AYUB 9:24 - WUKE SUSI WATTI'U AL᷊AL᷊USASSA

²⁴ Runia tinantillu Ruata su taumata mapontol᷊osanna, wuṛṛu manga mallaṛṛuungnga niolang-Nge wuta abbi. Ruata na'ola'a sarangkanambone indi, amungkangngu wal᷊ine i Tou, isai lai wotongnge?

AYUB 9:24 Iomraidhean Croise

2 SAMUEL 15:30

Wua'udde i Daud nalluatta sapatune. I tou suadio'a ringannu mallal᷊aṛenggenne sinumaate Wuiddu Zaitun lapiddu lulluai ringannu pua paporonganna tatialan massusa.

2 SAMUEL 19:4

Ratu nattimbuṛṛunna hatine wuṛṛu lulluai ringannu ma'ikkatta, “Oh ana'u! Ana'u Absalom! Absalom, ana'u!”

ESTER 6:12

Wua'udde Mordekhai nabbelengke watukku ngaran wal᷊en araratuanna. Arawe Haman nasasaṛṛawutta napul᷊e. I tou maddiri asiloannu taumata ana waugu i tou tumamiten massili, ne i tou nanaappa hatine.

ESTER 7:8

Ringannu massusa Haman nangema'u watanganne su rosobbi Ester maddorongnga ampungnga, arawe su orassa udde lai ratu nabbelengnga wuassu wawail᷊annu wal᷊en araratuanna. Naasilo si Haman aroddi, ratu nangintul᷊i, “Apa? I'o lai ta'e waṛṛanni mandal᷊eo awingku?” Tawe nal᷊annu napawe manga wisara udde buatte niwisaran datu, manga tembonanne nirumanta wuṛṛu nami'unna puan Haman.

AYUB 10:3

Apa untungnge amungkangngu I'o mangngallangnga arendi, wuṛṛu mandammen hessin manara-Nu sassane? Apa untungnge amungkangngu I'o susambau addapatta wuṛṛu ṛiinnu manga taumata lal᷊eo?

AYUB 12:17

I Tou nangul᷊e asingkatta su manga tembonannu runia, wuṛṛu manga piaṛṛa'a niolang-Nge ipappapal᷊age.

AYUB 16:11

I ya'u tinantillu Ruata su taumata lal᷊eo; i ya'u niemang-Nge su liman taumata mawansingnga.

AYUB 19:7

I ya'u mabbinsolokka ana waugu araṛṛagin-Ne udde, arawe tawe saran sangkatou apan ma'ellega si ya'u. “Suapa atatul᷊idda,” aintul᷊i'u, arawe tawe saran sangkatou apan maddaringikka si ya'u.

AYUB 22:8

I'o mappaattu pangkatta wuṛṛu taṛṛino ipangaṛṛo leta'a sarangkanambone.

AYUB 24:12

Su manga soa aaringiṛṛanna aintul᷊in taumata maraniten mate, manga taumata nal᷊essa u'ui maddorongnga maiundamma, arawe Ruata tawe maddaringikka aal᷊iomanni mangitou; I tou maddiri mappandumma.

AYUB 24:25

Isai apan wotongnge massinaaddu olangnge udde, ara'e manongga atatul᷊iddu wisara'u?”

AYUB 32:2

Arawe isudde pia sangkatou aranne i Elihu ana'i Berakheel, sangkatou papapulunni Bus wuassu ṛuanganni Ram. I tou tawe naṛṛaddannu asasa'une, waugu i Ayub napaṛṛinon batanganne sassane, wuṛṛu mappasal᷊an Duata.

DARALO 17:14

Liuaawe i ya'u wuassu manga taumata apan mangngundu'u darotongngu runia. Ṛuumana'ewe i mangitou ringannu asasilaka apan buatte nissadia-Nu si mangitou. Wala'ewe ana'a papapulunni mangitou iṛṛuumanna lai.

MANNANASE 4:1

Wua'udde nanutukka lai al᷊awo'u awawengkolla apan nariaddi su runia indi. Manga taumata apan niallangnga lulluai wuṛṛu taweddu apan apan mappulu mangontolla si mangitou. Tawe saran sangkatou apan mappulu massumbala, ana waugu manga mangangallangnga udde uatahuanna taṛṛino apan wahewalla.

YEREMIA 14:4

Uranna tawe mangansalla wuṛṛu leta'a mamara-mara; mabbawailla mannaappa hati ana waugu tumaniten sinumassilla.

DANIEL 4:17

Eteudde inaappuanni yami manga mala'ekatta apan uasaddia wuṛṛu uatehamma. Pandumannu Ruata Apan Atanggaṛṛanne uataṛṛino araratuannu taumata wuṛṛu i Tou apan nangonggollu araratuanna udde su anambon taumata apan nipile-Ne, ewe'e lai su taumata apan tawe gunane saran addio'a.’

MALEAKHI 2:17

I yamiu na'ola'a Ruata nawusa ringannu tal᷊umamanu. Arawe i yamiu ma'iwal᷊o, “Ereapa i yamiu maawusa Mawu?” Ringannu mabbisara, “Anambon taumata apan ma'ola'a al᷊al᷊eo sassunnannu Mawu mapia, wuṛṛu i Tou mappulun mangitou.” Ara'e ringannu ma'iwal᷊o, “Suapa Ruata apan naudde matul᷊idda udde?”