AYUB 34:26 - WUKE SUSI WATTI'U AL᷊AL᷊USASSA

²⁶ I mangitou nipero-Ne ana waugu rosan mangitou, su saruannu awadaalla i mangitou niṛṛuuman-Ne.

AYUB 34:26 Iomraidhean Croise

AYUB 36:6

Taumata apan marosa tawe niwala-Ne mabbiakka mal᷊annu, I Tou mangngonggollu atatul᷊idda su taumata apan uatataṛṛangnga.

AYUB 38:13

Buattewe i'o nandolokku semakku matannallo nangagassa runia wuṛṛu namaretan taumata lal᷊eo wuassu tampa i mangitou uaimbuni?

DARALO 11:5

Mawu mannal᷊u'atta taumata mapia wuṛṛu taumata lal᷊eo, I Tou maddantinnu taumata apan apulune al᷊aṛṛagissa.

DARALO 9:5

Ana waugu I'o mammarenta naola'a mallaṛṛuungnga apan matul᷊idda; I'o buatte nanahekku hatto'u.

SASABANGNGA 14:30

Su allo udde Mawu nanal᷊amatta balahannu Israel wuassu pangalon taumata Mesir, wuṛṛu i mangitou naasilo manga winal᷊unannu taumata Mesir nirangkalle su apanne.

YESAYA 1:28

Arawe manga taumata marosa apan lullawangnga Mawu sarun patean-Ne, wuṛṛu sarangkanambone apan nanantangngu Mawu sarun iapawinasa.

YESAYA 66:24

Sutempo umamatte, i mangitou sarun maasilo winal᷊unannu manga taumata apan buatte nilumawangnga si Ya'u. Ul᷊idda apan u'inassa winal᷊unanni mangitou sarun tawe mate, wuṛṛu putungnga apan mannoṛṛobba si mangitou tawe mappadumma; sambau inolaanna aellehanna apan maata'utta su anambon taumata.”

YEHEZKIEL 16:41

I mangitou saru manoṛṛobba manga wal᷊enu wuṛṛu mandolokku manga wawine mabbiala i'o iṛṛuumanna. Etearoddi Ta'u iapaaddo pasasandagu. I'o tate lai mattahia aonggolla su manga arangnguannu.

TAHIUL᷊E 21:21

Ana see manga esakka wuassu soa udde ṛinone manuntungngu watu su ana'a udde ma'oman sara mate. Ringannu aroddi yamiu mangnginsue al᷊al᷊eo udde. Anambon taumatan Israel sarun maaringikka arariadianna udde wuṛṛu mabbal᷊i mata'utta.”

1 TIMOTIUS 5:20

Taumata apan ma'ola'a rosa, ṛinone tagguanna su saruannu anambon jamaatta, tadea'u ingana'a waine lai matta'utta.

1 TIMOTIUS 5:24

Rosan sambageanganna taumata, ro'en taambe niparikisanna, niasiloante ringannu masemakka. Arawe rosan taumata waine wakkute asingkatanna sal᷊immurine.

SONDAPPA 18:20

Ei surga, lala'e ana waugu aṛṛaṛṛimunsa'u soa udde! Ei, al᷊aṛṛana'u Ruata, manga rasul, manga nabi, lala'e! Ana waugu Ruata suete naṛṛuumanni tou maola'a sambau bawal᷊issu sarangkanambone apan niola'i mangitou si yamiu!