DANIEL 1:2 - WUKE SUSI WATTI'U AL᷊AL᷊USASSA

² Mawu namalan tou namaddon Ratu Yoyakim wuṛṛu nagaṛṛo sambageanganna wuassu manga saranapa apan marega su Wal᷊en Mawu. Manga taumata apan niatawanne, niapiddi tou watukku kuillu monganne su Babel, wuṛṛu manga saranapa maarega apan niaaṛṛone, nisahipunna sulal᷊ummu manga gudangngu kuilla udde.

DANIEL 1:2 Iomraidhean Croise

PANDARIADDI 10:10

Paarorone araratuanne naddatingngu Babel, Erekh wuṛṛu Akad, soa tatallu udde su Babilonia.

PANDARIADDI 11:2

Napawe i mangitou mammal᷊intadda su samba'an da'i, i mangitou na'omate su sambau leta'a ratakke su Babilonia, ana see namanuate poiaroddi.

2 MARARATU 24:1

Sutempo i Ratu Yoyakim uaparenta, i Nebukadnezar ratun Babel namangalo wuṛṛu namaddon Yehuda. Tallu tonna al᷊annune Yoyakim uasuṛṛubbawa si Nebukadnezar, arawe wua'udde i tou namangalo.

2 TAWARIKH 36:5

Yoyakim uukke 25 su tonnane sutempo i tou naola'a ratun Yehuda, ne i tou namarenta su Yerusalem 11 su tonnane al᷊annune.

2 TAWARIKH 36:7

Sangkawageanganna manga saranapa apan maarega su Wal᷊en Mawu niapiddi Nebukadnezar wuṛṛu sinahipunna su wal᷊en araratuanne su Babel.

EZRA 1:7

Kores napaasabbangngu manga mangko wuṛṛu cawanna apan dorone ipappaatta sulal᷊ummu Wal᷊en Mawu su Yerusalem. Manga saranapa udde buatte niṛṛootti Ratu Nebukadnezar wuṛṛu niaddo sulal᷊ummu kuillu manga monganne sassane.

YESAYA 11:11

Su allo udde Mawu sarun paassa lai mappaattu taṛṛino-Ne mangapidda mapul᷊e uman-Ne lambene su Asyur wuṛṛu su Mesir, su manga wanua Patros, Sudan wuṛṛu Elam, su Babel, Hamat wuṛṛu manga taṛṛanusa apan marau.

YESAYA 42:24

Isaite apan nanantillu Israel iapaaṛṛo? Wal᷊inewe Mawu udde sassane? Ete su saruanni Tou i ite ma'ola'a rosa, i ite tawe mabbiakka tumuṛṛuttu parenta-Ne, wuṛṛu tawe maddaringikka al᷊aṛṛang-Ne.

YEREMIA 25:1

Su tonna aiappanne napawe i Yoyakim ana'i Yosia naola'a ratun Yehuda, i ya'u naasomba tanata wuassu Mawu su ola'u anambon balahannu Yehuda. Tempo udde tonna paarorone napawe i Nebukadnezar naola'a ratun Babel.

YEREMIA 27:16

Wua'udde i ya'u namasingkatta su manga imam wuṛṛu su anambon tumana'u soa manungku Mawu nabbisara arendi, “Ariete paddaringikka manga nabi apan mabbisara manungku tate lai mal᷊annu manga saranapa su Wal᷊e-U sarun iwelengnga apia wuassu Babel. I mangitou awusu.

YEREMIA 28:3

Sulal᷊ummu tempo rua tonna i Ya'u sarun mamelengngu manga saranapa wuassu Wal᷊e-U, apan buatte niṛṛootti Ratu Nebukadnezar watukku Babel.

YEREMIA 35:11

Arawe sutempo i Ratu Nebukadnezar namangalo wanua indi, i yami nakkawessa mappianne tumal᷊angnga wuassu tantaran Babel wuṛṛu tantaran Siria, wuṛṛu inaite mangingkatta su Yerusalem. Ana waugu udde i yami orassa indi uatana'a isindi.”

YEREMIA 50:2

“Pasea'e tatiala wuṛṛu al᷊iata'e su manga walahanna manungku Babel nanawote! Arie pa'adappinga'a olangnge udde! I Merodakh monganne naṛṛimunsa'e, wuṛṛu manga paal᷊uanne apan masandaga napesangke nattal᷊eṛṛonga, see manga mawune lembon haggeloanna.

YEREMIA 51:44

Bel, mongannu wanua Babel, sarun Ta'u iṛṛuumanna. I tou sarun Ta'u olaanna mapawelengngu apa apan buatte niaṛṛone. Manga walahanna tate massubba si tou apia. Manga darandungngu Babel naṛṛaate.

DANIEL 5:13

Ringanni mal᷊ihakka Daniel niapadda sinumaruanna ratu. Ana see ratu naiwal᷊ote si tou, “Ete i'o Daniel, taumatan Yahudi niwuangnga, apan buatte niapiddu iamangku wuassu leta'u Yehuda?

DANIEL 5:18

Ruata Apan Atanggaṛṛanne na'ola'a si Nebukadnezar, Iamangngi Tuangku nabbal᷊i ratu mawantuga wuṛṛu nangonggolla si tou ahahewalla wuṛṛu atatelengnga.

HABAKUK 1:16

Ana see soma udde nionggolli mangitou wuṛṛu niola'a sasamba, ana waugu ringannu soma udde i mangitou buatte naasomba wiakka manambo-nambo wuṛṛu mabbiakka su lal᷊umanna'a.

ZAKARIA 5:11

Sasimbakke, “Watukku Babel, poiaroddi itarua sarun mapararisikku kuilli tarua. Napawe kuilla udde nasuete, sal᷊angka udde sarun iaddo isudde tadea'u sassubbanna.”

TAHIUL᷊E 32:30

Ereapa wotongnge sangkatou ma'aenggenna saṛṛiwu su atoune, wuṛṛu ruan katou maaola'a mapul᷊o ṛiwu su atoune tumal᷊angnga? Mawu, Ruata mangitou, buatte nabbal᷊u'i mangitou; i mangitou tinantangken Duata apan matohassa.

MAL᷊AṚṚUUNGNGA 3:8

Ne Mawu nasa'u su taumatan Israel, wuṛṛu namalan mangitou niwaddon Ratu Kusyan-Risyataim wuassu Mesopotamia. Ual᷊u tonna al᷊annune ratu udde uaparenta si mangitou.

MAL᷊AṚṚUUNGNGA 4:2

Ne Mawu namalan mangitou niwaddon Yabin, ratun Kanaan apan uatana'a su soan Hazor. Tembonannu tantaran pangalone eteudde i Sisera apan uatana'a su Haroset-Hagoyim.

1 SAMUEL 5:2

Isudde wantalla udde niapidda sinumutta sulal᷊ummu tampa patataṛṛamawuanna monganni mangitou, i Dagon, wuṛṛu niaddo su sandiṛṛannu pa'al᷊uannu monganna udde.