AYUB 35:8 - WUKE SUSI WATTI'U AL᷊AL᷊USASSA

⁸ Tumba'u sansul᷊ungngu apan niarugiannu manga rosanu. I tou lai apan mauntungnga ana waugu apapianu.

AYUB 35:8 Iomraidhean Croise

PANDARIADDI 12:2

I ya'u sarun mangonggolla si'o papapulunna apan manambo wuṛṛu i mangitou sarun maola'a walahanna apan bahewalla. I ya'u sarun mangal᷊amatta si'o wuṛṛu arannu mabbal᷊i tumelengnga, ma'oman sara i'o maola'a al᷊amatta.

PANDARIADDI 19:29

Etearoddi, napawe Mawu Ruata nanoṛṛoba manga soa udde su wawal᷊anna tatanaanni Lot, Mawu Ruata naanaungnga si Abraham wuṛṛu nantul᷊ungngi Lot tinumal᷊angngu watanganne.

AYUB 35:7

Ringannu ma'ola'a apapia, Ruata tawe nilal᷊imannu. Atonna, i Tou tawe mappandumma saran sambau wuassi'o.

AYUB 35:9

Manga taumata apan niallangnga, sarun sumal᷊iomanna; i mangitou mangngintul᷊i ma'iontolla.

AYUB 42:8

Ne, orassa indi panganute pitu sapi esakka wuṛṛu pitu domba esakka, wua'udde roote ringanni Ayub. Ana see onggol᷊a'e sarangkanambone udde maola'a sasamba itattambunna hunan ririnu. Ayub sarun umal᷊iomanni yamiu wuṛṛu aal᷊iomanne sarun daringiṛṛang-Ku. I yamiu tawe Ta'u pansilianna, salaiwe i yamiu ṛinone manengkamma ṛuumanna. I yamiu tawe namasingkattu watti'a ṛinone su ola'u watangng-Ku, arawe i Ayub namasingkattu olangnge udde.”

DARALO 106:23

Ne Ruata pia pandumma mamate al᷊aṛṛanang-Nge, arawe niwo'anni Musa, taumata nipile-Ne. I Musa nabbal᷊i mananangnga si mangitou, na'oman sara asasa'un Duata nompo'a.

DARALO 106:30

Arawe i Pinehas dirumarisikka wuṛṛu nakkuumanni isai nassal᷊a, ne sa'itta udde naddote.

MANNANASE 9:18

Asingkatta lembon mahuna wuassu lutangnga, arawe sukkatta santiti'a maarusa susu sangkurinna.

YEHEZKIEL 22:30

Suwallattu taumatan Israel udde, i Ya'u maddea'a taumata apan botongne mapararisikku darandungnga, ara'e dumarisikka su manga tampa apan manga darandung naṛṛa'a ipanahekku wanua udde napawe i Ya'u makkimunsa'e sulal᷊ummu sasopan asasa'u-U; arawe tawe saran sangkatou apan Ta'u niasangkal᷊anna.

YUNUS 1:12

Yunus sinumimbakka, “Rammea'e i ya'u sulal᷊ummu tahal᷊oangnga, ne tandi'a sarun umol᷊o. Ana waugu orassa indi i ya'u masingkatte, manungku ete i ya'u apan naaola'a tandi'a wahewalla indi naṛṛia'a si yamiu.”

WATTI'U MANGA RASUL 27:24

Mala'ekatta udde nabbisara, ‘Arie pa'ata'utta, Paulus! Ana waugu i'o sarun sumaruanna si Kaisar. Wuṛṛu ana waugu wuassu apapia naungngu Ruata si'o, anambon taumata apan uasa'e apalla suadio'a ringannu sarun masal᷊amatta ana waugu i'o lai isudde.’

IBRANI 11:7

Ana waugu mangngimanna, ne i Nuh niapasingkatannu Ruata su ola'u apa apan sarun mariaddi su allo murine, apan tawe asiloanni tou. I Nuh tinumuṛṛuta Ruata na'oman sara i tou nallanginnu apalla apan sal᷊immurine niasingkatanna napanal᷊amatta wadangnge wuṛṛu lal᷊oṛṛon bal᷊ene. Ringannu aroddi runia niṛṛuumanna, arawe i Nuh sassane ana waugu pangangimanne niapaal᷊iatta'u Ruata ere sangkatou taumata apan mapia.

YOSUA 22:20

Naungete, i Akhan ana'i Zerah madiri tumuṛṛutta parenta Mawu su ola'u manga saranapa apan ṛinone tutunganna, wuṛṛu apa sombangnge? Anambon ṛuangannu Israel niṛṛuumanna! Sumbal᷊i na'ola'a rosa tumba'u i Akhan, arawe wal᷊ine tumba'u i tou sassane nate!”