DANIEL 11:30 - WUKE SUSI WATTI'U AL᷊AL᷊USASSA

³⁰ Ana waugu manga taumatan Roma ringannu manga apalle sarun dumanta wuassu Siprus wuṛṛu mamangalo si tou, na'oman sara i tou mangngiladdu atata'utta. Wua'udde i tou sarun mapul᷊e ringannu mandona atonna wuṛṛu mattinsahadda madde'a makkimunsa'a umattu Ruata. I tou sarun maddaringikka tatantiron mangitou apan buatte nabbasangkallu agama udde.

DANIEL 11:30 Iomraidhean Croise

PANDARIADDI 10:4

Papapulunni Yawan eteudde tumana'u Elisa, Spanyol, Siprus wuṛṛu Rodes.

1 TAWARIKH 1:7

Papapulunni Yawan eteudde taumatan Elisa, Spanyol, Siprus wuṛṛu Rodes.

NEHEMIA 6:12

Napawe i ya'u maṛṛingiddu olangnge udde, i ya'u naatutukke manungku aahen Semaya udde waline wuassu Ruata, ewe'e wuassi Tobia wuṛṛu Sanbalat. I mangitou buatte nanorokka si Semaya mamasingkattu papatta udde si ya'u.

YESAYA 23:1

Eteindi tanata su ola'u Tirus. Ei manga masasenggotta wuassu Spanyol apan mammare laudda, lalluaite! Sutempo massenggotta mapul᷊e wuassu Siprus, i yamiu niwal᷊oanna manungku soa Tirus nahohakke. Lawuanna wuṛṛu manga wal᷊ene naola'e winalal᷊anna.

YESAYA 23:12

Wisara Mawu, “Ei soa Sidon! I'o sarun tawe mallal᷊umanna'a apia. Tumanangngu allanganna. Salaiwe i mangitou mamengkangnga watukku Siprus, i mangitou tawe matammudda.” (

YEREMIA 2:10

Sallete apannu Siprus samba'an waṛṛatta, pandolokken taumata su samba'an ra'i watukku wanua Kedar, pamarikisse poiaroddi ringannu ma'udduppa, apa buatte nariaddi sambau hatto apan uasul᷊ungnga?

YEHEZKIEL 27:6

Manga daralungu niola'a wuassu manga alu wahewalla su Basan. Apampakku apallu niola'a wuassu alu cemara, wuassu taṛṛanusan Siprus niranta, lal᷊ogakke gadingnga apan maarega niatokka.

DANIEL 11:28

Wua'udde ratu na banua sawannakka sarun mapul᷊e watukku wanuane ringanu al᷊awo'u saranapa apan niaaṛṛo apan niasombanganne. I tou nassalu tadea'u makkimunsa'a agama apan pangngimanannu umattu Ruata. I tou sarun ma'ola'a sarangkanambone wua'udde mabbelengnga watukku wanuane sassane.

DANIEL 11:29

Manga pira tempo wua'udde i tou sarun mamangalo wanua timukka apia, arawe pangillul᷊eanne wal᷊ine waussu niola'a paarorone.

DANIEL 7:25

I tou sarun mabbisara lumawangnga Ruata Apan Atanggaṛṛanne wuṛṛu mangallangnga umattu Ruata, wuṛṛu i mangitou sarunaggasanne al᷊annune tatallu setenga su tonnane.

REENGANNA 24:24

Arawe wuassu Siprus sarun dumanta sambau ammul᷊annu apalla i mangitou sarun mangaṛṛo Asyur wuṛṛu Heber, wua'udde ammul᷊annu apalla udde lai sarun masue.”

MATIUS 24:10

Su tempo udde manambo taumata sarun massinaadu Mawu, wuṛṛu mandal᷊eo see masaseetta sangkatou ringannu sangkatou.

SONDAPPA 12:12

Ana waugu udde, ṛinone surga wuṛṛu sarangkanambone apan uatana'a sul᷊alumme, lumala'a! Arawe nasilakate runia wuṛṛu tahal᷊oangnga, ana waugu Setanna sinumossokke ringanni yamiu ringannu asasa'une apan Bahewalla, ana waugu i tou masingkata, manungku tempone tate mal᷊annu lai.”