DANIEL 10:1 - WUKE SUSI WATTI'U AL᷊AL᷊USASSA

¹ Su tonna atallune pammarentan Ratu Koresh su Persia, sambau tanata niapasingkatta si Daniel ara'e Beltsazar. Tanata udde atonna, arawe tumaniten masahadda passuṛṛanne. Sutempo mattinsahadda madde'a massunna Daniel nanengkamma tal᷊aane su ola'u atappasannu tanata udde sulal᷊ummu sambau sondappa.

DANIEL 10:1 Iomraidhean Croise

PANDARIADDI 41:32

Waliawan i Tuangku nariaddi paarua, udde atappasanne manungku olangnge udde buatte tinantunnu Ruata wuṛṛu manungku Ruata mapaamatta ringannu mal᷊ihakka.

2 TAWARIKH 36:22

Su tonna paarorone sutempo i Kores uaparenta, ratun Persia, Mawu nanipussu sarangkanambone apan buatte niapasingkan-Ne si Nabi Yeremia. Mawu nangal᷊oren naungngi Kores tadea'u mapasabbangngu sambau parenta apan iwasa su ahewallu araratuanne. Tingikke arendi:

EZRA 3:7

Tumanangnge nangonggollu roitta ipanewa basen meselle wuṛṛu basen alu. I mangitou lai nangirimmu anna see lanan zaitun watukku manga soa Tirus wuṛṛu Sidon ipanal᷊iu alu cemaran Libanon wuassu manga soa udde. Alu udde niapidda watukku Yafo nilumewessa tahal᷊oangnga. Sarangkanambone udde nimanaran tumanangnge ringannu darolokki Kores, ratun Persia.

EZRA 4:3

Arawe Zerubabel, Yesua wuṛṛu manga tembonannu wawosoanna sinumimbakka, “I yami tawe mappandumma sasumbala wuassi yamiu ipandarisikku Wal᷊en Mawu Ruatan kami. I yamite mapararisikka sassane ere su parentan Kores, ratun Persia, si yami.”

EZRA 4:5

I mangitou nanorokka manga tembonannu pamarentan Persia tadea'u manal᷊are hol᷊agu taumatan Yahudi udde. Olangnge udde sidutu iapaamatta ro'en i Ratu Kores uaparenta naddatingngu pamamarentan Ratu Darius.

EZRA 6:14

Nisumbalannu manga nabi Hagai wuṛṛu Zakharia, manga piaṛṛa'u Yahudi nanassu bangunannu Wal᷊en Mawu udde. I mangitou mal᷊ihakka nanginsue bangunannu udde uasul᷊ungngu parentan Duatan Israel wuṛṛu parentan Kores, Darius wuṛṛu Artahsasta, manga ratun Persia udde.

EZRA 6:3

“Su tonna paarorone sutempo i Ratu Kores uaparenta, i tou napaasabbangngu parenta tadea'u Wal᷊en Mawu su Yerusalem olaanna apia maola'a tampan taumata mangngapiddu sassamba wuṛṛu panambunannu sasamba. Atanggakku Wal᷊en udde ṛinone 27 metere wuṛṛu al᷊alakke 27 metere lai.

YESAYA 44:28

Ete i Ya'u apan nabbisara si Kores, ‘Ete i'o apan mamarenta uma-U, wuṛṛu mapaamattu anambon apulu-Ku. Parentaite tadea'u Yerusalem olaanna apia, wuṛṛu Wal᷊en Mawu isarite rapappake.’ ”

DANIEL 1:17

Ruata nangonggolla su umbasanna siri appatta udde asingkatta wuṛṛu apande sulal᷊ummu aimpal᷊ukka wuṛṛu apanden passi'ol᷊anna. Wal᷊ine wua'udde lai si Daniel nionggol᷊an-Ne lai apande ipanal᷊a'an sondappa wuṛṛu wal᷊iawa.

DANIEL 1:21

Daniel sidutu mammanara su wal᷊en arartuanna na'omam sara Ratu Koresh wuassu Persia namaddon Babel.

DANIEL 1:7

Tembonannu amonannu wal᷊en araratuana namal᷊u manga aranni mangitou nabbal᷊i: Beltsazar, Sadrakh, Mesakh wuṛṛu Abednego.

