DANIEL 11:35 - WUKE SUSI WATTI'U AL᷊AL᷊USASSA

³⁵ Sambageanganna wuassu manga piaṛṛa'a apan pande udde sarun iapate, arawe udde tumba'u sambau sasal᷊ua'tta su taumata ma'oman sara i mangitou mabbali waresi. Olangnge udde sarun mariaddi maddatingngu pangudussannu tempo, eteudde tempo apan buatte nitantunnu Ruata.

DANIEL 11:35 Iomraidhean Croise

2 TAWARIKH 32:31

Wuṛṛu sutempo manga daroloṛṛanna wuassu Babel nirumanta naiwal᷊o si tou su ola'u apapiane apan maatiangnga, Mawu namalan Hizkia mangatokka sassane, tadea'u wotongnge manaṛṛassidda naungnge.

AMSAL 17:3

Wul᷊awanna wuṛṛu sal᷊a'a iannamma su auntupanna, arawe naungngu taumata iannammu Mawu.

YESAYA 27:9

Arawe manga rosan Israel tumba'u wotongnge ampunganna amungkangngu mezbah manga monganna ihilingnga al᷊ussa naal᷊ihidda apukka. Anambon tampan amania wuṛṛu hambarannu Monganna Asyera ṛinone ṛimunsaanna lai.

DANIEL 11:27

Wua'udde darua ratu udde sarun uma'ianna su sambau medda wuṛṛu umanna suadio'a, arawe itarua pia pandumma lal᷊eo, wuṛṛu itarua mangke uawawahia. Arawe ṛiinni tarua tawe maola'a ana waugu tempone taambe nia'omanna.

DANIEL 11:29

Manga pira tempo wua'udde i tou sarun mamangalo wanua timukka apia, arawe pangillul᷊eanne wal᷊ine waussu niola'a paarorone.

DANIEL 11:33

Manga taumata apan pande mamiaṛṛia'u tumanangnge sarun ma'ola'a manambo taumata maasunna. Arawe su manga pira tempo al᷊annune, manga pira suwallatti mangitou sarun iapate ana waugu pangalo wuṛṛu putungnga, wuṛṛu manga pirang katou lai sarun pangaṛṛoanna wuṛṛu niatawanna.

DANIEL 11:40

Napawe panguddusannu taṛṛinon ratun banua sawannakka maraniten a'omanna, ratun banua timukka sarun mabbal᷊issa pangalo udde ringannu masaddatta. I tou sarun mapasabbangngu manambo keretan pangalo, awal᷊o wuṛṛu apalla. I tou sarun mamangalo ere manawangnga, wuṛṛu manggaṛṛo manambo wanua.

DANIEL 12:3

Manga piaṛṛa'a apan pande sarun lumansiangnga ere semakku langitta. Wuṛṛu i mangitou apan buatte nanantiro manambo taumata tadea'u ma'ola'a apapia wuṛṛu atatul᷊idda, sarun lumansiangnga ere manga anumpitanna saran mal᷊annu-l᷊annu.”

DANIEL 12:4

Ana see mala'ekatta udde nabbisara apia si ya'u, “Daniel, tutuwa'e buke udde orassa indi, wuṛṛu reeten segele tadea'u sidutu uatutuba maddatingngu panguddusannu tempo. Manambo taumata sarun maannamma manaṛṛasidda apa apan tantal᷊anna nariaddi. Arawe sahaddi mangitou udde mangke tawe gunane.”

DANIEL 8:10

Tandu'a udde aatambanna lembon asallakke na'oman sara lembon matohassa ipamangalo tantaran surga eteudde manga winatangnga, ewe'e lai manga pira suwallanne niwaretane su leta'a wuṛṛu mangke niṛṛindane.

DANIEL 8:17

Wua'udde Gabriel apan uarisikka su saruangku udde nangundani'u. I ya'u nabbal᷊i aroddi ata'unne, na'oman sara i ya'u naṛṛa'a. Unni Gabriel si ya'u, “Ei taumata apan mattate, i'o rinone masingkatta manungku sondapa udde mammasingkatta su ola'u pangudusannu runia.”

DANIEL 8:19

“I ya'u sarun mamasingkatta si'o apa apan sarun mariaddi sal᷊immurine maola'a pangillul᷊eannu asasa'un Duata. Ana waugu sondapa udde mapal᷊iatta'u panguddusannu runia.

DANIEL 9:27

Ratu udde sarun makkiinnu pa'aire apan matohassa ringannu manambo taumata al᷊annune pitu tonna. Su pattangngannu tempo udde, i tou sarun mangingaddu mpangangapiddu sasamba wuṛṛu aonggolla. Wua'udde sambau apan maata'utta apan isassaggo Al᷊al᷊eo apan makkimunsa'a sarun iaddo su Wal᷊en Mawu wuṛṛu sidutu poiaroddi ma'oman sara i tou apan nangaddo isudde aṛṛiaannu papate apan buatte nitantunnu Ruata si tou.”

