AYUB 9:7 - WUKE SUSI WATTI'U AL᷊AL᷊USASSA

⁷ Ruata wotongnge maningaddu matannallo sumabbangnga sutempo marua allo, wuṛṛu maningaddu anumpittanna ṛumena ṛabbi.

AYUB 9:7 Iomraidhean Croise

AYUB 37:7

I Tou napailol᷊on manaran taumata, tadea i mangitou masingkatta manungku i Tou tantal᷊anna mammanara.

YESAYA 13:10

Suapan anumpitanna wuṛṛu ammul᷊annu anumpitanna sarun umaddo manemakka; matannallo sarun maddandumma sutempo i tou sumabbangnga, wuṛṛu wul᷊anna sarun tate semakke lai.

DANIEL 4:35

Manga walahanna su runia tawe gunane. Ruata uataṛṛino mala'ekatta su surga wuṛṛu tumana'u runia. Tawe saran sangkatou apan maal᷊awangnga apulu-Ne, taweddu waṛṛani mamasingkattu apa apan niolang-Nge.”

AMOS 4:13

Wowone wuṛṛu anginna, ete Mawu apan mandariaddine; ṛiin-Ne niapasingkan-Ne su taumata. I Tou na'ola'a aallo wuṛṛu ṛabbi su wowon manga puiddu runia i Tou u'amatta. Mawu Ruata Apan Lembontaṛṛino, uddewe aran-Ne.

AMOS 8:9

Sarun a'omanna tempone i Ya'u sarun mapaatuppu matannallo sutempo allattune wuṛṛu runia mabbal᷊i marandumma sutempo allo. I Ya'u, Mawu Apan Atanggaṛṛanne, buatte nabbisara.

MATIUS 24:29

“Tawe nal᷊annu wuassu asasusa su tempo udde, matannallo sarun maddandumma, wuṛṛu wul᷊anna tate lai semakke. Manga anumpitanna sarun manawo wuassu langitta, wuṛṛu manga tembonannu winalanganna sarun massal᷊iawukka.

YOSUA 10:12

Su allo udde napawe Mawu nangonggulu auntunganna su taumatan Israel su saruannu taumatan Amori, i Yosua nabbisara Mawu. Wuṛṛu su saruannu taumatan Israel, i Yosua nabbisara, “Ei matannallo! Patta'ale su Gibeon. Wuṛṛu i'o wul᷊anna! Ariete pangingkatta wuassu Wawal᷊annu Ayalon.”

YOSUA 10:13

Ne matannallo natta'ala wuṛṛu wul᷊anna tawe nangingkata na'oman sara taumatan Israel buatte namaddon manga seenne. Arariadianna udde niwoṛṛetta sulal᷊ummu Wuken Yasar. Allo massallo tuuda matannallo natta'ala su pattangngannu langitta, wuṛṛu mal᷊annu atonna nattuppa.