AYUB 38:8 - WUKE SUSI WATTI'U AL᷊AL᷊USASSA

⁸ Isaite naṛṛuuddu ngara ipakkappingnga laudda sutempo wuassu tiannu runia sinumabbangnga ua'ene?

AYUB 38:8 Iomraidhean Croise

PANDARIADDI 1:9

Wua'udde Ruata nabbisara, “Ṛinone ua'e wowa su al᷊ungngu langitta mangelekka su sambau tampa, tadea'u leta'a aasiloanna.” Ana see olangnge udde nariaddite.

AYUB 28:25

Sutempo i Tou nangonggollu auatanna su anginna, wuṛṛu i Tou nanantunnu manga passarannu tahal᷊oangnga;

AYUB 38:10

I ya'u nanantunnu passarannu laudda wuṛṛu ringannu ngara uawal᷊aatta I ya'u nakkapingnga.

AYUB 38:9

Ete i ya'u apan namalungnga tahal᷊oangnga ringannu winabbawa wuṛṛu mami'unnu ararandumma.

DARALO 104:6

I'o nami'unna ringannu laudda mal᷊alangnga, ua'ene nangammo manga puiddu panenteanna.

DARALO 107:24

I mangitou naasilo manga inolaannu Mawu, manga manara-Ne apan maatiangnga su tahal᷊oangnga.

DARALO 33:7

Anambon ua'en tahal᷊oangnga niammuli Tou su sambau tampa, laudda mal᷊alangnga nitaṛṛangan-Ne ere pinassaranna.

AMSAL 30:4

Taumata suapane apan buatte napapal᷊ele su surga? Buattewe i tou nakkangkumma anginna sulal᷊ummu limane, wuṛṛu nami'unna ua'e sulal᷊ummu laungnge, ara'e nanantunnu manga passarannu runia? Isai i tou, wuṛṛu isai anangnge? I'o sarun masingkatta!

AMSAL 8:29

sutempo i Tou namarenta ua'en tahal᷊oangnga tadea'u imbaṛṛangnga lumewessa manga passaranne. I ya'u lai isudde sutempo apampakku runia niwilan-Ne.

YESAYA 40:12

Isai mannupa'u tahal᷊oangnga ringannu pal᷊addu limane, ara'e nanguukka winalanganna ringannu rangone? Isai mannupa'u leta'a runia ringannu sasupa'a ara'e mannimbangu wowone wuṛṛu wuidda ringannu tatimbanganna?

YEREMIA 5:22

Ete i Ya'u Mawu; anio i Ya'u tawe iata'utti yamiu? Ṛinone i yamiu mangngindo su saruang-Ku! Ete i Ya'u apan nallanginnu apanne apan naola'a sasaran tahal᷊oangnga apan tawe al᷊iuanna saran mal᷊annu-l᷊annu. Tahal᷊oangnga wotongnge mattandi'a wuṛṛu walladde mandi'uṛṛungnga, arawe tawe maal᷊iu passaranne udde.