DANIEL 1:4 - WUKE SUSI WATTI'U AL᷊AL᷊USASSA

⁴ I mangitou ṛinone manga umbasanna apan tawe sangkulle. I mangitou ṛinone maṛṛamaga, matanggakka si'ol᷊ane, pande wuṛṛu assingkanne manambo see lai wotongnge mammanara sulal᷊ummu wal᷊en araratuanna. Aspenas ṛinone manantiro si mangitou mabbasa wuṛṛu mamoṛṛettu sinaukku Babel.

DANIEL 1:4 Iomraidhean Croise

2 SAMUEL 14:25

I Absalom niraloanna ere sangkatou apan atohasanne su ahewallu Israel. Tawe taumata apan mattohasanna wuassi tou. Wuassu pal᷊addu ledda maddatingngu pentakku uta'a tawe sangkulle.

AMSAL 22:29

I'o buatte naasilo sangkatou taumata pande mammanara manarane? Taumata udde sarun iapamanara su wal᷊en manga ratu, wal᷊ine su wal᷊en taumata wiasa.

MANNANASE 7:19

Asingkatta maaola'a tatahuanne lembon matohassa wuassu mapul᷊o tembonanne su sambau soa.

YESAYA 36:11

Wua'udde wisaran Elyakim, Sebna wuṛṛu Yoah su tembonannu tantaran Asyur udde, “Tuangnga, mabbisara sulal᷊ummu sasinaukku Aram ringanni yami, i yami ma'asunna. Arie mappaattu sasinaukku Ibrani, takka asunnannu tumanange roso su tanda'u soa udde.”

YEREMIA 5:15

Ei ummattu Israel, Mawu tantal᷊anna mandantan sambau walahanna wuassu wanua apan marau tadea'u iapapangalo si yamiu. Walahanna udde piate ro'en al᷊amonane, pabbawisarane tawe asunnanni yamiu,

DANIEL 2:10

Manga mapapande udde sinumimbakka, “ Su ahewallu runia tawe saran sangkatou apan wotongnge mamasingkattu apa apan ipaapulun tuangnga udde. Wuṛṛu taambe saran paassa sangkatou ratu, salaiwe ereapa ahewalle wuṛṛu awantuge, maddorongnga olangnge ere udde wuassu manga taṛṛa si'atta, taṛṛa ṛopa, wuṛṛu manga taumata apan pia asingkanne su wal᷊en araratuanne.

DANIEL 2:2

Ana waugu udde aroddi i tou namaggo taṛṛa si'atta, taṛṛa ropa, taṛṛa pasangkadda wuṛṛu manga taumata pia asingkanne, tadea'u iapatal᷊a'an wal᷊iawane udde.

DANIEL 3:8

Manga pira taumatan Babel nappaattu tempone udde ipanilaka taumatan Yahudi.

DANIEL 4:7

Arawe sutempo manga taṛṛa si'atta, taṛṛa ropa, manga taumata pia asingkanne wuṛṛu mapapanden anumpitanna udde nirumanta wuṛṛu ta'u niwatti'a wal᷊iawa'u udde si mangitou, tawe saran sangkatou apan wontongnge manal᷊a'an atappasanne.

DANIEL 5:11

Ana waugu sulal᷊ummu araratuanni Tuangku pia sangkatou esakka apan aintaṛṛoannu ghaṛṛahon manga monganna apan susi. Sutempo pamamarentan iamangngi Tuangku, taumata udde niatialanna uatahuanna asingkata, pasasunna wuṛṛu apande, apan ere apandean manga monganna. Iamangngi Tuangku Ratu Nebukadnezar buatte nanenegi tou naola'a piaṛṛa'u manga mapapanden taṛṛa si'atta, taṛṛa ṛopa, wuṛṛu manga taumata pia asingkanne wuṛṛu mapapanden anumpitanna.

DANIEL 5:7

Ringannu mangngintul᷊i i tou maddorongnga tadea'u manga taṛṛa si'atta, taṛṛa ṛopa wuṛṛu mapapaden anumpitanna waggoanna. Sutempo i mangitou nirumanta, ratu nabbisara, “Isai-sai wotongnge maawasan woṛṛetta udde wuṛṛu mamasingkattu atappasanne si ya'u, sarun ta'u onggol᷊annu laubba araratuangku juba ungu wuṛṛu wual᷊awanna tatialan aadatta. Wal᷊ine wua'udde lai i tou sarun ta'u itenega maola'a tembonannu atallune sul᷊ummu araratuangku.”

DANIEL 9:1

Su tonna paarorone pamamarentan Darius taumatan Media, ana'i Ahasyweros su araratuannu Babel, i ya'u Daniel, mangke mabbasan manga buken agama. I ya'u maṛṛingidda manungku tumuṛṛutu wisaran Mawu si Nabi Yeremia, soan Yerusalem sidutu sarun mahohakka al᷊annune pitun pul᷊o su tonnane.

ZAKARIA 2:4

Mala'ekatta paarorone nabbisara su mala'ekatta aruane, “Roote paal᷊ihakka ringannu umbasanna udde, wuṛṛu wal᷊oa'a si tou manungku Yerusalem sarun masaddattu taumata wuṛṛu winatangnga papadul᷊iananna na'oman sara tawe mariaddi olaanna darandungnga ipamaliwutta.

WATTI'U MANGA RASUL 7:20

Su tempo udde i Musa niasungkangnga; i tou ana'a aṛṛamahanne. Tallu wul᷊anna al᷊annune i tou papadul᷊ianannu iamangnge,

WATTI'U MANGA RASUL 7:22

Al᷊awo'u apanden taumata Mesir niaṛṛa'a si tou wuṛṛu i tou naola'a taumata apan lembon taṛṛino sulal᷊ummu wisara wuṛṛu inolaanne.

EFESUS 5:27

Ringannu aroddi Kristus napararisikku jamaatta udde ringannu mawantuga wuṛṛu na'ukkassa su saruan-Ne, ringannu tawe sangkule ara'e angngone.

MAL᷊AṚṚUUNGNGA 8:18

Wua'udde i Gideon naiwal᷊o si Zebah wuṛṛu Salmuna, “Ereapa hatin manga taumata apan nipaten kamiu su Tabor udde?” I Zebah wuṛṛu i Salmuna sinumimbakka, “I mangitou sarangkanambone naal᷊ihida ere hatinu, ere papapulunnu mararatu.”