DANIEL 12:1 - WUKE SUSI WATTI'U AL᷊AL᷊USASSA

¹ Mala'ekatta apan ual᷊uṛṛen laubba linen udde nabbisara apia, “Sutempo udde sarun lumapputta mala'ekatta wahewalla Mikhael mallalu'adda walahannu. Wua'udde sarun pia tempon asasusa apan taweddu panumandinganne ro'en pia manga walahanna. Arawe anambon taumata wuassu walahannu apan aranne uawoṛṛetta sulal᷊ummu buken Duata, sarun iapasal᷊amatta.

DANIEL 12:1 Iomraidhean Croise

DARALO 56:8

Piawe asasal᷊amatta su al᷊al᷊eon mangitou? Patete i mangitou sulal᷊ummu asasa'u-Nu, oh Ruata!

DARALO 69:28

Wala'e pasasal᷊an mangitou aatambanna anambone; arie i mangitou iapaṛṛino.

YESAYA 4:3

Suapan taumata apan natantangnga su Yerusalem, manga taumata apan nipilen Duata apan sal᷊amatanna, sarun isaggo na'ukkassa.

YESAYA 9:7

Mawu buatte nangema'u ṛuumanna su araratuannu Israel.

YEREMIA 30:10

Uma-U Israel, ariete pa'ata'utta! Allang-Ku Yakub, arie suminggawanga! I yamiu wuṛṛu papapulunnu sarun Ta'u iapaasal᷊amatta wuassu wanua marau, su tampa i yamiu niatawanna. I yamiu sarun mapul᷊e wuṛṛu matana'a su wanuanu ringannu mal᷊angnganna. I yamiu sarun mabbiakka ringannu matammudda; taweddu iata'utti yamiu.

YEREMIA 30:7

Allo ma'ata'utta nia'omante allo apan tawe sul᷊ungnge. Su uma-U udde allo apan maasinggawanga; arawe i Ya'u manal᷊amatta si mangitou.”

YEHEZKIEL 13:9

I Ya'u sarun makkuumanni yamiu, ei manga nabi apan mammasingkattu pani'atta awusu wuṛṛu ma'ira-ira manga sondappa! I yamiu tate lai wotongnge mangonggollu laṛṛawessa sulal᷊ummu manga ammul᷊annu uma-U. Manga rannu sarun pappasanna wuassu reengannu walahannu Israel, wuṛṛu i yamiu tate maapule su leta'a inariaddiannu. Ne i yamiu masingkatte manungku ete i Ya'u Mawu Apan Atanggaṛṛanne.

YEHEZKIEL 34:24

I Ya'u, Mawu, sarun maola'a Ruatan mangitou, wuṛṛu ratu apan ere allang-Ku Daud sarun maola'a tembonanni mangitou. I Ya'u Mawu buatte nabbisara.

YEHEZKIEL 5:9

Ana waugu anambon pallal᷊agu apan Ta'u iaarantinna, tumanangngu sarun Ta'u iṛṛuumanna masaddatta ere taambe Ta'u niola'a wuṛṛu tate Ta'u olaanna apia.

DANIEL 10:13

Mala'ekatta mallal᷊u'adda araratuannu Persia nando'appa si ya'u al᷊annune daruan pul᷊o assa su allone. Wua'udde Mikhael, sangkatou suwallattu manga piaṛṛa'u mala'ekatta, nirumanta nangontolla si ya'u. I tou ta'u nitantangnga poiaroddi, su Persia.

DANIEL 11:45

Ewe'e lai i tou sarun mapararisikku rasannu araratuanne suwallatu tahal᷊oangnga wuṛṛu wowone tampan Wal᷊en Mawu. Arawe wua'udde i tou sarun mate wuṛṛu tawe saran sangkatou lai apan wotongnge mangontolla si tou.”

DANIEL 7:10

wuṛṛu putungnga manggelekka wuassu adderan araratuanna. Su riwune taumata mangngimbe si Tou, wuṛṛu su jutane taumata uarisikka su saruan-Ne. Wua'udde nitattakke ammul᷊annu pallaṛṛuungnga, wuṛṛu buke niwu'ate.

DANIEL 9:12

I'o mammanara ringannu naṛṛino ere buatte nipa'ire-Nu si yami wuṛṛu su manga tembonanni yami. Yerusalem buatte niṛṛuman-Nu lembon wahewalla wuassu al᷊awo'u soa su runia indi.

YOEL 2:2

Allo udde marandumma wuṛṛu wasa, napenen ṛawu'a apan mal᷊abbukka. Tantaran saṛṛappalanna mangke pasi ranta naal᷊ihidda winabbawa apan namare su puiddu panenteanna. Araradiana ereudde taambe saran paassa pia, wuṛṛu tawe masul᷊e apia saran mal᷊annu-l᷊annu.

MALEAKHI 3:16

Ana see manga taumata apan matta'uttu Mawu uahahatto sangkatou ringannu sangkatou. Mawu maddaringikka wuṛṛu mannutukka apa apan iwabbisaran mangitou. Manga taumata apan mangngaddatta si Tou wuṛṛu matta'utti Tou, aranne iwoṛṛetta sulal᷊ummu buken pamoṛṛetanna su saruan-Ne.

MATIUS 24:21

Su manga allo apan maata'utta udde sarun pia asasusa wahewa ere apan taambe nariaddi ro'en panattaṛṛannu runia na'oman sara orassa indi, wuṛṛu tate lai mariaddi apia.

