AYUB 37:23 - WUKE SUSI WATTI'U AL᷊AL᷊USASSA

²³ Wahewalla atonna taṛṛinon Duatan kite; i ite tawe mapangundani-Ne, I Tou sidutu tawe awusune wuṛṛu matul᷊idda; tawe saran paassa i Tou mangallangnga taumata.

AYUB 37:23 Iomraidhean Croise

AYUB 11:7

Tawe mariaddi ola'u Ruata wotongnge asunnannu? Tawe mariaddi taṛṛino-Ne wotongnge asingkatannu?

AYUB 11:8

Taṛṛino-Ne mattanggaṛṛanna wuassu winalanganna; i'o tawe mapangame wuṛṛu tawe mapanganu. Taṛṛino-Ne mallal᷊umanna wuassu runian taumata nate, i'o tawe maasunna sarangkadio'a.

AYUB 26:14

Arawe sarangkanambone udde tumba'u ipattiala taṛṛino-Ne; tumba'u sasal᷊imburungnga apan niaringiṛṛannu tal᷊inga. Atul᷊ungngawe eteapa pasasunna si ite su ola'u Ruata wuṛṛu aroddi ahewalle taṛṛino-Ne!”

AYUB 36:26

Ruata lembon mawantuga, i ite tawe masaṛṛasidda si Tou ara'e lai mandeengngu anambon tonna-Ne.

AYUB 36:3

Asingka'u mal᷊alangnga; udde sarun ta'u ipaatta ipattiala manungku Manddariadi'u matul᷊idda.

AYUB 36:5

Ruata udde matohassa! Sarangkanambone udde asingkatan-Ne. Tawe saran sangkatou apan aellehan-Ne addio'a.

AYUB 37:19

Aṛṛa'ete i yami apate apan iwisaran kami su Ruata; i yami tawe maatal᷊a'a, ṛingiranni yami tawe loṛṛone.

AYUB 37:22

Semakka ere wul᷊awanna nasabbangnga wuassu sawannakka, ne awawantugu Ruata naatiangnga naungngi ite.

AYUB 8:3

Ruata mangke tawe mamengkollu atatul᷊idda; mangke taweddu mariaddi manahekku ṛinone.

AYUB 9:19

Ṛinonewe i ya'u mabbawul᷊on Tou? Arawe pa'ellega, tawe sul᷊ungnge auatan-Ne! Unnuwisara si Tou i ya'u mangalaen Tou, isai waṛṛani mamaggo si Tou su pallaṛṛuunganna?

AYUB 9:4

Ruata udde nangillembon pande wuṛṛu taṛṛino; isai woṛotongnge maataṛṛangnga mando'appa si Tou?

DARALO 145:3

Ana waugu Mawu mawantuga wuṛṛu lembon raddaloanna, awawantu-Ge tawe asaṛṛasiranna.

DARALO 30:5

Pangantariten daralo su Mawu, ei walahan-Ne apan matuṛṛutta, wuṛṛu aal᷊iomante su Apan Lembonsusi.

DARALO 62:11

Arie pangantimma hessin pamamahia, wuṛṛu arie mangasakku saranapa niaṛṛo. Ewe'e lai amungkangu paa'alanu niatambanna, arie naungngu mattundeeta si tou.

DARALO 62:12

Paapirate i ya'u naaringikka Ruata mabbisara manungku taṛṛino darantane wuassi Tou,

DARALO 65:6

I'o sinumimbakka si yami ringannu nangonggolu auntunganna si yami, I'o na'ola'a inolaanna apan maatiangnga ipanal᷊amatta si yami! Ete I'o antimannu anambon walahanna maddatingngu tahal᷊oangnga apan marau.

DARALO 66:3

Wal᷊oa'e su Ruata, “Atonna mangke maatiangnga inolaan-Nu! Seetta uasuṛṛubbawa Si'o ringannu atata'utta, ana waugu tumaniten wahewalla taṛṛino-Nu.

DARALO 93:1

Mawu uddewe Ratu; i Tou uapeddettu awawantuga wuṛṛu atatohassa. Runia uarisikka matohassa tawe umio'a.

DARALO 99:4

Taṛṛino ete Si'o, Ratu apan marangngu tita; I'o buatte napararisikku apapia; I'o buatte napaamattu tita wuṛṛu atatul᷊idda su Israel.

