AYUB 37:22 - WUKE SUSI WATTI'U AL᷊AL᷊USASSA

²² Semakka ere wul᷊awanna nasabbangnga wuassu sawannakka, ne awawantugu Ruata naatiangnga naungngi ite.

AYUB 37:22 Iomraidhean Croise

1 TAWARIKH 29:11

I'o lembon bahewalla, wuṛṛu uataṛṛino. I'o tinumelengnga wuṛṛu mawantuga. Al᷊awo'u saranapa su langitta wuṛṛu su runia uddewe tatahuanan-Nu. I'o ratu mawantuga, uataṛṛino al᷊awo'u lal᷊oṛṛone.

AYUB 37:21

Orassa indi semakku langitta tumaniten masemakka na'oman sara maal᷊angitta mata; anginna namaresi hatin banua amungkangngu tumiuppe.

AYUB 37:23

Wahewalla atonna taṛṛinon Duatan kite; i ite tawe mapangundani-Ne, I Tou sidutu tawe awusune wuṛṛu matul᷊idda; tawe saran paassa i Tou mangallangnga taumata.

AYUB 40:10

Loggakewe watangannu ringannu awawantuga wuṛṛu asaṛṛaungnga, luṛṛea'e awawantuga wuṛṛu apapian naungnga.

DARALO 104:1

Paddalote Mawu, ei ṛimuu'u! Aroddi awantuge I'o, oh Mawu Ruata'u! I'o uapeddettu araṛṛamaga wuṛṛu araṛṛansangnga,

DARALO 145:5

I mangitou sarun mabbatti'u awawantuga wuṛṛu apapia-Nu, manara-Nu apan maatiangnga sarun ta'u naunganna.

DARALO 29:4

Tingikku Mawu niaringiṛṛanna, napenen taṛṛino wuṛṛu araṛṛamaga.

DARALO 66:5

Rantate wuṛṛu pa'ellege inolaannu Ruata, mangke maatiangnga manga manara-Ne suwallatu taumata!

DARALO 68:35

Panga'ute taṛinon Duata apan uaparenta su Israel, taṛino-Ne naddatingngu langitta.

DARALO 76:12

Panipusse paairenu su Mawu Ruatanu. Ṛinone anambon walahanna apan uatana'a marani mangapiddu sasamba su Ruata apan iaata'utta.

DARALO 89:8

I'o aaddatanna su ammul᷊annu taumata susi, iaata'utta wuassu anambon sarangkamabone apan marani-Nu.

DARALO 93:1

Mawu uddewe Ratu; i Tou uapeddettu awawantuga wuṛṛu atatohassa. Runia uarisikka matohassa tawe umio'a.

AMSAL 25:23

Anginna sawannakka sarun mandantan uranna; aroddi lai paggahahatto sarun mandantan asasa'u.

YESAYA 2:10

I mangitou sarun sumutta sulal᷊ummu manga loṛṛangnga su manga wuidda watu, ara'e ma'al᷊i loṛṛangnga sulal᷊ummu leta'a tadea'u mal᷊iu wuassu asasa'un Mawu wuṛṛu wuassu taṛṛino-Ne apan mawantuga.

YESAYA 2:19

Sutempo Mawu dumarisikka wuṛṛu mangio'u runia, taumata sarun sumutta sulal᷊ummu manga liangnga su manga wuiddu watu ara'e ma'al᷊i loṛṛangnga sulal᷊ummu leta'a tadea'u mal᷊iudda wuassu asasa'un Mawu wuṛṛu wuassu taṛṛino-Ne apan mawantuga. Amungkangngu allo udde nia'omante, manga pasasubba paal᷊uanna sal᷊a'a wuṛṛu wul᷊awanna apan nilanginni mangitou wuṛṛu sassubbanna, udde sarun itantangnga aroddi su wal᷊awo wuṛṛu pani'i.

MIKHA 5:4

wuṛṛu i Tou sarun mangonggollu paddarame. Napawe tantaran Asyur mamangalo wanuan kite manggohakku tanda'a watun kite, i ite sarun mandolokku manga piaṛṛa'i ite apan atohasanne iapapangalo si mangitou. Manga piaṛṛa'i ite sarun mamaddon Asyur ringannu lutangnga, wuṛṛu manal᷊amatta si ite wuassu liman mangitou.

NAHUM 1:3

Atonna Mawu, mal᷊annu masa'u; arawe i Tou lembon uataṛṛino na'oman sara isai-isai ma'ola'a pasasal᷊a sarun tawe iapaal᷊iu-Ne wuassu ṛuumanna. Suapa Mawu umattu, isudde lai rumanta tadia; su tanpa ledda-Ne uaṛṛinda, isudde awu mabbal᷊i winabbawa.

IBRANI 1:3

Ete i Tou apan napaatualagu awawantugu Ruata apan lullendapa; ete i Tou hambarana apan masemakka wuassu wadangu Ruata sassane. Ete i Tou lai apan mammadul᷊i pa'a'aukku ul᷊ilim pati'uppa indi ringannu ṛengetan-Ne apan lembon mataṛṛino. Napawe i Tou suete namalan taumata nipallosa wuassu manga rosa mangitou, i Tou inuma'ianna su adderan araratuanna su surga su sambau ringannu Ruata, tembonanne apan atanggaṛṛanne.

IBRANI 12:29

Ana waugu Ruatang kite ere putungnga apan maatutungnga.

YUDAS 1:25

tumba'u i Tou sassane Ruata, Punnu Sal᷊amatti ite sulal᷊ummu Yesus Kristus Mawun kite. Ete i Tou Ruata apan mawantuga, ahewal᷊anne, pia taṛṛino, wuṛṛu pia saṛṛaungnge ro'en al᷊amonane ma'oman sara orasa indi wuṛṛu saran mal᷊annu-l᷊annu! Amin.