AYUB 37:24 - WUKE SUSI WATTI'U AL᷊AL᷊USASSA

²⁴ Ana waugu i Tou ṛinone addatannu anambon taumata, wuṛṛu taumata apan mangnga'u pande tawe panduan-Ne.”

AYUB 37:24 Iomraidhean Croise

DARALO 130:4

Arawe I'o sidutu maapulu mangampunga, tadea'u taumata mabbal᷊i ma'imanna.

DARALO 33:8

Wala'e ahewallu runia mata'uttu Mawu wuṛṛu tumana'u runia mangaddata si Tou.

DARALO 40:4

I Tou nangaṛṛa'a si ya'u mangantarin antari wakku, antari daralo su Ruatan kite. Manambo taumata naasilo wuṛṛu nabbal᷊i nata'utta, ana see nangimante Mawu.

MANNANASE 9:11

Su runia indi piaddu lai apan ta'u niasiloanna: patatalumma tawe sidutu asombangannu tumatal᷊angnga mal᷊ihakka, pangalo tawe sidutu auntungannu taumata apan matohassa. Taumata pande tawe sidutu maasomba manarane. Taumata masiṛṛungnga tawe sidutu maasomba paa'ala. Wuṛṛu lai manga mapapande tawe sidutu tumelengnga. Ana waugu suapan taumata wotongnge aṛṛiaannu pal᷊addu pabbiaṛṛanna lal᷊eo.

YESAYA 5:21

Nasilakate i yamiu apan mammendamma watangannu pande wuṛṛu lembon masingkatta!

YEREMIA 32:39

I Ya'u sarun mangonggolla si mangitou tumba'u sambau tuddan pabbiaṛṛanna: eteudde, mangaddatta si Ya'u sara mal᷊annu-l᷊annu; olangnge sarun mangapiddu apapia si mangitou sassane, wuṛṛu su papapulunni mangitou.

YEREMIA 33:9

Yerusalem sarun maola'a al᷊al᷊uassa wuṛṛu ilallala-U. Al᷊awo'u walahanna su runia sarun mata'utta wuṛṛu matal᷊o see mangaddatta si Ya'u, napawe maaringikka ola'u apapia apan Ta'u niola'a su tumana'u Yerusalem, wuṛṛu su ola'u lal᷊umanna'a apan Ta'u nionggolla su soa udde.”

YEREMIA 5:22

Ete i Ya'u Mawu; anio i Ya'u tawe iata'utti yamiu? Ṛinone i yamiu mangngindo su saruang-Ku! Ete i Ya'u apan nallanginnu apanne apan naola'a sasaran tahal᷊oangnga apan tawe al᷊iuanna saran mal᷊annu-l᷊annu. Tahal᷊oangnga wotongnge mattandi'a wuṛṛu walladde mandi'uṛṛungnga, arawe tawe maal᷊iu passaranne udde.

HOSEA 3:5

Arawe sarun dumanta tempone walahannu Israel mabbelengnga ringannu Mawu Ruatan mangitou, wuṛṛu ringannu ratun mangitou wuassu papapulunni Daud. Ana see i mangitou sarun mata'utta wuṛṛu mangadatta Mawu, see manengkamma manga al᷊aman-Ne.

YUNUS 1:16

Manga mamanaran apalla udde nabbal᷊i lembon matta'uttu Mawu, wuṛṛu napawe su ammarannete, i mangitou nangonggollu sasamba wuṛṛu nangimben al᷊awo'u hatin sasamba su Mawu.

MATIUS 10:28

Arie mata'utti mangitou apan mammate wadangnga, arawe tawe taṛṛino mamate niawa. Ata'utten Duata apan uataṛṛino mamate, mapia ete wadangnga aroddi lai ṛimuudda sulal᷊ummu naraka.

LUKAS 10:21

Su tempo udde lai, Mawu Yesus lullala'a ana waugu niasuttannu Ghaṛṛahon Ruata. Mawu Yesus nabbisara, “Iamangnga, Mawu apan uatahuanna langitta wuṛṛu runia! I Ya'u ma'adiangkamanna Si'o ana waugu sarangkanambone udde niadappingngu su taumata nambo apan pande wuṛṛu pia asingkanne, arawe I'o napaal᷊iatta'a su manga taumata tawe si'ol᷊ane. Eteudde apan ma'al᷊uassa naungngu Iamangnga.

ROMA 2:4

Ara'e i yamiu mangngadio'a darangngu Duata wuṛṛu ahewallu naung-Nge see asasabare-Ne apan aroddi ahewalle? I yamiu masingkatta manungku Ruata mapaal᷊iatta'u apapia naung-Nge ana waugu i Tou maapulu tadea'u i yamiu mawal᷊u wuassu manga rosanu.

1 KORINTUS 1:26

Manga tuṛṛangnga! Naunge'o ereapa ola'i yamiu su tempo Ruata namaggo si yamiu. Tumba'u adio'a wuassu wallatti yamiu apan pande, ara'e pia taṛṛinone, ara'e pia manarane matanggakka tumuṛṛuttu aellegu taumata.

1 KORINTUS 3:19

Ana waugu apan sassunnannu runia pande, udde awawoddo su aelleggu Ruata. Sulal᷊ummu Wuke Susi uawoṛṛetta, “Ruata mapaasal᷊a manga taumata pande sulal᷊ummu asingkati mangitou sassane.”