DANIEL 11:16 - WUKE SUSI WATTI'U AL᷊AL᷊USASSA

¹⁶ Ratun banua sawannakka udde sarun ma'ola'a walate apulun naungnge ringannu tawe naasomba tatompolla sarang kaddio'a. I tou lai sarun matana'a su leta'a apan maṛṛansangnga wuṛṛu anuanna abbi.

DANIEL 11:16 Iomraidhean Croise

YESAYA 8:8

I mangitou sarun mangelekka su Yehuda ere manawangnga atanggakke sara ullekka manggal᷊amon kal᷊awo'a.” Ruata uarundinganna si ite! Papaid-De apan uasiappakka uatillumma wanuan kite.

YEREMIA 3:19

Mawu nabbisara, “Israel, i Ya'u mappulu manengkamma si'o maola'a ana-U, wuṛṛu mangonggolla si'o wanua apan ma'al᷊uassa, wanua apan apianne su ahewallu runia. I Ya'u mappulu tadea'u i'o mamaggo si Ya'u iamangnga, wuṛṛu tate mangingkatta apia wua dingang-Ku.

DANIEL 11:3

Wua'udde sarun dumanta sangkatou ratu apan matohassa. I tou sarun mamarenta araratuanna apan lembon wahewalla wuṛṛu walate i tou ma'ola'a apulun naungnge.

DANIEL 11:36

Ratun banua sawannakka sarun ma'ola'a walate apulun naungnge. Ringannu mawunga i tou sarun mabbisara manungku i tou manggewal᷊anne wuassu al᷊awo'u monganna, ewe'e lai manggewal᷊anna wuassu Ruata Apan Atanggaṛṛanne. I tou sarun wotongnge ma'ola'a ma'oman sara asasa'un Duata masue. Ana waugu apa apan buatte nitantunnu Ruata udde ṛinone maola'a paarorone.

DANIEL 11:41

Ewe'e lai leta'a apan maṛṛansangnga sarun pangaloanne lai, wuṛṛu pul᷊one su ṛiwune taumata sarun pateanne. Arawe manga araratuannu Edom, Moab wuṛṛu wageangnge apan ahunanne wuassu araratuannu Amon sarun masal᷊amatta.

DANIEL 11:45

Ewe'e lai i tou sarun mapararisikku rasannu araratuanne suwallatu tahal᷊oangnga wuṛṛu wowone tampan Wal᷊en Mawu. Arawe wua'udde i tou sarun mate wuṛṛu tawe saran sangkatou lai apan wotongnge mangontolla si tou.”

DANIEL 5:19

I tou aroddi ahewalle, na'oman sara manga taumata wuassu al᷊awo'u walahanna, ṛuanganu walahanna, wuṛṛu wahasa, mangngiladda wuṛṛu matta'utti tou. Amungkangngu i tou mappulu manal᷊amatta sangkatou taumata, i tou mangke manal᷊amatta taumata udde. I tou mapatanggakka wuṛṛu mapaawawon sai-sai tumuṛṛuttu apulune.

DANIEL 8:4

I ya'u naasilo domba esakka udde mannandu'a watukku waṛṛatta, sawanakka wuṛṛu timukka. Tawe saran sambau winatangnga lai apan wotongnge maaro'appa ara'e maatal᷊angnga wuassu taṛṛionne. I tou ma'ola'a walate apulun naungnge wuṛṛu nabbal᷊i mawunga.

DANIEL 8:7

I ya'u nanutukka i tou namangalo domba esakka udde. I tou aroddi aṛṛaginne na'oman sara nanumbu'a domba esakka udde, wuṛṛu namaddi tandungnge ruan bua. Domba esakka udde tawe naal᷊ore mando'appa. I tou natuntungnga su leta'a wuṛṛu manke lakkindanna, tawe saran sangkatou apan mantul᷊ungnge.

DANIEL 8:9

Wuassu wallattu sambau tandu'a udde tinuwuwote tandu'a addio'a apan nabbal᷊i lembon masallakka wuṛṛu taṛṛinone naddatingngu timukka, watukku ra'i wuṛṛu watukku leta'a apan maṛṛansangnga.

YOSUA 1:5

Tawe saran sangkatou apan botongnge maawaddonu Yosua, su al᷊o'engngu pabbiaṛṛannu. Ana waugu i Ya'u sidutu su sandiṛṛannu ere lai dorone su sandiṛṛanni Musa. I Ya'u tawe manantangu.