maasilo apia ereapa paṛṛalane pal᷊addu taumata mapia wuṛṛu taumata lal᷊eo, suwallattu taumata apan mattaṛṛamawu si Ya'u wuṛṛu tawe.”

MATIUS 18:12

Ereapa su ṛingiṛṛannu? Unnu wisara pia sangkatou uatahuanna maṛṛasutta domba, see sambau su wallattu manga domba udde nawul᷊i, apa sarun olaannu taumata udde? I tou sarun manantangngu domba siom pul᷊o sio udde su wuidda wuṛṛu inai maddea'a domba sambau apan nawul᷊i udde.

MATIUS 18:19

Wuṛṛu asingkatawe lai: Amungkangngu su wallatti yamiu su runia indi pia duang katou ua'ire al᷊awo'u inolaanna, wuṛṛu iaal᷊iomanna, aal᷊iomanna udde sarun sengkamannu Iamangku su surga.

WATTI'U MANGA RASUL 12:4

Napawe niasamette, i Petrus nisutta sulal᷊ummu tuttupanna. Appatu wageangnga tantara niapaariaga si Petrus – sangkawageanganna udde anambone sire appata. Napawe rameam Paskah nasuete, wakkute udde i Herodes namarikissa si Petrus su saruannu awada'alla.

ROMA 15:30

Ringannu arannu Mawun kite Yesus Kristus, wuṛṛu ringannu darangngu apan nionggolu Ghaṛṛahon Duata, i ya'u sumal᷊ande si yamiu, doronganna i yamiu suadio'a u'al᷊iomanna su Ruata hunan manara'u.

2 PETRUS 2:9

Nariaddi, Mawu masingkatta ereapa manal᷊amatta manga taumata tuttuṛṛuta apulu-Ne su tempo i mangitou uasaruanna manga wawono'a. Wuṛṛu Mawu masingkata ereapa manahipunna manga taumata lal᷊eo udde sansaranna su Allo Pamarikisanna,

1 SAMUEL 17:37

Mawu buatte nanal᷊amatta allangngu wuassu singa wuṛṛu beruangnga, i Tou lai sarun manal᷊amatta allangngu wuassu taumatan Filistin udde.” Ana see i Saul nabbisara si Daud, “Ore aroddite, antimanna Mawu mantul᷊ungngu.”