AYUB 5:10 - WUKE SUSI WATTI'U AL᷊AL᷊USASSA

¹⁰ I tou nanossokku uranna su wowon dunia, na'oman sara wawail᷊anna wuṛṛu wadda'a naṛṛolo niwokkanne.

AYUB 5:10 Iomraidhean Croise

AYUB 28:26

sutempo i Tou nanantunnu tampan uranna mangansalla, wuṛṛu lal᷊anna apan amatannu sawallo wuṛṛu rallu'a;

AYUB 36:27

Ruata apan mangabutta ua'e wuassu runia mabbal᷊i winabbawa ana see mawal᷊u mabbal᷊i uranna.

AYUB 36:28

I Tou nangansallu uranna wuassu winabbawa; niwokka-Ne su walahannu taumata.

AYUB 37:6

Salju nanawo su runia wuassu parenta-Ne; uranna masaddata nangansalla su runia waugu nirolok-Ke.

DARALO 147:8

Ete i Tou apan namataddu winabbawa su langitta; i Tou nanaddia uranna iemaa'a su runia, wuṛṛu na'ola'a nannal᷊o niapatuwo su wuidda.

DARALO 68:9

runia niumio'a, uranna nangansalla su saruan-Nu, ana waugu niarantannu Ruatan Sinai, Ruatan Israel.

YEREMIA 10:13

Tumba'u ringannu mangonggollu parenta, mannuntingikke ua'e su langitta. Wuassu manga pentakku runia niaparanta-Ne winabbawa, wuṛṛu niolang-Nge sawallu ma'ilatta sulal᷊ummu uranna, see lai niapasabbang-Nge anginna wuassu pananahipunan-Ne.

YEREMIA 14:22

Manga mongannu manga walahanna tawe mapanossokku uranna su runia. Langitta lai tawe wotongnge manossokku uranna ringannu taṛṛinone sassane. Tumba'u ete I'o aantimanni yami. I'o na'ola'a sarangkanambone udde nariaddi.

YEREMIA 5:24

Taambe saran paassa i yamiu mannaungnga tadea'u mangaddatta si Ya'u, sumbal᷊i ete i Ya'u apan nandolokku uranna, mawae ete su panattaṛṛanne aroddi lai su panginsueannu tempon uranna. Ete i Ya'u lai apan nangonggolla si yamiu tempon pangitinganna suapan mattonna.

AMOS 4:7

I Ya'u namo'a uranna mangansalla sutempo sinuanannu tumaniten mappandumma ua'e. I Ya'u nanossokku uranna su soa apan sambau wuṛṛu wal᷊ine su soa apan waine. Wawail᷊anna sambau na asomba aansallu urana, ewe'e wawail᷊anna waine mamara-mara.

WATTI'U MANGA RASUL 14:17

Arawe i Tou tawe maabul᷊i mangonggolu tatiala-Ne, eteudde ringannu ma'ola'a apapia. i Tou mangngonggolu uranna wuassu langitta wuṛṛu hessin leta'a su tempone. I Tou mangngonggolu anna si yamiu wuṛṛu malluassa naungngu.”