DANIEL 10:16 - WUKE SUSI WATTI'U AL᷊AL᷊USASSA

¹⁶ Wua'udde mala'ekatta apan ere lihiddu taumata udde nangul᷊ukku limane wuṛṛu nangeṛeṛetta wiwi'u. I ya'u nabbisara si tou, “Tuangku, sondappa indi naaola'a si ya'u aroddi asahadde na'oman sara i ya'u tate maal᷊ore saran kadio'a.

DANIEL 10:16 Iomraidhean Croise

SASABANGNGA 4:10

Arawe i Musa nabbisara, “Oh, Mawu, i ya'u wal᷊inewe taumata pande masinaukka, mawae ete dorone aroddi lai orassa indi, napawe Mawu buatte nabbisara si ya'u. Lila'u mawakkata, mabbisara mal᷊iwue wuṛṛu tawe masaṛṛawutta.”

SASABANGNGA 4:13

Arawe i Musa sinumimbakka, “I Ya'u sumal᷊ande, ariete pandolo'u, oh Mawu, pandolokken taumata waine.”

MANNANASE 1:18

Ana waugu lembon manambo asingkatti ite, lembon manambo lai asasinggawangngi ite. Lembon aatambanna apanden kite, lembon manambo lai asasusan kite.

YESAYA 6:7

I tou nangeṛṛetta wiwi'u ringannu waṛṛa udde, see nabbisara, “Waṛṛa indi buatte nieṛṛetta su wiwikku, orassa indi pasasal᷊anu buatte nipappassa wuṛṛu rosanu buatte niampungannu Mawu.”

YEREMIA 1:9

Wua'udde Mawu nangul᷊ukku lima-Ne, wuṛṛu namita moṛṛongku see nabbisara, “Paddaringikke wuṛṛu al᷊iata'e manga wisara apan Ta'u niapasingkatta indi.

YEHEZKIEL 1:26

Al᷊iu rosone su atuppa udde pia sambau saranapa lihidde ere adderan araratuanna wuassu watu nilam, wuṛṛu rosone ua'ianna sangkatou ere taumata.

YEHEZKIEL 3:27

Paṛṛadote, amungkangngu i Ya'u mabbisara si'o apia wuṛṛu mamelengngu atatohannu maggahatto, i'o ṛinone mamasingkattu apa apan i Ya'u, Mawu Apan Atanggaṛṛanne mamasingkatta si mangitou. Sambageanganna wuassi mangitou sarun maddaringikka, arawe sambagenganna lai tawe, ana waugu i mangitou atonna walahanna mal᷊awangnga.”

YEHEZKIEL 33:22

Su ṛabbi sutempo i tou taambe nirumanta, i ya'u naapendampe taṛṛino Mawu. Nariaddi sutempo taumata udde nirumanta ringangku, i ya'u napagahattote wuṛṛu tate nimoune.

DANIEL 12:8

Sarangkanambone apan niwisarane udde atonna ta'u niaringiṛṛanna, arawe i ya'u tawe maasuna. Wua'udde i ya'u naiwal᷊o, “Tuangnga, ereapa sarangkanambone indi sarun masue?”

DANIEL 4:19

Naaringikka udde, Daniel apan isassaggo lai Beltsazar, niṛṛumindu'a wuṛṛu tinumiangnga manga piran katempo. Ne i ya'u Ratu Nebukadnezar nabbisara si tou, “Beltsazar, ariete i'o suminggawangnga ana waugu wal᷊iawa wuṛṛu atappasanne udde.” Beltsazar sinumimbikka, “ Tuangku, apiawe eteapa unnuwisara manga arariadiana apan iraṛṛangngon wal᷊iwa udde naṛṛi'a su manga seetti Tuangku wuṛṛu wal᷊ine Tuangku.

DANIEL 7:15

Manga sondappa apan ta'u niasiloanna udde maawingo wuṛṛu maasinggawangnga naungku.

DANIEL 7:28

Nattaalle isindi watti'a indi. I ya'u lembon sussinggawangnga na'oman sara nabbal᷊i namikkassa, arawe tawe saran sangkatou apan tau niwal᷊oanna su ola'u sarangkanambone udde.

