AYUB 8:6 - WUKE SUSI WATTI'U AL᷊AL᷊USASSA

⁶ amungkangngu naungngu matul᷊idda, tawe sangkulle, Ruata sarun mantul᷊ungngu ringannu mal᷊ihakka; wuṛṛu maola'a lal᷊antakke, lal᷊oṛṛon bal᷊enu masul᷊e apia.

AYUB 8:6 Iomraidhean Croise

AYUB 1:8

Ana see Mawu naiwal᷊o, “Apa i'o buatte nanutukka allang-Ku i Ayub? Su ahewallu runia tawe taumata aroddi atuṛṛunne wuṛṛu apiane ere i tou. I tou massubba si Ya'u wuṛṛu tawe saran paassa ma'ola'a al᷊al᷊eo.”

AYUB 11:14

Rammea'e rosa wuassu naungngu wuṛṛu paaraua'e al᷊al᷊eo wuassu wal᷊enu!

AYUB 16:17

Arawe i ya'u tawe nilumawangnga; nasemakke aal᷊iomangku matul᷊idda su Mawu.

AYUB 34:28

Waugu i mangitou taumata asiangnga sussal᷊iomanna lal᷊uain mangitou niaringiṛṛannu Ruata.

AYUB 5:24

I'o sarun matammudda matana'a su rasannu; wuṛṛu napawe i'o mamarikissa manga dombanu, sarangkanambone sal᷊amatta tawe gaingnge saran sambau.

DARALO 18:25

Ne Mawu nabbal᷊issa inolaangku apan mapia ana waugu i Tou masingkata i ya'u tawe sal᷊ane.

DARALO 44:23

Ana waugu I'o i yami sidutu uasaruanna papate, wuṛṛu a'olaanna naal᷊ihidda domba apan ṛatanna.

DARALO 7:6

wala'ewe i ya'u enggenanna wuṛṛu sametannu seetta, ana see pateanna wuṛṛu itantangnga su leta'a.

AMSAL 15:8

Mawu mannengkamma aal᷊iomannu taumata mapia, arawe i Tou maddantinnu sasamban taumata lal᷊eo.

AMSAL 3:33

Mawu mamontoga wal᷊en taumata lal᷊eo, arawe mangngal᷊amatta wal᷊en taumata apan matuṛṛutta si Tou.

YESAYA 1:15

Amungkangngu i yamiu mamatten limanu waugu umal᷊iomanna, i Ya'u maddiri maddaringikka. Tawe pandumme sangkurate anambone aal᷊iomannu, i Ya'u maddirite maddaringikka, ana waugu ringannu limanu udde i yamiu manambote namate.

YESAYA 3:10

Mawu nabbisara, “Pasingkata'e su taumata apan matuṛṛutta si Ya'u manungku i mangitou sarun su lal᷊umanna'a wuṛṛu sal᷊amatta. I mangitou sarun maatemma wuan inasaharanni mangitou.

YESAYA 51:9

Darisikke oh Mawu, ontol᷊ete i yami, papaasal᷊amata'awe i yami ringannu taṛṛino-Nu. Darisikke ere sutempo dorone sutempo I'o nakkimunsa'a si Rahab wuṛṛu nangusu'a nagan tahal᷊oangnga udde na'oman sara nate.

1 TIMOTIUS 2:8

I ya'u maapulu tadea'u suapan tampan papunna esakka umal᷊iomanna ringannu naungnga susi, tawe asasa'u ara'e pabbawawul᷊o.