AYUB 41:10 - WUKE SUSI WATTI'U AL᷊AL᷊USASSA

¹⁰ I tou mal᷊aṛṛaga amungkangngu pu'oanna tantal᷊anna mattiilla; tawe saran sangkatou apan waṛṛani dumarisikka su saruanne.

AYUB 41:10 Iomraidhean Croise

PANDARIADDI 49:9

I Yehuda naal᷊ihidda singa saṛṛen tumuwo; i tou namate seenne, ana see nabelengnga su sal᷊akke; i tou nagaṛṛuannata ana see nilumallowanga, wuṛṛu tawe saran sangkatou apan baṛṛani manal᷊asa'i tou.

AYUB 3:8

Ei taumata tonaassa wuṛṛu mamamiaṛṛa'u Lewiatan, ema'ete allo udde ringannu sasalu wuṛṛu wawontoga;

AYUB 3:9

Ariete ma'oman sara anumpitanna aṛṛusuallo ṛumena, ariete pabbala'a semakku matannallo matuakka! Wala'ewe ṛabbi udde ual᷊aṛṛaddo tawe gunane darantan allo wuṛṛu antimma apan wakku.

AYUB 40:9

Apa i'o matohassa ere i Ya'u? Wotongngewe tingikku rumallu'a ere tingi-U?

AYUB 41:9

Suapan taumata apan naasilo Lewiatan, sarun mabbal᷊i lome ana se mawantingnga mapinsanna.

AYUB 9:4

Ruata udde nangillembon pande wuṛṛu taṛṛino; isai woṛotongnge maataṛṛangnga mando'appa si Tou?

YEREMIA 12:5

Mawu nabbisara, “Yeremia, amungkangngu i'o nallomete mattalummu taumata, tawe mariaddi i'o mattalummu awal᷊o? Amungkangngu su leta'a apan mal᷊angnganna i'o matta'utta, apate apan olaannu amungkangngu i'o su mahurangnge maappalla su winggin Yordan?

YEREMIA 49:19

Naal᷊ihidda singa sinumabbangnga wuassu mahurangnge maranin Sal᷊ukku Yordan wuṛṛu nirumanta su wadda'a tampa domba u'anna nannal᷊o, aroddi lai Ya'u sarun dumanta wuṛṛu mapatal᷊angngu taumatan Edom wuassu wanua mangitou ringannu mamaroro. Wua'udde i Ya'u sarun mamile sangkatou piaṛṛa'a iapaparenta walahanna udde. Isai wotongnge isul᷊unga si Ya'u? Isai waṛṛani ma'ola'a hatto ringang-Ku? Apa pia piaṛṛa'a apan botongnge lumawangnga si Ya'u?

YEREMIA 50:44

Ere singa apan sinumabbangnga wuassu mahurangnge maappalla maranin Sal᷊ukku Yordan wuṛṛu nirumanta su wadda'a tampa manga domba mannioma, aroddi lai Ya'u, Mawu, sarun dumanta wuṛṛu ma'ola'a taumatan Babel tumal᷊angnga wuassu manga soa mangitou ringannu namaṛṛoro. Wua'udde i Ya'u sarun mamile sangkatou piaṛṛa'a iapaparenta walahanna udde. Isai apan botongnge isul᷊ung-Ku? Isai waṛṛani ma'ola'a parakara ringang-Ku? Apa pia piaṛṛa'a apan botongnge mando'appa si Ya'u?

REENGANNA 24:9

Walahanna udde naal᷊ihidda singa esakka wuṛṛu singa wawine, apan uarammangnga wuṛṛu uatattere. Isai waṛṛani mamu'o si tou? Doronganna taumata apan mangal᷊amatta si'o sarun al᷊amatanna, wuṛṛu taumata apan mamontoga si'o sarun wontohanna.”

1 KORINTUS 10:22

Ara'e i ite maapulu Mawu naung-Nge mal᷊al᷊eo? Apa i ite mattohasanna wuassu Mawu?