AYUB 7:7 - WUKE SUSI WATTI'U AL᷊AL᷊USASSA

⁷ Naungete, oh Mawu, wia'u tumba'u paassa sumangngo; lal᷊umanna'u nawul᷊i, tawe lannangnge.

AYUB 7:7 Iomraidhean Croise

PANDARIADDI 42:36

Ana see iamangngi mangitou nabbisarate, “Ete i yamiu naaola'a si ya'u niawul᷊iannu ana'u. I Yusuf tate baddi'a lai; i Simeon tate baddi'a lai; wuṛṛu orassa indi yamiu lai mangapiddi Benyamin. Wal᷊ine hampa asasusa'u!”

NEHEMIA 1:8

Oh Mawu, naungewe manga wisara-Nu, manungku amungkangngu i yami, umattu Israel, tawe satia Si'o, i yami sarun isal᷊iwukku Mawu suwallattu manga walahanna waine.

AYUB 10:20

Ah, tawe mal᷊annu lai i ya'u sarun mate, ne wala'ewe i ya'u sassane, tadea'u i ya'u wotongnge maapendamma tempo'u apan ta'e nallambe indi.

AYUB 10:9

Naungete manungku wuassu awun leta'a I'o na'ola'a si ya'u! Ṛatadde I'o na'ola'a apia si ya'u nabbal᷊i awu?

AYUB 7:16

I ya'u nasahadde wuṛṛu nawusate mabbiakka; i ya'u mappulute mate! Wala'e i ya'u, waugu wia'u tate aregane.

AYUB 9:25

Manga allo'u malliudda ringannu mal᷊ihakka, see mawul᷊i ringannu tawe maapendamma al᷊al᷊uassa.

DARALO 39:6

Aroddi al᷊ihakke I'o nanantunnu auuṛṛangku! Ete Si'o al᷊o'engngu pabbiaṛṛangku tawe gunane. Atonna, taumata naal᷊ihidda sasabbangu singangu,

DARALO 4:6

Onggola'e sasamba su ṛinone wuṛṛu pangimante Mawu.

DARALO 74:18

Naungete ereapa seetta mallobbossa Si'o, oh Mawu, manga walahanna apan tawe maillal᷊a Si'o mangngadio'a aran-Nu.

DARALO 74:22

Darisikke oh Ruata, ṛawesa'e hatto-Nu! Ana waugu su al᷊o'engngu allo I'o lallobbosannu manga taumata apan tawe mangimanna Si'o.

DARALO 78:39

I Tou mannaungnga manungku i mangitou tumba'u riadianna apan wotongnge mate, naal᷊ihidda anginna apan sinumabbi wuṛṛu tate mabelengnga.

DARALO 89:47

Sara apa tempone I'o ma'imbuni, oh Mawu? Sara tingngera asasa'u-Nu lukkenggamma ere putungnga?

DARALO 89:50

Oh Mawu, suapa tatialan darangngu-Nu paarorone, apan nipa'ire-Nu si Daud ana waugu apapia-Nu?

YEREMIA 15:15

Wua'udde i ya'u nabbisara, “Mawu, I'o ma'asunna. Naungewe, wuṛṛu ontol᷊ewe i ya'u. Wal᷊isete i mangitou apan mangngenggenna wuṛṛu mangngallangnga si ya'u. Ariewe tumaniten masabbare si mangitou ma'oman sara i mangitou wotongnge maapate si ya'u. Naungete manungku ana waugu I'o i ya'u nial᷊uandahanna.

YAKOBUS 4:14

Apa apan sarun mariaddi su wiakku tiṛṛabbi, yamiu sassane lai wagga! I yamiu tumba'u ere timbulla apan aellehanna tal᷊an kadio'a, wua'udde mawul᷊i.