DANIEL 10:14

I ya'u nirumanta tadea'u ma'ola'a si'o maasunna apa apan sal᷊immurine mariaddi su walahannu. Sondappa indi su ola'u allo addantane.”

DANIEL 11:2

Wuṛṛu apa apan ta'u iwisara si'o udde atonna.” Mala'ekatta udde mabbisara, “Siri tallu ratu waine sarun mamarenta Persia, tatantalongannu ratu aiappanne apan sarun lembon aalanne wuasi ngana'a waine. Su panginsueannu taṛṛinone wuṛṛu awawantuge, i tou sarun masasaruannu atatohanne ringannu araratuannu Yunani.

DANIEL 12:4

Ana see mala'ekatta udde nabbisara apia si ya'u, “Daniel, tutuwa'e buke udde orassa indi, wuṛṛu reeten segele tadea'u sidutu uatutuba maddatingngu panguddusannu tempo. Manambo taumata sarun maannamma manaṛṛasidda apa apan tantal᷊anna nariaddi. Arawe sahaddi mangitou udde mangke tawe gunane.”

DANIEL 12:9

I tou sinumimbakka, “Roote orassa indi, Daniel, ana waugu manga wisara indi ṛinone iwuni wuṛṛu iaddapingnga maddatingngu panguddusannu tempo.

DANIEL 2:21

Ete i Tou apan mannantunnu watianna wuṛṛu tempo, i Tou mannal᷊inggi wuṛṛu mannenegu tembonanne. Ete i Tou lai apan mangngonggollu asingkatta, see mangngonggollu pasasunna.

DANIEL 4:8

Panginsueanne nirumantate i Daniel apan isassaggo lai Beltsazar ere lai arannu mongangku. Daniel niintaṛṛoannu ghaṛṛahon manga mongangku apan susi. Ta'u niwatti'a wal᷊iawa'u lai si tou, wisara'u,

DANIEL 5:12

I tou tumaniten pande wuṛṛu masingkatta see pande sulal᷊ummu mannal᷊a'an wal᷊iawa, mamasingkattu addappingnga wuṛṛu mani'attu aiwal᷊o apan masahadda. Arenne i Daniel, arawe ratu nanagone Beltsazar. Waggoite i tou. I tou sarun mamasingkatta si Tuangku apa atappasannu woṛṛetta indi.”

DANIEL 5:17

Daniel sinumimbakka, “Tuangku salaiwe tawe mangonggollu aonggolla udde si ya'u, onggol᷊a'e su taumata waine. I ya'u sarun mabbasan woṛṛetta udde si Tuangku wuṛṛu mamasingkattu atappasanne.

DANIEL 6:28

I tou manal᷊amatta wuṛṛu mammallossa ma'ola'a tanda maaherangnga wuṛṛu maatiangnga su langitta aroddi lai su runia. Daniel buatte niapasal᷊aman-Ne, wuassu moṛṛongngu manga singa.”

DANIEL 8:16

I ya'u naaringikka tingikka apan nabbisara su samba'an Sal᷊ukku Ulai, wisarane, “Gabriel, tal᷊aa'e si tou sondamme udde.”

DANIEL 8:26

Sondappa su ola'u sasamban bawallo wuṛṛu marua allo apan buatte nital᷊a'a si'o udde, atonna-tonna sarun mariaddi. Arawe sarangkanambone udde sarun mariaddi sutempo addantane apan ta'e marau; nariaddi arie pabbattia'a su saran sangkatou taumata.”

LUKAS 1:20

Apa apan ta'u niwisara, sarun mariaddi su tempone. Arawe ana waugu i'o tawe mangngimanna, i'o sarun tawe maawisara; i'o sarun imoune ma'oman sara apa apan suete niwal᷊o'u matipusse.”

SONDAPPA 19:9

See mala'ekatta udde nabbisara si ya'u, “Woṛṛetta'a indi: ‘Lal᷊umanna'a su taumata apan niwagoanna su andeangngu awingngu Ana'u Domba udde.’ ” See mala'ekatta udde nanamba apia, “Ete indi watti'a atonna wuassu Ruata.”