MANNANASE 3:11

I tou nanantunnu tempo apan naṛṛino su al᷊awo'u saranapa. I tou nangonggolla si ite paapulu tadea'u maasingkatta allo addantane, arawe i ite tawe maasunna inolaannu Ruata wuassu panattaṛṛanne maddatingngu panguddusanne.

MANNANASE 7:24

Isai wotongnge maasingkatta atappasannu pabbiaṛṛanna indi? Tumanite malal᷊umma madea'a passunnanne!

YESAYA 45:21

Alaea'e hattonu, apira'e manga tatialane, ore, wala'e i mangitou ma'ire su sambau. Isaite apan nabbal᷊on olangnge udde wuṛṛu namasingkatta ro'en paarorone? Wal᷊inewe i Ya'u, Mawu? Tawe mawu wal᷊ine tumba'u i Ya'u. Ya'u Ruata apan matul᷊idda wuṛṛu Mananal᷊amatta, tawe baine tumba'u i Ya'u!

YESAYA 63:9

i Tou sassane niaṛṛiaannu asasusa mangitou, Mawu tawe nandolokku daroloṛṛanna ara'e maṛṛinu; Ete i Tou sassane namallossi mangitou ana waugu darangngu wuṛṛu tatal᷊antum-Me. I Tou sidutu mammadul᷊i si mangitou ro'en al᷊amonane.

YEHEZKIEL 18:23

Apa i'o maṛṛingidda manungku i Ya'u Mawu Apan Atanggaṛṛanne mal᷊uassa amungkangngu taumata lal᷊eo mate? Mangke tawe! I Ya'u mappulu i tou manantangngu manga rosane tadea'u i tou sidutu wiakka.

YEHEZKIEL 18:32

I Ya'u tawe mal᷊uassa amungkangngu pia sangkatou mate. Tantanga'e manga rosanu tadea'u i yamiu sidutu wiakka. I Ya'u Mawu Apan Atanggaṛṛanne buatte nabbisara.”

YEHEZKIEL 33:11

Wal᷊oa'a si mangitou manungku sulal᷊ummu arang-Ku, Ruata apan biakka, Mawu Apan Atanggaṛṛanne, i Ya'u tawe mal᷊uassa amungkangngu taumata lal᷊eo mate; arawe i Ya'u mappulu manantangngu manga rosane tadea'u i tou sidutu wiakka. Ei walahannu Israel, uddita'e ma'ola'a rosa! Anio i yamiu mappulu nate?

MATIUS 6:13

Ariewe mamalang kami awul᷊iannu pangangimanna su tempo i yami wabal᷊intongnganna ewe'e liua'a i yami wuassu taṛṛinon Al᷊al᷊eo. [Ete I'o Ratu apan uataṛṛino wuṛṛu mawantuga ma'oman sara mal᷊annu-l᷊annu. Amin.]’

LUKAS 10:22

Sarangkanambone suete tinantillu Iamangnga si Ya'u. Tawe saran sangkatou ma'aillal᷊a Ana'a tumba'u Iamangnga. Tawe saran sangkatou maaillal᷊a Iamangnga tumba'u Ana'a, wuṛṛu su manga taumata ete sisai Ana'a udde iapaasingkattu Iamangnga.”

ROMA 11:33

Ala atonna Ruata! Wahewalla atonna apapande-Ne wuṛṛu asingka-Ne! Isai wotongnge maasingkata al᷊awo'u manga laṛṛawen-Ne? Isai wotongnge maasunna manga olangnge i Tou mammanara?

1 TIMOTIUS 6:16

Ete i Tou apan tawe aṛṛinoannu papate; i Tou mabbiakka sulal᷊ummu asasemakka apan tawe wotongnge aundanianni sai-sai. Tawe saran sangkatou taumata apan suete naasilo, ara'e wotongnge ma'ellega si Tou. Ete si Tou addata wuṛṛu taṛṛino ma'oman sara mal᷊annu-l᷊annu! Amin.

IBRANI 12:10

Hagurangngi ite su runia mangngaṛṛa'a si ite tumba'u sulal᷊ummu tempo apan pia patta'al᷊anne, tumuṛṛuttu apa apan su apendami mangitou mapia. Arawe Ruata mangngaṛṛa'a si ite hunane su apapiang kite sassane, tadea'u i ite wotongnge maola'a susi suadio'a ringanni Tou.