AYUB 36:11 - WUKE SUSI WATTI'U AL᷊AL᷊USASSA

¹¹ Amungkangngu i mangitou tuttuṛṛutta Ruata wuṛṛu mattaṛṛamawu si Tou, i mangitou mabbiakka su paddarame wuṛṛu ala ma'oman sara panginsueannu pabbiaṛṛanne.

AYUB 36:11 Iomraidhean Croise

2 TAWARIKH 33:13

Ruata naddaringikka aal᷊iomanni Manasye wuṛṛu namelengngi i tou watukku Yerusalem iapaparenta apia. Ana waugu arariadianna udde Manasye nangimanna manungku Mawu eteudde Ruata.

AYUB 21:11

Al᷊aṛṛana'u taumata lal᷊eo sussolo'a ringannu lulluassa, naal᷊ihidda domba wakku apan lullala'a.

AYUB 21:13

Manga allone a'insueanna sulal᷊ummu lal᷊umanna'a, wuṛṛu i mangitou mate sulal᷊ummu paddarame.

AYUB 22:21

Ne, Ayub, paddameten Mawu, tadea'u i'o maasomba atatammudda. Amungkangngu udde olaannu, i'o sarun maasomba auntunganna.

AYUB 22:23

Pabbelengke su Mawu ringannu naungnga mawawo al᷊al᷊eo su wal᷊enu ṛinone insueannu.

AYUB 42:12

Ayub nial᷊amatannu Mawu ringannu nilumambalanna sulal᷊ummu lamben pabbiaṛṛanne, wuassu sutempo i tou tantal᷊anna taambe niaṛṛiaannu asasilaka. Ayub uatahuanna 14.000 ambingnga domba, 6.000 unta, 2.000 sapi, wuṛṛu 1.000 keledai.

DARALO 119:3

Lal᷊umanna'a su taumata apan mabbiakka tuttuṛṛutta apulun Mawu. wuṛṛu tawe ma'ola'a al᷊al᷊eo.

DARALO 149:4

Mawu maapulun al᷊aṛṛanang-Nge; i Tou nangonggolu auntunganna su taumata apan naungnge mawawo.

DARALO 16:11

I'o namantingiddu lal᷊anna si ya'u mattuddan asasal᷊amatta; ete wuassu Mawu i ya'u naasomba al᷊al᷊uassa apan nangillembo wuṛṛu lal᷊umanna'a saran mal᷊annu-l᷊annu.

AMSAL 1:33

Arawe taumata apan maddaringikka si ya'u sarun papadul᷊iananna. I tou mabbiakka ringannu mal᷊angnganna wuṛṛu tawe atata'utta.”

YESAYA 1:19

Amungkangngu i yamiu maapulu tumuṛṛutta si Ya'u, i yamiu sarun mamendamma al᷊awo'a apan mapia sussabbangnga wuassu wanuanu.

YEREMIA 26:13

Ana waugu udde, pamal᷊ute ola'u pabbiaṛṛannu wuṛṛu manga inolaannu; paatuṛṛutte Mawu Ruatanu, tadea'u i Tou marru'udden ṛiin-Ne ipanilaka si yamiu.

YEREMIA 7:23

I Ya'u tumba'u namarenta si mangitou tadea'u tuttuṛṛutta si Ya'u tadea'u i Ya'u maola'a Ruata mangitou, wuṛṛu i mangitou maola'a uma-U. I Ya'u nandolokki mangitou mabbisakka tumuṛṛuttu manga parenta-U tadea'u i mangitou su lal᷊ummanna'a.

ROMA 6:17

Arawe adiangkamanna su Ruata! Ana waugu paarorone yamiu naola'a allangngu rosa, arawe orassa indi yamiu ringannu ahewallu naungngu tuttuṛṛutta al᷊aṛṛa'a naṛṛino apan buatte nionggola si yamiu.

TAHIUL᷊E 4:30

Amungkangngu i yamiu aṛṛiaannu al᷊al᷊eo udde, wuṛṛu i yamiu udde lai sulal᷊ummu asasusa, ne i yamiu sarun mabelengnga ringannu Mawu Ruatanu wuṛṛu tuttuṛṛutta si Tou.

1 TIMOTIUS 4:8

Mannarammu wadangnga tumba'u addio'a hunane, arawe mannarammu pangangimanna mahuna su al᷊awo'u inolaanna, ana waugu pia paaire su ipabbiakka tempo indi wuṛṛu tempo addantane.

IBRANI 11:8

Ana waugu mangngimanna, ne i Abraham tinumuṛṛuta Ruata su tempo Ruata namago si tou, wuṛṛu nandolokki tou inai watukku wanua apan suete pina'iren Ruata si tou. See i Abraham inaite ringannu awa'gananna suapa sarun patuddanni tou.

YAKOBUS 5:5

I yamiu suete nabbiakka su al᷊al᷊uassa, wuṛṛu naatemmate apapian dunia indi. Yamiu paṛṛimaunnapa ere tantal᷊anna mapaatawan wadangnga ipaṛṛaddo allo pamamototanna.

SONDAPPA 18:7

Onggol᷊a'a si tou papaṛṛanga wuṛṛu asasusa apan anambone uasul᷊ungngu awawantuga wuṛṛu pa'a'ala apan nionggole su wadange sassane. Ana waugu i tou sidutu mabbisara su watanganne, ‘I ya'u indi ratu apan mammarenta: I ya'u wal᷊ine wawine wal᷊u; i ya'u sarun tawe mamendama asasusa!’