AYUB 9:15 - WUKE SUSI WATTI'U AL᷊AL᷊USASSA

¹⁵ Salaiwe i ya'u tawe nassal᷊a, apate olaangku, tumba'u maddorongnga aakkanna wuassu Ruata mallaṛṛuungku?

AYUB 9:15 Iomraidhean Croise

2 TAWARIKH 33:13

Ruata naddaringikka aal᷊iomanni Manasye wuṛṛu namelengngi i tou watukku Yerusalem iapaparenta apia. Ana waugu arariadianna udde Manasye nangimanna manungku Mawu eteudde Ruata.

AYUB 10:15

Amungkangngu i ya'u ma'ola'a rosa, ne wia'u atonna-tonna su asasilaka! Arawe amungkangngu inolaangku tawe sal᷊ane, i ya'u sidutu mangke sassunnanna ma'ola'a rosa! Tawe waṛṛani i ya'u tumaggekku pua, ana waugu uapendamma susa wuṛṛu addio'a.

AYUB 10:2

Oh Ruata, ariewe i ya'u iapasal᷊a-Nu; tal᷊aa'e anio i ya'u niroopan-Nu.

AYUB 22:27

Amungkangngu i'o umal᷊iomanna, i Tou sarun sumimbakka si'o, wuṛṛu i'o wotongnge manipussa anambon paairenu.

AYUB 23:7

I ya'u tawe sal᷊ane wuṛṛu wotongnge manahekku watagangku su saruan-Ne, ne i ya'u sarun iwal᷊o napallossa saran mal᷊annu-l᷊annu.

AYUB 40:5

Tumaniten manambo apan ta'u niwisara.”

AYUB 5:8

Amungkangngu i ya'u erete i'o udde su Ruata i ya'u sumal᷊ande. Ete si Tou i ya'u sarun mangalae, lapiddu manantillu hatto'u.

AYUB 8:5

Arawe amungkangngu tumba'u si Tou i'o uasirungnga, maddorongnga aakkanna wuṛṛu sumal᷊ande aampungnga,

AYUB 9:16

Unnuwisara i Tou sumimbakka napawe i ya'u sumal᷊ande, i ya'u uapapaddua, atonnawe i Tou maapulu maddaringikka tingi'u?

AYUB 9:20

I ya'u satia wuṛṛu tawe ma'ola'a rosa, arawe moṛṛongku ereola'u mabbisara al᷊aṛṛaene; suapan bisara apan iaatokku wiwi'u, ereola'u mapaasal᷊an baddangku.

AYUB 9:21

I ya'u tawe nassal᷊a arawe i ya'u tawe pandumme. I ya'u nualle mabbiakka. Si ya'u tateddu lai pia gunane; iapa nassal᷊a wuṛṛu iapa naṛṛino mangke uasul᷊ungke nasimme: Ruata sarun mamate abbi sitarua.

YEREMIA 31:9

I mangitou u'amatta ringannu allo mata apan mappinapi, Ta'u niwinalatanna wuṛṛu Ta'u niehetta i mangitou. Ta'u niapidda i mangitou niumamattu tampa apan manambo ua'ene, niummatta su lal᷊anna ratakke su tampa i mangitou tawe matara. Su Israel, i Ya'u maola'a Iamangnga; Efraim uddewe ana-U pahul᷊une.”

DANIEL 9:18

Daringiṛṛewe i yami, oh Ruata, elehetewe i yami wuṛṛu intannoiwe asasusan kami see ahahohakku soa apan isassago ringannu aran-Nu. I yami umal᷊iomanna Si'o wal᷊inewe ana waugu manga inasaharanni yami, ewe'e ana waugu I'o napenen darangngu.

DANIEL 9:3

Wua'udde i ya'u inumal᷊iomante ringannu atonna-tonna su Mawu Ruata, wuṛṛu sinumal᷊ande aakkan-Ne. I ya'u lai nappuasa wuṛṛu nalluṛṛen laubba karongnga see niuma'ianna su awu.

1 KORINTUS 4:4

I ya'u tawe maapendama nassal᷊a sulal᷊ummu manga hatto, arawe udde wal᷊ine tatialane manungku i ya'u naṛṛinote. Mawu sassane manantungku i ya'u nassal᷊a ara'e tawe.

1 PETRUS 2:23

Su tempo i Tou lallelanna, i Tou tawe nabal᷊issu lal᷊ela. Su tempo i Tou uatataṛṛanga, i Tou tawe namansaga; i Tou tumba'u nanantillu hatto-Ne su Ruata, Mallaṛṛuungnga apan matul᷊ida udde.