AYUB 42:6 - WUKE SUSI WATTI'U AL᷊AL᷊USASSA

⁶ Ana waugu udde i ya'u massili mannaungnga al᷊awo'u wisara'u wuṛṛu ringannu sussasilla i ya'u niuma'ianna sulal᷊ummu awu wuṛṛu leta'a.”

AYUB 42:6 Iomraidhean Croise

PANDARIADDI 18:27

I Abraham nabbisara apia, “Ampungewe awawaṛṛani'u manassukku hatto'u indi, Mawu. I ya'u indi tumba'u taumata, tawe su tampane mangapiddu sambau hatto.

1 MARARATU 21:27

Napawe i Elia nuddusse nabbisara, i Ahab nanggesa'a laungnge wuṛṛu nalluṛṛen laubba karongnga naola'a tatiala sussassilla, ana see nappuassa. Sutempo mati'illa lai i tou nappaattu nasa karongnga, wuṛṛu amungkangngu umamatta, hatine sidutu massusa.

EZRA 9:6

I ya'u nabbisara, “Oh Ruata'u, i ya'u indi massili mamatti'u pua'u su saruan-Nu. Rosan kami mangke ua'ombo su puan kami na'oman sara nangeṛṛetta langitta.

AYUB 2:8

See i Ayub niuma'ianna maranin undu'u sapadda wuṛṛu nanganu pesangngu saṛṛuminanna ipaaṛṛo wadangnge.

AYUB 30:19

Sulal᷊ummu labbo i ya'u niemang-Nge, i ya'u naola'e ere sapadda!

AYUB 42:5

Dorone, asingka'u su ola'u Mawu tumba'u niaringiṛṛanna su taumata, Arawe orassa indi i ya'u naasingkatta Si'o ringannu uasasaruanna.

AYUB 42:7

Napawe buatte nabbisara si Ayub, Mawu nabbisarate si Elifas, “I Ya'u massa'u si'o wuṛṛu hane darua, ana waugu i yamiu tawe nabbal᷊o watti'a ṛinone su ola'u watangngang-Ku. Arawe allang-Ku i Ayub tawe aroddi.

AYUB 9:31

I ya'u nilakkummu Ruata sulal᷊ummu onassa, na'oman sara lau'u lai maddantingkute.

DARALO 51:17

Oh Mawu, ontol᷊ewe i ya'u mabbisara, ne i ya'u sarun maddalo Si'o.

YESAYA 5:5

Arendi Ta'u paddul᷊iananna waillu anggore-U udde: Paggalla apan uapal᷊iwutta sarun Ta'u sawutanna, tanda'a apan ual᷊indumma wailla udde sarun Ta'u iṛṛa'a, ana see Ta'u iwala winatangnga mal᷊aṛṛaga mandusa wuṛṛu makkinda wailla udde.

YESAYA 58:5

Napawe i yamiu mappuasa, i yamiu mannansara watangannu, i yamiu uaru'uttu puanu ere rongngan wal᷊abbuka. I yamiu mammilattu kaingnga karongnga wuṛṛu mannal᷊iawukku awu, see natiilla rosone. Eteudde apan isassaggon kami mappuasa? Sunannu i Ya'u mal᷊uassa su inolaanni yamiu udde?

YEREMIA 31:19

I'o buatte tinal᷊i'uranni yami, arawe inolaanna udde iassasilli yami. Napawe I'o nakkuumanni yami, puang kami niumaruutta ana waugu massusa. I yami massili wuṛṛu nahelo ana waugu buatte na'ola'a rosa sutempo dario'a.’

YEHEZKIEL 16:63

I Ya'u sarun mangampunga al᷊awo'u pasasal᷊anu, arawe i'o tawe maabul᷊ine wuṛṛu i'o sarun maapendamma asasili amungkangu mabbisara manga apa. I Ya'u Mawu Apan Atanggaṛṛanne buatte nabbisara.”

YEHEZKIEL 20:43

Poiaroddi i yamiu sarun maanaungnga anambon inolaanna apan maarantinna apan buatte naarosa watangannu. Ne i yamiu sarun maddantinna maanaungnga anambon arariadianna udde.

YEHEZKIEL 36:31

I yamiu sarun maanaungnga pallal᷊agunu apan dal᷊eo wuṛṛu inolaannu apan tawe suṛṛinone udde, ana see i yamiu mabbal᷊i mammuta batangannu sassane ana waugu manga rosa wuṛṛu al᷊al᷊eonu udde.

YEHEZKIEL 6:9

poiaroddi i mangitou mabbiakka sulal᷊ummu pamamuanganna. See i mangitou sarun maanaungnga si Ya'u wuṛṛu maasunna manungku i Ya'u makkuumanna wuṛṛu mallobossa si mangitou ana waugu naungngi mangitou tawe satia si Ya'u. I mangitou buatte nanantang-Ku wuṛṛu namile paal᷊uanna maola'a hahanti-U. Wua'udde i mangitou sarun umuallu watanganni mangitou sassane ana waugu al᷊awo'u al᷊al᷊eo wuṛṛu ararantinna apan buatte niola'i mangitou.

DANIEL 9:3

Wua'udde i ya'u inumal᷊iomante ringannu atonna-tonna su Mawu Ruata, wuṛṛu sinumal᷊ande aakkan-Ne. I ya'u lai nappuasa wuṛṛu nalluṛṛen laubba karongnga see niuma'ianna su awu.

IMAMATTA 13:12

Amungkangngu imam naasilo manungku attiawu udde nilumewate wuassu pua naddatingngu ledda,

MATIUS 11:21

“Nasilakate yamiu Korazim! Wuṛṛu nasilakate lai yamiu, Betsaida! Unnu wisara manga al᷊aṛṛindu'a apan niola'a su pattangnganni yamiu suete niola'a su Tirus wuṛṛu Sidon, asinungka manga taumata poiaroddi mal᷊annute nawal᷊u wuassu paddarosa mangitou wuṛṛu suete nalluṛṛen laubbu massusa, see nandenoten awu su pua mangitou.

LUKAS 10:13

“Nasilakate i yamiu Korazim! Wuṛṛu nasilakate i yamiu Betsaida! Unnu wisara manga al᷊aṛṛindu'a apan niola'a su pattangnganni yamiu udde suete niola'a su soan Tirus wuṛṛu Sidon, manga taumata poiaroddi mal᷊annute nawal᷊u wuassu manga rosa mangitou, wuṛṛu nalluṛṛeten laubbu asasusa see nangadon awu su pua mangitou.

YOSUA 7:6

I Yosua wuṛṛu manga piaṛṛa'u ṛuangannu Israel mangke massusa na'oman sara i mangitou nanggesa'a laubbi mangitou, wuṛṛu su al᷊o'engngu allo maddatingu ṛabbi i mangitou u'al᷊intudda su saruannu Wantalu Pa'aire Mawu ringannu nangaddon awu su pua mangitou maola'a sambau tatiala massusa.