DANIEL 10:19 - WUKE SUSI WATTI'U AL᷊AL᷊USASSA

¹⁹ I tou nabbisara, “Ruata mandangngu si'o, ana waugu udde ariete suminggawangnga ara'e mata'utta, wette, ariaddite matohassa!” Tantal᷊anna i tou mabbisaran olangnge udde, i ya'u naapendamma lembon matohassa lai wuṛṛu nabbisara, “Otte pabbisarate, Tuangnga. Tuangnga buatte nanamba atatoha'u.”

DANIEL 10:19 Iomraidhean Croise

DARALO 138:3

Sutempo i ya'u sussal᷊ande Si'o, I'o sinumimbakka, I'o nanohassa naungku na'oman sara i ya'u nabbal᷊i waṛṛani.

YESAYA 35:4

Wal᷊oa'e sisai apan addio'a naungnge, “Tohasse naungngu, arie pa'ata'utta, Ruata rumanta makkuumannu seetta, i Tou rumanta manal᷊amatta si yamiu.”

YESAYA 41:10

Arie mata'utta, ana waugu i Ya'u uaringanna si'o, arie passinggawanga, ana waugu i Ya'u Ruatanu. I'o Ta'u tohasanna wuṛṛu Ta'u itul᷊ungnga, Ta'u ehetanna ringannu lima-U apan mawantuga.

YESAYA 41:14

Wisaran Mawu, “Arie paata'utta Israel, salaiwe i'o addio'a wuṛṛu lome. Ete i Ya'u Mawu apan mantul᷊ungngu, Apan Lembon Na'ukkassa, Ruatan Israel uddewe Mananal᷊amannu.

DANIEL 10:18

Ne paassa lai i tou nangeṛetta si ya'u, ana see i ya'u naapendamma ikka'u niatambanna.

DANIEL 9:23

Sutempo i'o mannattakke sussal᷊ande Ruata, i Tou nangonggollu sasimbakke. I ya'u nirumanta mamasingkatta ana waugu i Tou marangngu si'o. Ne, paddaringikke paapia-pia tantal᷊anna i ya'u manal᷊a'an atappasannu sondappa udde.

HAGAI 2:4

Arawe, arie maadio'a naungngu, ei i yamiu sarangkanambone! Sassute manara udde, ana waugu i Ya'u sidutu massumbala si yamiu.

ZAKARIA 8:13

Ei tumana'u Yehuda wuṛṛu Israel! Sutempo nanangkal᷊iu, amungkangngu manga taumata raho uawawontoga, i mangitou mabbisara, ‘Antimanna asasilaka apan naṛṛia'a su Yehuda wuṛṛu Israel maṛṛia'a si'o lai!’ Arawe i Ya'u sarun manal᷊amatta si yamiu, ma'oman sara manga taumata raho udde sarun mabbisara rundussa i mangitou, ‘Antimanna al᷊amatta apan nonto'a su Yehuda wuṛṛu Israel, umonto'a lai su watangannu!’ Ana waugu udde paatohasse naungu wuṛṛu arie paata'utta!”

ZAKARIA 8:9

Mawu nabbisara su uman-Ne, “Paatohasse naungngu! Orassa indi i yamiu ma'aringikka manga wisara apan buatte niwisara lai manga nabi sutempo rapappakke niaddo, ipabbangunna apia Wal᷊e-U.

YOHANES 11:3

Ruang katou tuṛṛangnge namasingkatta Mawu Yesus, “Mawu, tuṛṛangngi yami apan arangnguannu Mawu udde marada'a.”

YOHANES 11:36

Ne manga taumatan Yahudi udde nabbisara, “Pa'ellega tawe hampa darangngu-Ne si Lazarus!”

YOHANES 11:5

Mawu Yesus marangngu si Marta, si Maria wuṛṛu si Lazarus.

YOHANES 14:27

Al᷊al᷊uassa Ta'u itantangnga si yamiu. Al᷊al᷊ua-U sassane apan Ta'u nionggolla si yamiu. Ta'u nionggolla udde wal᷊ine ere nionggolu runia indi si yamiu. Arie passinggawangnga, arie pa'ata'utta.

YOHANES 16:33

Sarangkanambone indi iwabal᷊o-U si yamiu, tadea'u i yamiu maasomba al᷊al᷊uassa ana waugu su sampunna ringang-Ku. Su runia i yamiu sarun matataṛṛangnga. Arawe siddutu'a naungngu! I Ya'u suete napaarugin runia!”

YOHANES 19:26

Napawe Mawu Yesus naasilo inang-Nge wuṛṛu mallal᷊aṛṛenggenna apan arangnguan-Ne uarisikka isudde, i Tou nabbisara inang-Nge, “Inangnga, udde ana'i Inangnga.”

YOHANES 21:20

Su tempo i Petrus nanaile, i tou naasilo su liudde mallal᷊aṛṛenggenna apan arangnguannu Mawu Yesus. (Ete i tou ua'ianna marani Mawu Yesus su tempo u'anna wuṛṛu naiwal᷊o si Tou, “Mawu, isai apan sarun mamate Mawu?”)

1 KORINTUS 16:13

Ṛinone i yamiu paatehamma wuṛṛu matohassa sulal᷊ummu pabbiaṛṛannu ere taumatan Saṛṛani. Pammanarate ringannu waṛṛani wuṛṛu paatohassa.

2 KORINTUS 12:9

Arawe Mawu sinumimbakka, “I Ya'u mandangngu si'o wuṛṛu ete indi wuannu; ana waugu taṛṛino-U ahewal᷊anne amungkangngu i'o sulal᷊ummu al᷊allome.” Ana waugu udde naungku mal᷊uassa mamarabungan al᷊allome'u, ana waugu amungkangngu i ya'u lome, ne su tempo udde i ya'u maapendama manungku Kristus uariagga si ya'u ringannu atatohan-Ne.

EFESUS 6:10

Pangudusanne, ṛinone i yamiu maola'a matohassa ringannu atatohassa apan niasombanganni yamiu wuassu Mawu, ana waugu i yamiu uaaukka ringanni Tou.

2 TIMOTIUS 2:1

Timotius, ana'u! Ṛinone i'o mabbal᷊i matohassa ana waugu al᷊amatta apan nionggolla si ite, ana waugu i ite uaaukka ringanni Kristus Yesus.

YOSUA 1:9

Naunge, i Ya'u buatte namarenta si'o tadea'u i'o atonna-tonna mangimanna wuṛṛu waṛṛani! Imbaṛṛanga i'o mata'utta ara'e alal᷊eoannu ikkata, ana waugu i Ya'u Mawu Ruatanu uṛundingnna su al᷊awo'u tampa a'amatannu.”

SONDAPPA 1:17

Su tempo i ya'u naasilo, i ya'u nassumaga su saruan-Ne ere taumata nate. Arawe i Tou namitan lima-Ne aikkatanna si ya'u see nabbisara, “Arie paata'utta! Ete i Ya'u apan paarorone wuṛṛu pangudusanne.

MAL᷊AṚṚUUNGNGA 6:23

Arawe Mawu nabbisara si tou, “Paatammuda! Arie pa'ata'utta. I'o tawe mate.”