HABAKUK 2:3

Woṛṛeta'e udde ana waugu orassa indi taambe tempone. Arawe tempone udde sarun dumanta, wuṛṛu apa apan Ta'u niapasingkatta si'o mariaddi. Salaiwe pemdamanna ta'e mal᷊annu, arawe paṛṛaddote! Tempo udde sarun dumanta wuṛṛu tawe iasoṛṛota.

ZAKARIA 13:9

Tumba'u sepeṛṛe tatallu apan masal᷊amatta. Wuṛṛu i mangitou sarun Ta'u iapaasusi ere taumata mannal᷊u'attu wul᷊awanna. Wua'udde i mangitou sarun umal᷊iomanna si Ya'u, wuṛṛu i Ya'u sarun sumimbakka si mangitou. I Ya'u sarun mabbisara si mangitou manungku i mangitou uddewe uma-Ku, wuṛṛu i mangitou lai sarun manga'u manungku ete i Ya'u Mawu Ruata mangitou.”

MATIUS 16:17

“Auntunganna si'o Simon ana'i Yona!” unnu Mawu Yesus, “Ana waugu wal᷊inewe taumata apan namasingkattu olangnge udde si'o, arawe Iamangku su surga.

MATIUS 26:56

Arawe atonna naṛṛinote aroddi tadea'u matipusse apa apan niwoṛṛettu manga nabi sulal᷊ummu Wuke Susi.” Wua'udde, manga mallal᷊aṛṛenggen-Ne tinumal᷊angke nanantangngu Mawu Yesus.

YOHANES 15:2

Suapan ranna si Ya'u apan tawe mabua, pototanna, wuṛṛu ranna apan mabua, hainganna rongngane, wuṛṛu lauṛṛanna tadea'u lembo manambo lai wuane.

YOHANES 20:25

Ne manga mallal᷊aṛṛenggennu Mawu Yesus apan baine nabbisara si Tomas, “I yami naasilote Mawu!” Arawe i Tomas sinumimbakka, “Amungkangngu i ya'u taambe naasilo lanna'u lessam pa'u su lima-Ne, udde wuṛṛu taambe napangadon tal᷊imado'u su manga lanna'u lessam pa'u udde wuṛṛu taambe napangadon lima'u susandiṛṛan-Ne, i ya'u tawe mangngimanna saran paassa.”

WATTI'U MANGA RASUL 13:13

Wuassu Pafos, i Paulus wuṛṛu manga hawene nassenggotte watukku Perga su Pamfilia. Isudde i Yohanes Markus nanantangngi mangitou, see nabelengnga watukku Yerusalem.

TAHIUL᷊E 8:16

Su wadda'a i Tou nangonggolu manna maola'a pabbawiakku, anna apan awaganannu iupungngu al᷊amonanu. Mawu na'ola'a udde tadea'u iapaannama si yamiu wuṛṛu ipamawo naungngu, tadea'u panginsueanne i Tou wotongnge ma'ola'a apapia si yamiu.

YAKOBUS 1:2

Manga tuṛṛangnga! Amungkangu yamiu sumaruanna al᷊awo'u hatin bawono'a, ṛinone itarimatti yamiu ere auntunganna.

SONDAPPA 14:15

Wua'udde sangkatou mala'ekatta waine sinumabanga wuassu Wal᷊en Ruata. Ringannu tingikka apan ma'ikkatta, i tou inumui si Tou apan ua'ianna su wowon winabbawa udde, “Limbea'e hal᷊ele-Nu udde wuṛṛu orassa indi pangitingke, ana waugu temponetem pangangitingnga; runia nal᷊ahate wotongngete itinganna!”

SONDAPPA 17:17

Ana waugu Ruata suete nangal᷊ore naungngi mangitou mapaamattu pandumannu Ruata. Ruata suete na'ola'a si mangitou sangkire ipanantillu taṛṛino mangitou su winatangnga udde, tadea'u winatangnga udde mamarenta ma'oman sara matipussa apa apan suete niapaasingkatu Ruata.

SONDAPPA 2:10

Arie matta'uttu asasusa apan tate mal᷊annu lai apendamanni yamiu. Paanaunge, Setanna sarun mantaṛṛon sangkawageanganna wuassi yamiu sulal᷊ummu tuttupanna, ana waugu ipamono'a si yamiu. I yamiu sarun matataṛṛanga mapul᷊o allo al᷊annune. Ṛinone i yamiu matuṛṛuta si Ya'u ma'oman sara mate, ne i Ya'u sarun mangonggola si yamiu wiakka tutune wuṛṛu saran mal᷊annu-l᷊annu apan maola'a sambau lal᷊antaku naauntunga.

SONDAPPA 7:14

“I ya'u wagga Tuangnga. I Tuangnga sassane masingkata,” sasimba'u. Ne i tou nabbisara si ya'u, “Ete indi manga taumata apan suete ringannu sal᷊amatta naralukka wuassu pananansara apan wahewalla. I mangitou suete nabbansala jubah mangitou wuṛṛu niola'i mangitou nabbal᷊i mawira ringannu ṛaṛṛan Ana'u Domba udde.