AYUB 8:8 - WUKE SUSI WATTI'U AL᷊AL᷊USASSA

⁸ Taumata pande sutempo dorone ṛinone aellehannu, wuṛṛu mannaungnga pabbiaṛṛannu iupungngu al᷊amona.

AYUB 8:8 Iomraidhean Croise

2 TAWARIKH 10:6

Ana see i Rehabeam naddorongnga tatantiro su manga matatimmade apan buatte naola'a mananantiron Salomo iamangngi Rehabeam, “Ereapa ṛinone i ya'u sumimbakka wisaran manga taumata udde?” i Rehabeam naiwal᷊o. “Apa tatantiron kamiu?”

AYUB 12:12

Wattingnge, asingkatta pia su taumata apan timmadete, arawe asingkatta wuṛṛu atatohassa tumba'u pia su Ruata. Naudde pasasunna tumba'u pia su taumata apan timmadete, arawe pasasunna wuṛṛu taṛṛino tumba'u pia su Mawu sassane!

AYUB 13:1

Sarangkanambone udde buatte niasiloangku wuṛṛu niaringiṛṛangku sassane, wuṛṛu atonna-tonna niasunnangku.

AYUB 15:10

Asingkatta indi nisengkammi yami wuassu taumata apan piate owanne; i mangitou mabbiakke sutempo iamangngu taambe niasungkangnga!

AYUB 15:18

apan niaṛṛa'u taumata pande si ya'u. Al᷊aṛṛa'a udde nisengkamme wuassu al᷊amonane, wuṛṛu nasal᷊a nial᷊inna ringannu nasuungnga su papapulunne.

AYUB 20:4

Arawe masingkattawe i'o manungku wuassu tempo dorone, ro'en taumata paarorone niaddo su runia,

DARALO 44:1

Daralon ṛuanganni Korah. Antari tatantiro. Su piaṛa'u mangangantari.

YESAYA 38:19

Tumba'u taumata wiakka apan maddalo Si'o, ere apan ta'u niola'a allo indi. Hagurangnge mabbatti'a anangnge aroddi apiane Mawu, oh Mawu.

YOEL 1:2

Paddaringikke, ei manga timma-timmadde; panutukke, anambon taumata su Yehuda. Buattewe olangnge indi nariaddi su temponu, ara'e sutempon manga iupungngu al᷊amonanu?

ROMA 15:4

Sarangkanambone apan nawoṛṛette sulal᷊ummu Wuke Susi udde ipannantiro si ite. Ana waugu al᷊aṛṛa'a apan nisengkammi ite wuassu Wuke Susi mammal᷊u si ite maola'a masabbare wuṛṛu matohassa na'oman sara i ite wotongnge mangngantimma Ruata.

1 KORINTUS 10:11

Sarangkanambone udde mariaddi si mangitou, maola'a tul᷊ada su manga taumata waine. Wuṛṛu sarangkanambone udde uawoṛṛetta lai, maola'a pananaunganna si ite. Ana waugu i ite orassa indi mabbiakka su tempo panginsueanne.

TAHIUL᷊E 32:7

Paanaungete tempo dorone panutukke tempon manga taumata apan nangkal᷊iu. Iwal᷊oite su hagurangngu, tadea'u i mangitou mamasingkatta si yamiu.

TAHIUL᷊E 4:32

Panaṛṛasidde tempo nal᷊iu, marau sutempo i yamiu taambe niasungkanga, manattakka wuassu allo su tempo Mawu Ruata nandiadi taumata su runia indi. Paddea'e su ahewallu runia. Apa arariadianna ahewalle indi buatte nariaddi tempo paarorone? Apa piate taumata apan naaringikka ola'u arariadianna ereindi?