MARKUS 13:19

Su manga allo apan ma'ata'utta udde, sarun pia sambau asasusa apan taambe nariaddi, ro'en Ruata nandiaddi runia na'oman sara orassa indi, wuṛṛu tate lai mariaddi apia.

LUKAS 10:20

Salaiwe aroddi arie lumuassa ana waugu manga ghaṛṛaho lal᷊eo nassuṛṛubawa si yamiu. Mappianne i yamiu lulluassa ana waugu arannu uawoṛṛetta su surga.”

ROMA 11:15

Ana waugu i mangitou tawe tinarimmattu Ruata, ne paa'aukku runia ringannu Ruata naola'e apia; nangillembo lai amungkangngu i mangitou tinarimmattu Ruata! Udde nassul᷊ungngu ere taumata nate nabbiakka apia!

ROMA 11:26

Ete aroddi anambon taumatan Yahudi sarun masal᷊amatta. Ana waugu sulal᷊ummu Wuke Susi uawoṛṛetta arendi, “Ratun Punnu Sal᷊amatta sarun rumanta wuassu Sion; I Tou sarun manubbussa anambon al᷊al᷊eon papapulunni Yakub.

EFESUS 1:21

Aiananni Kristus udde mattanggaṛṛane marau wuassu al᷊awo'u aianannu pamarenta, al᷊awo'u tembonanne, al᷊awo'u piaṛṛangnge, al᷊awo'u manga tuangnga wuṛṛu isai lai apan buatte nionggol᷊annu aiananne apan matanggakka, mawae udde mabbiakka su tempo indi, ara'e mabbiakka su tempo addantane.

FILIPI 4:3

Su hawe'u apan matuṛṛuta, i ya'u madorongnga lai tadea'u tuṛṛanga massumbala wawine darua udde. I mangitou suete nammanara maṛṛimadda ringangku mabatti'u Watti'u Al᷊al᷊uassa wuassu Ruata; ere lai Klemen wuṛṛu anambon taumata waine apan mammanara suadio'a ringangku. Manga aranni mangitou uawoṛṛetta sulal᷊ummu Wuken Taumata Wiakka.

YUDAS 1:9

Mikhael sassane, apan naola'a tembonannu manga malaekatta, tawe pallal᷊agu ereudde. Su tempo i tou natatiakku Setanna sulal᷊ummu pabbawawul᷊o su ola'u isai apan naasomba winal᷊unanni Musa, Mikhael tawe waṛṛani makkuumannu Setanna ringannu wisara ipangngadio'a. Mikhael tumba'u nabbisara, “Mawu sarun mamul᷊o si'o”!

SONDAPPA 1:5

wuṛṛu wuassi Yesus Kristus, mattatiala apan matuṛṛuta. Ete i Tou apan paarorone niapaawiakka apia wuassu papate wuṛṛu ete i Tou ahebbal᷊anne uaparenta manga ratun runia. Mawu Yesus mandangngu si ite, wuṛṛu ringannu papate-Ne, i Tou napaal᷊iung kite wuassu manga rosang kite,

SONDAPPA 12:7

See su surga nariaddite pangalo. I Mikhael wuṛṛu manga mala'ekanne mapapangalo lumawanna naga udde. Wuṛṛu naga udde lai nilal᷊imannu manga mala'ekanne, lumawanna si Mikhael.

SONDAPPA 13:8

Winatangnga udde sarun subbannu anambon taumata apan mabbiakka su wowon runia indi, tabbene'e manga taumata apan aranne niwoṛṛeta tantal᷊anna runia indi taambe nariaddi, sulal᷊ummu wuken taumata wiakka pussa'an Ana'u Domba apan suete nipototta.

SONDAPPA 17:14

I mangitou sarun mamangalo lumawanna Ana'u Domba udde. Arawe Ana'u Domba udde wuṛṛu mallal᷊aṛṛenggen-Ne apan matuṛṛuta apan suete niwagoan-Ne wuṛṛu nipile-Ne udde sarun mapaarugi manga ratu udde, ana waugu ete i Tou Mawun al᷊awo'u tuangnga, wuṛṛu Ratun al᷊awo'u ratu.”

SONDAPPA 20:12

Wuṛṛu i ya'u naasilo manga taumata nate, timmade dario'a, uarisikka su saruannu adderan araratuanna udde. Ne manga wuke niwu'ate. See sambau wuke apan baine niwu'ate, eteudde Wuken Taumata Wiakka. Wua'udde ṛuumanna niema'a su taumata nate, uasul᷊ungngu pallal᷊agune tumuṛṛuttu apan uawoṛṛetta sulal᷊ummu manga wuke udde.

SONDAPPA 20:15

Manga taumata apan aranne tawe uawoṛṛetta sulal᷊ummu Wuken Taumata Wiakka, iramme sulal᷊ummu tahal᷊oangngu putungnga.

SONDAPPA 3:5

Si mangitou apan naauntunga sarun luṛṛeannu jubah mawira. Aranni mangitou tawe Ta'u pappasanna wuassu Wuken Taumata Wiakka. Wuṛṛu su saruannu Iamang-Ku wuṛṛu manga mala'ekan-Ne i Ya'u sarun manga'u manungku i mangitou udde pussa'a-U.

SONDAPPA 7:14

“I ya'u wagga Tuangnga. I Tuangnga sassane masingkata,” sasimba'u. Ne i tou nabbisara si ya'u, “Ete indi manga taumata apan suete ringannu sal᷊amatta naralukka wuassu pananansara apan wahewalla. I mangitou suete nabbansala jubah mangitou wuṛṛu niola'i mangitou nabbal᷊i mawira ringannu ṛaṛṛan Ana'u Domba udde.