AYUB 9:8 - WUKE SUSI WATTI'U AL᷊AL᷊USASSA

⁸ Niwilanne winalanganna ringannu taweddu nallal᷊ima; ringanna niṛṛinda liuddu atoannu tahal᷊oangnga.

AYUB 9:8 Iomraidhean Croise

PANDARIADDI 1:1

Su al᷊amonane, su tempo Ruata nanattakke mandiaddi ul᷊ilin pati'uppa,

1 TAWARIKH 16:26

Manga mongannu walahanna waine tumba'u paal᷊uanna sassubbanna arawe Mawu uddewe nandiaddi winalanganna.

AYUB 26:13

Singangu-Ne namaresi langitta na'oman sara tumaniten matilangnga; lima-Ne namate atoanna apan maraniten maatal᷊angnga.

AYUB 26:7

Ruata namilattu langitta, uaal᷊ungnga tahal᷊oangnga, wuṛṛu nangelen dunia su tampa tawe loṛṛone.

AYUB 37:18

Wotongnge i'o ere Ruata apan namilattu winalanganna wuṛṛu niapaattikka ere atta'a iwabboso ara'e kaca?

AYUB 38:11

Wisara-U si tou, ‘Eteindi passaranne. Arie i'o lumewessa! Ete isindi manga tahal᷊oangnga apan matohassa ṛinone mattaalla.’

AYUB 38:16

Buattewe i'o niumurumma su al᷊imatan tahal᷊oangnga, naddatingngu wantane? Buattewe i'o niumamatta su rapappakku laudda mal᷊alangnga?

DARALO 33:6

Mawu nanita, ne langitta nariaddite; matannallo, wul᷊anna wuṛṛu anumpitanna niola'u ṛengetan-Ne.

DARALO 77:19

Rallu'a mappose, sawallo mabbeessa, runia niumio'a wuṛṛu nangindo.

YESAYA 40:22

Iapa nandiadi uaṛṛamba'a roso su al᷊imboin dunia, tumanangnge a'asiloanna maraddio'a ere taṛṛangassa. I tou namilattu langitta ere mal᷊aṛṛenessa, wuṛṛu namasen langitta naola'a ere rasanna apan atanaanna.

YESAYA 42:5

Mawu Ruata nandiaddi wuṛṛu namilattu langitta; i Tou na'ola'a runia wuṛṛu al᷊awo'a apan tuttuwo su leata'a. I Tou nangonggollu sasangngo ipabbiakka wuṛṛu niawa. I Tou nangonggollu tanata indi su allang-Nge.

YESAYA 44:24

Etearendi wisara Mawu Mananal᷊amannu apan nandiaddi si'o ro'en ta'e sulal᷊ummu illoṛṛo, “Ete i Ya'u Mawu apan nandiaddi al᷊awo'a, apan sassane namilattu langitta, wuṛṛu taweddu nassumbala nandiaddi runia.

YESAYA 51:13

Ṛatadde i'o naabul᷊ite Mawu Mandariadinu apan namilattu langitta wuṛṛu nangaddo mal᷊ita'u runia? Anio su al᷊o'engngu allo i'o matta'utta? su araṛṛagissu taumata lal᷊eo apan nasaddiate makkadda'a? Mangke atonna, araṛṛagissi mangitou udde tawe ma'autinga si'o.

YEREMIA 10:11

I yamiu, ei umatta, ṛinone mamasingkatta si mangitou mangungku manga monganna apan tawe nandiaddi langitta wuṛṛu runia udde sarun ṛimunsaanna. I mangitou sarun mawul᷊i wuassu wowon dunia.)

YEREMIA 10:12

Mawu apan nandiaddi runia ringannu taṛṛino-Ne, na'ola'a runia ringannu asingkan-Ne, wuṛṛu namilattu langitta ringannu apapia-Ne.

YEREMIA 51:15

Mawu nandiaddi runia ringannu taṛṛino-Ne, nallanginnu saṛṛen dunia ringannu asingkan-Ne, wuṛṛu namilattu langitta ringannu asasirrong-Nge.

ZAKARIA 12:1

Eteindi tanatan Mawu su ola'u Israel. Mawu apan namataddu langitta, nandiaddi runia nangonggollu wiakka su taumata nabbisara,

YOHANES 6:19

Napawe nassenggotte itatakasere lima ara'e anummu kilo meteṛṛe araune, i mangitou naasilo Mawu Yesus mattudan saalanna u'amatta su wowon ua'e. I mangitou mangke nata'utta.