DANIEL 12:13 - WUKE SUSI WATTI'U AL᷊AL᷊USASSA

¹³ I'o Daniel, paatuṛṛutte maddatingngu panguddusanne. I'o sarun mate, arawe sarun mabbangunna tadea'u manengkamma lal᷊antakku su panguddusannu tempo.”

DANIEL 12:13 Iomraidhean Croise

DARALO 1:5

Taumata lal᷊eo sarun iṛṛuumannu Ruata, mallaṛṛuunge wuṛṛu niṛṛae wuassu walahan-Ne.

DARALO 16:5

Mawu, tumba'u I'o tatahuanangku; I'o nangonggolu sarangkanambone apan pappandumangku, wia'u tumba'u sulal᷊ummu lima-Nu.

DARALO 16:9

Ana waugu naungku lulluassa wuṛṛu ṛimuu'u lullala'a, wuṛṛu wadangku nangillol᷊o ringannu matammuda.

SASABANGNGA 33:14

Unnu Mawu, “I yamiu sarun Ta'u lu'aranna tadea'u wotongnge maatahuanna leta'a apan Ta'u pinaire.”

DANIEL 12:3

Manga piaṛṛa'a apan pande sarun lumansiangnga ere semakku langitta. Wuṛṛu i mangitou apan buatte nanantiro manambo taumata tadea'u ma'ola'a apapia wuṛṛu atatul᷊idda, sarun lumansiangnga ere manga anumpitanna saran mal᷊annu-l᷊annu.”

DANIEL 12:4

Ana see mala'ekatta udde nabbisara apia si ya'u, “Daniel, tutuwa'e buke udde orassa indi, wuṛṛu reeten segele tadea'u sidutu uatutuba maddatingngu panguddusannu tempo. Manambo taumata sarun maannamma manaṛṛasidda apa apan tantal᷊anna nariaddi. Arawe sahaddi mangitou udde mangke tawe gunane.”

ZAKARIA 3:7

“Amungkangngu i'o tumuṛṛutta manga tita-U wuṛṛu mappaamattu manga manara apan Ta'u nionggolla si'o, ne sarangkal᷊o'engnge i'o wotongnge mabbali piaṛṛa'a sulal᷊ummu Wal᷊e-U wuṛṛu mammaresi rallakke. I Ya'u sarun maddaringikka manga aal᷊iomannu, ere lai i Ya'u maddaringikka aal᷊iomannu mala'ekatta apan uatana'u marani-Ku.

MATIUS 19:28

Mawu Yesus nabbisara si mangitou, “Pangimante: Su Runia apan Bakku, Ana'u Taumata sarun uma'ianna su adderan araratuanna apan mawantuga. Su tempo udde i yamiu mallal᷊aṛṛenggeng-Ku sarun uma'ianna su mapul᷊o dua adderan araratuanna wuṛṛu makkuungnga mapul᷊o dua walahannu Israel.

LUKAS 21:36

Paariagate, wuṛṛu sidutu a'al᷊iomanna tadea'u i yamiu matohassa mamipen al᷊awo'u hatto apan sarun mariaddi wuṛṛu i yamiu wotongnge sumaruanna Ana'u Taumata.”

2 KORINTUS 5:1

Ana waugu i yami masingkata manungku amungkangngu wal᷊e – eteudde wadangnga – apan atatanaanni ite su runia indi ihohakka, Ruata sarun manaddia wal᷊en kite su surga, apan niola'u Ruata sassane wuṛṛu tawe mahohakka sarangkal᷊o'engnge.

2 TESALONIKA 1:7

Wuṛṛu si yamiu apan orassa indi uatataṛṛanga – aroddi lai si yami – Ruata sarun mangonggolu al᷊al᷊uassa su allo Mawu Yesus sumossokka wuassu surga wuṛṛu mamasilom batangan-Ne ringannu manga mala'ekatta apan matohassa,

SONDAPPA 14:13

See i ya'u naaringikka tingikka wuassu surga mabbisara, “Woṛṛetta'a indi: Manattaka orassa indi, al᷊al᷊uassa su manga taumata apan nate tantal᷊anna mangngimbe Mawu!” “Atonna!” sasimbaku Ghaṛṛahon Ruata. “I mangitou sarun mangillol᷊o mammanara masahadda, ana waugu hessim pangangimbe mangitou sidutu uatantalongnga si mangitou.”