AYUB 34:23 - WUKE SUSI WATTI'U AL᷊AL᷊USASSA

²³ Ruata salaiwe tawe manantunnu tempone, taumata rumanta ṛuungannu Ruata.

AYUB 34:23 Iomraidhean Croise

EZRA 9:13

I yami buatte na'ola'a rosa wuṛṛu nilumawangnga tita-Nu, wuṛṛu I'o buatte nakkuumanni yami. Arawe yami masingkatta, oh Ruatan kami, manungku ṛuumanna apan nionggollu Mawu udde tawe tumanin mawakkatta apan ṛinone sengkamanni yami, ewe'e I'o ta'e lai nanalamatta si yami.

AYUB 11:11

Ruata masingkattu taumata apan taṛṛa wahia; al᷊al᷊eon mangitou tawe mal᷊iudda wuassu mata-Ne.

AYUB 11:6

Wuṛṛu antimanna i'o pasingkatannu Ruata, manungku asingkatta udde manambo lihidde, wuṛṛu tawe asunnannu taumata. Ne i'o naatutukke manungku asasusanu udde tawe tumani, isumandingu ṛuumanna apan ṛinone sengkamannu.

AYUB 16:21

Ah, antimanna Ruata sassane manamba'a si ya'u su saruan-Ne, naal᷊ihidda sangkatou apan maapulu manamba'a hawene.

AYUB 23:7

I ya'u tawe sal᷊ane wuṛṛu wotongnge manahekku watagangku su saruan-Ne, ne i ya'u sarun iwal᷊o napallossa saran mal᷊annu-l᷊annu.

AYUB 34:24

Ringannu tawe manaṛṛassidda wuṛṛu mamarikissa I Tou mapaaddo tembonanne wuṛṛu manenegu hahantine.

AYUB 9:3

Wuassu saṛṛiwu aiwal᷊o apan nipaiwal᷊on Duata, saran sampaddi tawe sinimbaṛṛannu taumata.

DARALO 119:137

I'o matul᷊idda, oh Mawu, anambon tita-Nu naṛṛino.

YESAYA 42:3

Iawanna apan ual᷊eṛṛe sarun tawe paddianne, sasol᷊oanna apan u'angkeramma sarun tawe paddumanne. Ringannu satia i tou sarun mapal᷊iatta'u atatul᷊idda,

YEREMIA 2:5

Mawu nabbisara, “Pasasal᷊a apate apan niasombangannu al᷊amonanu si Ya'u, na'oman sara i mangitou nandal᷊eo si Ya'u? I mangitou sidutu massubba paal᷊uanna apan tawe gunane wuṛṛu panginsueanne i mangitou sassane nabbal᷊i nahelo.

ROMA 9:20

Arawe, tuṛṛangnga! Tuṛṛangnga tumba'u sangkatou taumata. Wuṛṛu tuṛṛangnga tawe waṛṛani sumimbakka Ruata! Wotongngewe tampan bunga maiwal᷊o, isai taumata na'ola'a si tou, “Anio i'o na'ola'a si ya'u arendi?”