AYUB 37:5 - WUKE SUSI WATTI'U AL᷊AL᷊USASSA

⁵ Ana waugu parentan Duata, ne al᷊aṛṛindu'a nariaddite, manga inolaanna maatiangnga tawe aasunnanni ite.

AYUB 37:5 Iomraidhean Croise

AYUB 11:7

Tawe mariaddi ola'u Ruata wotongnge asunnannu? Tawe mariaddi taṛṛino-Ne wotongnge asingkatannu?

AYUB 26:14

Arawe sarangkanambone udde tumba'u ipattiala taṛṛino-Ne; tumba'u sasal᷊imburungnga apan niaringiṛṛannu tal᷊inga. Atul᷊ungngawe eteapa pasasunna si ite su ola'u Ruata wuṛṛu aroddi ahewalle taṛṛino-Ne!”

AYUB 36:26

Ruata lembon mawantuga, i ite tawe masaṛṛasidda si Tou ara'e lai mandeengngu anambon tonna-Ne.

AYUB 37:14

Paal᷊annabbe tal᷊ang kaddio'a, ei Ayub, wuṛṛu paddaringikke; panutukke manga al᷊aṛṛindu'u Ruata.

AYUB 37:16

Maingkattawe i'o ereapa winabbawa udde tuttalla'a lanna'u liman Duata apan maatiangnga?

AYUB 37:2

Paddaringikke tingikku Ruata, ei yamiu sarangkanambone; paddaringikke rallu apan sinumabbangnga wuassu moṛṛong-Nge.

AYUB 37:4

Wua'udde, niaringiṛṛante tingik-Ke sussal᷊induṛṛungnga, tingikku winabbawa rallu'a wuṛṛu sawallo; wuṛṛu su pattangngannu tingikka apan ruddalu'a, rallu'a pia sawallone uasasametta.

AYUB 40:9

Apa i'o matohassa ere i Ya'u? Wotongngewe tingikku rumallu'a ere tingi-U?

AYUB 5:9

Manga inolaannu Ruata tawe sul᷊ungnge; i ite mangke tawe maasunna. Manga al᷊aṛṛindu'a apan niolang-Nge, tawe iareengnga wuṛṛu tawe umuddussa.

AYUB 9:10

I ite tawe maasunna anambon manara-Ne, i ite tawe maareengngu manga al᷊aṛṛindu-Nge.

DARALO 18:14

Ana see Mawu nirumallu'a wuassu winalanganna; Apan Atanggaṛṛane napararingikku tingik-Ke.

DARALO 29:3

Ruata apan mawantuga nirumallu'a su wowon tahal᷊oanga, tingik-Ke pia sanseonge su wowon laudda.

MANNANASE 3:11

I tou nanantunnu tempo apan naṛṛino su al᷊awo'u saranapa. I tou nangonggolla si ite paapulu tadea'u maasingkatta allo addantane, arawe i ite tawe maasunna inolaannu Ruata wuassu panattaṛṛanne maddatingngu panguddusanne.

YESAYA 40:28

Ṛatadde i'o wagga wuṛṛu tawe naaringikka? Ete Mawu Ruata apan sarangkal᷊o'enge, apan nandiaddi ahewallu runia. Taambe saran paassa i Tou naapendamma nallome ara'e nal᷊otakka; ṛingiran-Ne tawe aurumanna.

ROMA 11:33

Ala atonna Ruata! Wahewalla atonna apapande-Ne wuṛṛu asingka-Ne! Isai wotongnge maasingkata al᷊awo'u manga laṛṛawen-Ne? Isai wotongnge maasunna manga olangnge i Tou mammanara?

SONDAPPA 15:3

Wuṛṛu i mangitou mangantari antari Musa, allangngu Ruata, wuṛṛu antarin Ana'u Domba. Arendi tingikke, “Mawu, Ruata Lembon Taṛṛino, tumaniten wahewalla wuṛṛu ma'atiangnga manga inolaan-Nu! Ratun al᷊awo'u walahanna tumaniten matul᷊idda wuṛṛu tawe sal᷊ane manga inolaan-Nu!