DANIEL 11:40 - WUKE SUSI WATTI'U AL᷊AL᷊USASSA

⁴⁰ Napawe panguddusannu taṛṛinon ratun banua sawannakka maraniten a'omanna, ratun banua timukka sarun mabbal᷊issa pangalo udde ringannu masaddatta. I tou sarun mapasabbangngu manambo keretan pangalo, awal᷊o wuṛṛu apalla. I tou sarun mamangalo ere manawangnga, wuṛṛu manggaṛṛo manambo wanua.

DANIEL 11:40 Iomraidhean Croise

YESAYA 21:1

Eteindi tanata su ola'u Babel: Naal᷊ihidda anginna al᷊isusu sussal᷊induṛṛunga sussabbi wadda'u anne, etearoddi darantane silaka wuassu wanua apan ma'ata'utta.

YESAYA 5:28

Anaanne maṛṛoro wuṛṛu al᷊ati'anne nasaddiate mamiti'a. Anu'un awal᷊one aatikke ere watu putungnga, wuṛṛu bolan keretane tuttal᷊inggi ere anginna al᷊isusu.

YESAYA 66:15

Atonna, Mawu sarun dumanta ringannu putungnga; i Tou sarun suma'e kereta-Ne naal᷊ihidda anginna al᷊isusu, tadea'u mapasabbangngu asasa'u-Ne, wuṛṛu mammuṛṛeangnga ringannu ma'ikkatta.

YEREMIA 4:13

Pa'ellege, seetta sinumabbangnga ere winabbawa. Manga keretan pangalone ere anginna al᷊isusu, manga awal᷊one mallihaṛṛanna wuassu manu'a rajawali. Uare, i ite nasilakate! I ite matete!

YEHEZKIEL 38:4

I ya'u sarun mamal᷊elongi tou, mangaittu pe'anna su ol᷊ane, wuṛṛu mamangkassa si tou sumabbangnga suadio'a ringannu tantarane. Manambo atonna tantarane uasa'e awal᷊o apan ual᷊uṛṛen laubba seragamma udde. Suapan tantara uaapiddu allungnga wuṛṛu hal᷊ele.

YEHEZKIEL 38:9

I tou wuṛṛu tantarane see manambo walahanna apan uatantalongnga si tou rumanta mamangalo ere tandi'a wuṛṛu nanaappa wanua udde ere winabbawa.”

DANIEL 11:10

Ana see manga umasannu ratun banua sawannakka sarun mandiahite inai mapapangalo wuṛṛu mangammullu tantara apan wahewalla. Sangkatou suwallatti mangitou sarun inai mamangalo ere manawangnga.

DANIEL 11:11

Ne ratun banua timukka nasa'ute, wuṛṛu i tou inaite su tampan papangaloanna mando'appa ratun banua sawannakka. I tou sarun mahessi mamaddon tantara apan manambo niapiddu ratun banua sawannakka.

DANIEL 11:13

Su aruane lai ratun banua sawannakka sarun ma'ola'a tantara apan bahewalla wuassu paarorone. Napawe tempone nia'omante, i tou sarun inai ringannu tantara apan wahewalla wuṛṛu ahidde apan nasuungnga atonna.

DANIEL 11:22

Al᷊awo'u tantara apan mando'appa si tou, ore wewe lai Imam Wahewalla, sarun insueanna wuṛṛu ṛimunsaanna.

DANIEL 11:25

Wua'udde ringannu waṛṛani i tou sarun mallanginnu tantara apan wahewalla ipamangalo ratun banua timukka apan nasaddiate lai inai mando'appa si tou ringnanu tantara apan matonassa wuṛṛu manambo atonna. Arawe ratun banua timukka tawe maataṛṛangnga ana waugu i tou niawusuanna.

DANIEL 11:35

Sambageanganna wuassu manga piaṛṛa'a apan pande udde sarun iapate, arawe udde tumba'u sambau sasal᷊ua'tta su taumata ma'oman sara i mangitou mabbali waresi. Olangnge udde sarun mariaddi maddatingngu pangudussannu tempo, eteudde tempo apan buatte nitantunnu Ruata.

DANIEL 11:39

I tou sarun mamile manga taumata apan massubba monganna awagananna, tadea'u ipamangalo manga tanda'a watu apan matohassa. Isai apan manga'u monganna udde sarun onggol᷊anni tou aaddata wahewalla wuṛṛu manara apan matanggakka see leta'a maola'a lal᷊antakke.

DANIEL 11:7

Tawe nal᷊annu wua'udde, sangkatou apan sangkamonanna ringannu maṛṛuala udde sarun maola'a ratu. I tou sarun mamangalo tantaran banuan sawannakka, mamangalo tanda'a watune wuṛṛu mamaddone.

DANIEL 12:4

Ana see mala'ekatta udde nabbisara apia si ya'u, “Daniel, tutuwa'e buke udde orassa indi, wuṛṛu reeten segele tadea'u sidutu uatutuba maddatingngu panguddusannu tempo. Manambo taumata sarun maannamma manaṛṛasidda apa apan tantal᷊anna nariaddi. Arawe sahaddi mangitou udde mangke tawe gunane.”

DANIEL 12:9

I tou sinumimbakka, “Roote orassa indi, Daniel, ana waugu manga wisara indi ṛinone iwuni wuṛṛu iaddapingnga maddatingngu panguddusannu tempo.

DANIEL 8:17

Wua'udde Gabriel apan uarisikka su saruangku udde nangundani'u. I ya'u nabbal᷊i aroddi ata'unne, na'oman sara i ya'u naṛṛa'a. Unni Gabriel si ya'u, “Ei taumata apan mattate, i'o rinone masingkatta manungku sondapa udde mammasingkatta su ola'u pangudusannu runia.”

HABAKUK 3:14

Manga anaan-Nu nallapasa su piaṛṛa'u tantaran seetta sutempo tantarane nirumanta ere atohassu anginna al᷊isusu, tadea'u i yami isal᷊iawukka. I mangitou lullage ringannu lulluassa naal᷊ihidda taumata ringannu mal᷊anna-l᷊annabba mangngallanga taumata apan asiangnga.

ZAKARIA 9:14

Mawu sarun maipasilon batangan-Ne su uman-Ne, naal᷊ihidda sawallo manga anaan-Ne nipiti'a. Mawu Apan Atanggaṛṛanne sarun maniuppa trompetta tatiala mamangalote see inaite umamatta sulal᷊ummu tandi'a wuassu timukka.

SONDAPPA 16:12

Napawe wua'udde mala'ekatta aiannume nallal᷊innu lal᷊oṛṛon cawanne watukku Sal᷊ukku Efrat apan wahewalla udde. Ne sal᷊ukka udde namara na'oman sara manga ratu wuassu samba'an ra'i wotongnge sumabbi umamatta.

SONDAPPA 9:16

I ya'u niwal᷊oanna manungku reengannu tantara uasa'e awal᷊o udde dua ṛasutta su jutane anambone.