DANIEL 8:15

Sutempo i ya'u tantal᷊anna mattinsahadda maddea'a massunna atappasannu sondappa udde, inaṛṛombanganne uarisikka su saruangku sangkatou apan naal᷊hidda taumata.

DANIEL 8:17

Wua'udde Gabriel apan uarisikka su saruangku udde nangundani'u. I ya'u nabbal᷊i aroddi ata'unne, na'oman sara i ya'u naṛṛa'a. Unni Gabriel si ya'u, “Ei taumata apan mattate, i'o rinone masingkatta manungku sondapa udde mammasingkatta su ola'u pangudusannu runia.”

DANIEL 8:18

Tantal᷊anna i tou mabbisara, ia'unawantingnga. Arawe i tou nangagassa si ya'u wuṛṛu nantulungku dirumarisikka apia. Wua'udde i tou nabbisara,

DANIEL 8:27

Wua'udde i ya'u naapendamma nallome ana see nirumadda'a manga pira allo al᷊annune. Wue udde nabbangunte i ya'u wuṛṛu nammanarate manga manara'u apia su ratu. Arawe i ya'u sussinggawangnga maṛṛingiddu manga sondappa udde wuṛṛu mangke tawe maasunna manga sondappa udde.

DANIEL 9:21

Tantal᷊anna i ya'u u'al᷊iomanna, Gabriel apan buatte ta'u niassiloanna sulal᷊ummu sonda'u apan paarorone udde, tuttalla'a mattudda ringangku. Orassa udde temponete taumata mangonggollu sasamban bawallo.

LUKAS 1:64

Su tempo udde lai i Zakharia naawisarate wuṛṛu nadalote Ruata.

LUKAS 21:15

I Ya'u sassane sarun mangonggolu wisara wuṛṛu apande udde, ma'oman tawe saran sangkatou wuassu manga seetti yamiu wotongnge lumawangnga ara'e massinaaddu apa apan suete niapaasingkatti yamiu.

YOHANES 20:28

I Tomas nabbisara Mawu Yesus, “Mawu'u wuṛṛu Ruata'u!”

YOSUA 5:14

“Wal᷊ine hawe wuṛṛu lai wal᷊ine seetta;” sasimbakku taumata udde. “I Ya'u nirumanta isindi naola'a sangkatou tembonannu tantara Mawu.” Naaringikka udde i Yosua lapiddu niumal᷊intudda nasubba taumata udde. I Yosua nabbisara, “I ya'u indi allangi Tuangnga. Apa apan botongnge ta'u olaanna si Tuangnga?”

SONDAPPA 1:13

Su pattangngannu manga leddan sol᷊o udde uarisikka sangkatou apan niasiloanna naal᷊ihidda taumata. I Tou ual᷊uṛṛen jubah alo'engnge na'oman sara ledda. Su sabba-Nge, i Tou uapaattu lal᷊indumu ro'o wuassu wul᷊awanna.

MAL᷊AṚṚUUNGNGA 13:8

Naaringikka udde, i Manoah niumal᷊iomante su Mawu, arendi, “Mawu, antimanna I'o mandolokku allangngu udde apia ringanni yami iapapasingkatta apa apan ṛinone olaanni yami su ana'a udde napawe i tou niasungkangke.”

MAL᷊AṚṚUUNGNGA 6:13

I Gideon sinumimbakka, “I ya'u madorongnga ampunga tuanga! Amungkangngu atonna Mawu uarundinganna si yami, anio al᷊awo'u inolaanna indi naṛṛia'a si yami? Suapate al᷊awo'u al᷊aṛindu'a apan buatte niola'u Mawu dorone wuṛṛu buatte niapasingkattu iupungngu al᷊amonang kami su ola'u ereapa Mawu napasabbangi mangitou wuassu Mesir? Orassa indi Mawu nanantangken kami wuṛṛu namalan kami paparentannu manga taumatan Midian.”

MAL᷊AṚṚUUNGNGA 6:15

I Gideon sinumimbakka, “Anio i ya'u, Mawu? I ya'u tawe maapallosu walahannu Israel wuassu parentan taumata Midian. Sulal᷊ummu ruanganni Manasye, ete amonangkuku apan al᷊omeanne. Wuṛṛu sulal᷊ummu lal᷊oṛon amonangku lai ete i ya'u lai lembon tawe gunane.”