AYUB 38:1 - WUKE SUSI WATTI'U AL᷊AL᷊USASSA

¹ Wua'udde wuassu lal᷊ummu anginna wahewalla Mawu nabbisara si Ayub, arendi:

AYUB 38:1 Iomraidhean Croise

PANDARIADDI 9:10

wuṛṛu ringannu al᷊awo'u riadianna apan hiakka, eteudde manga manu'u winalanganna wuṛṛu anambon binatangngu amaranne, ore sarangkanambone apan sinumabbangnga wuassu apalla udde suadio'a ringanni yamiu.

1 MARARATU 19:11

“Sabbangke wuassu loṛṛangnga udde,” unnu Mawu si tou, “wuṛṛu darisikke saruanna si Ya'u su puiddu wowone.” Ana see Mawu sinumabbi isudde, niṛṛoroannu anginna apan tinumiuppa ma'ikkatta atonna na'oman sara manga wuidda nawa'a wuṛṛu manga wowone watu napesangnga. Arawe Mawu tawe naipasilo sulal᷊ummu anginna udde. Napawe anginna udde nol᷊ote, nariaddite linukka, arawe sulal᷊ummu linukka udde lai Mawu tawe naipasilo.

2 MARARATU 2:1

Nia'omante tempone Mawu manengkengi Elia watukku surga ringannu nappaattu anginna al᷊isusu. Sutempo udde i Elia wuṛṛu i Elisa inumamatte wuassu Gilgal,

2 MARARATU 2:11

Itarua u'amaatta lapiddu uahahatto. Inaṛombanganne sambau kereta pia putungnge apan wawollengannu awal᷊o pia putungnge nirumanta napaṛṛaen tarua ana see i Elia niapaasengkengu anginna al᷊isusu watukku surga.

AYUB 11:5

Arawe, antimanna Ruata sassane mabbisara!

AYUB 26:10

I Tou nangngambaru harissa mal᷊imbulunna uaal᷊ungnga tahal᷊oangnga tadea'u ipaṛṛaen asasemakka wuassu ararandumma.

AYUB 37:14

Paal᷊annabbe tal᷊ang kaddio'a, ei Ayub, wuṛṛu paddaringikke; panutukke manga al᷊aṛṛindu'u Ruata.

AYUB 37:9

Wuassu timukka tinumiuppa anginna ma'ikkatta wuṛṛu wuassu sawannakka anginna masunge nangooppa.

AYUB 40:1

Ei Ayub, i'o lumawangnga si Ya'u, Ruata Apan Lembontaṛṛino; i'o mappulu maiawaddo ara'e i'o maapulu mannal᷊are?”

AYUB 40:6

Wua'udde, wuassu lal᷊ummu anginna ma'ikkatta Mawu nabbisara apia si Ayub.

YEHEZKIEL 1:4

I ya'u naningngara wuṛṛu ma'ellega anginna tuttiuppa wuassu sawannakka. Sawallo ma'ilatta wuassu sambau winabbawa apan tumaniten bahewalla, wuṛṛu langitta isudde mangke masema-semakka. Sulal᷊ummu sawallo apan ma'ilatta udde niasiloanna pia sambau apan lullendappa ere witu'a.

NAHUM 1:3

Atonna Mawu, mal᷊annu masa'u; arawe i Tou lembon uataṛṛino na'oman sara isai-isai ma'ola'a pasasal᷊a sarun tawe iapaal᷊iu-Ne wuassu ṛuumanna. Suapa Mawu umattu, isudde lai rumanta tadia; su tanpa ledda-Ne uaṛṛinda, isudde awu mabbal᷊i winabbawa.