AYUB 7:15 - WUKE SUSI WATTI'U AL᷊AL᷊USASSA

¹⁵ Na'oman sara mappianne i ya'u attonganna see mate wuassu mabbiakka sulal᷊ummu awa'a napenen asasusa indi.

AYUB 7:15 Iomraidhean Croise

2 SAMUEL 17:23

Napawe i Ahitofel naasunna manungku tatantirone tawe niraringiṛṛanna, i tou nandiahite keledaine wuṛṛu napul᷊ete watukku soane sassane. Napawe manarane nuddusse i tou nattingka'elen batanganne, ana see nilabbingke su labbingngu walahanne.

AYUB 3:21

Si mangitou mappianne lal᷊abbinganna wuassu darotongnga, uaṛṛaddo papate, arawe tawe rumanta.

AYUB 3:22

Lal᷊umanna'a wakkute apendamanna inapawe i mangitou mate wuṛṛu ilabbingnga.

AYUB 7:14

Arawe I'o mammata'utta si ya'u sulal᷊ummu wal᷊iawa; niaparanta-Nu wal᷊iawa lal᷊eo wuṛṛu nalangngu ṛingidda.

AYUB 7:16

I ya'u nasahadde wuṛṛu nawusate mabbiakka; i ya'u mappulute mate! Wala'e i ya'u, waugu wia'u tate aregane.

AYUB 9:21

I ya'u tawe nassal᷊a arawe i ya'u tawe pandumme. I ya'u nualle mabbiakka. Si ya'u tateddu lai pia gunane; iapa nassal᷊a wuṛṛu iapa naṛṛino mangke uasul᷊ungke nasimme: Ruata sarun mamate abbi sitarua.

MANNANASE 2:17

Ana waugu udde pabbiaṛṛanna tate lai pangartianne si ya'u, wal᷊ine wua isudde tawe. Sarangkanambone tawe gunane; i ya'u tumba'u ere mangngenggenna anginna.

YEREMIA 8:3

Ne manga taumata apan ta'e wiakka wuassu walahanna apan dal᷊eo indi apan buatte Ta'u nisal᷊iawukka su al᷊awo'u tampa sarun mappulun mate wuassu mabbiakka. I Ya'u, Mawu Apan Lembontaṛṛino, buatte nabbisara.”

YUNUS 4:3

Orassa indi, oh Mawu, wala'ewe i ya'u mate, ana waugu mappianne i ya'u mate wuassu wiakka.”

YUNUS 4:8

Napawe matannallo sinumabbangke, Ruata nandantan anginna mal᷊oso apan nattiuppa wuassu ra'i. Yunus maraniten napinsanna ana waugu niaṛṛinoannu samakku matannallo apan ereola'u mannutungnga puane. I tou tate ṛingidda wuṛṛu mappulute mate. Wisarane, “Mappianne i ya'u mate sul᷊ungnge wiakka!”

MATIUS 27:5

I Yudas nallombon doitta udde sulal᷊ummu Wal᷊e Mawu, see napul᷊e wuṛṛu nangelen batanganne.

SONDAPPA 9:6

Al᷊annune lima wul᷊anna udde, manga taumata maddea'a tadea'u mate, arawe i mangitou tawe mate; i mangitou ma'apulu mate arawe papate marau wuassi mangitou.