AYUB 31:3 - WUKE SUSI WATTI'U AL᷊AL᷊USASSA

³ Silaka wuṛṛu asasusa sarun iaparantan Mawu su taumata apan ma'ola'a al᷊al᷊eo!

AYUB 31:3 Iomraidhean Croise

2 SAMUEL 18:10

Sangkatou wuassu tantaran Daud naasilo, ne i tou inaite nabbal᷊o si Yoab, “Tuangnga, tanginna i ya'u naasilo i Absalom ua'ele su alu masallakka!”

AYUB 18:12

Dorone i tou matohassa, orassa indi i tou lomete; asasilaka uaringanna si tou su al᷊awo'u tampa.

AYUB 20:29

Uddewe pal᷊addu taumata apan mapontol᷊osanna, pal᷊adda apan tinantunnu Ruata si tou.”

AYUB 21:17

Apa buatte sasol᷊oannu taumata lal᷊eo nipaddumma, wuṛṛu i mangitou naṛṛiaannu silaka wuṛṛu nawaddo? Apa Ruata nasa'u si mangitou, na'oman sara i mangitou niṛṛuuman-Ne?

AYUB 21:30

I mangitou mabbisara, “Su allo Ruata mangonggollu ṛuumanna, manga mandal᷊al᷊eo sarun iapasal᷊amatta.”

AYUB 31:23

I ya'u sarun tawe ma'ola'a aroddi, ana waugu ṛuumannu Ruata tumaniten maata'utta naungku.

AYUB 34:22

Tawe ararandumma, salaiwe wasa tuudda, apan wotongnge mapamunin taumata marosa.

DARALO 55:23

Tantil᷊a'e asasinggawangu su Mawu, ne i Tou sarun massumbada si'o; ana waugu taumata matul᷊idda tawe iwala-Ne iapawaddo.

DARALO 73:18

Niaddo-Nu i mangitou su lal᷊anna mal᷊ewakka, wuṛṛu niwala-Nu i mangitou manawo nate.

AMSAL 1:27

Ore, i ya'u sarun mangeetta si yamiu amungkangu i yamiu sussinggawanga wuṛṛu uatataṛṛangnga susa ana waugu niaṛṛiaannu asasilaka apan rumanta ere anginna al᷊isusu.

AMSAL 10:29

Mawu ual᷊u'adda taumata matul᷊idda, arawe mammate taumata inolaanne lal᷊eo.

AMSAL 21:15

Amungkangngu atatul᷊idda iapaamatta, ne taumata mapia sarun maapendamma al᷊al᷊uassa, arawe taumata lal᷊eo uapendamma silaka.

YESAYA 28:21

Mawu sarun dumarisikka ere su Wowone Perazim. I Tou sarun mamangalo ere su Wawal᷊annu Gibeon huna mapaamattu panduman-Ne, pandumanna apan maatiangnga taumata! I Tou sarun ma'ola'a manara-Ne apan maaherangnga.

REENGANNA 16:30

Arawe amungkangngu Mawu na'ola'a sambau apan taambe saran paassa niaringiṛṛanni yamiu al᷊annune indi, wuṛṛu amungkangngu leta'a mawa'a mangalluppa si mangitou suadio'a ringannu al᷊awo'u darotongngi mangitou, na'oman sara i mangitou masutta ta'e wiakka sulal᷊ummu runian taumata nate, i yamiu maasingkatte manungku manga taumata udde nilumawangnga Mawu.”

MATIUS 7:13

“Suttate su ngara maṛṛiputta, ana waugu ngara wuṛṛu lal᷊anna apan mattudda naraka wahewa wuṛṛu mal᷊oangnga, wuṛṛu manambo taumata apan umamatta isudde.

ROMA 9:22

Aroddi lai apa apan buatte niola'u Ruata. I Tou maapulu mapaasabangngu naung-Nge lal᷊eo wuṛṛu mapaal᷊iatta'u taṛṛino-Ne. Arawe i Tou masabbare su saruanni mangitou apan sarun iṛṛuumanna ana waugu napaasa'un Tou.

1 TESALONIKA 5:3

Amungkangu taumata mabbisara, “Sarangkanambone mal᷊annabba wuṛṛu matammudda,” ne ete su tempo udde inaṛṛombanganne i mangitou sarun aṛṛiaannu papate wuṛṛu tawe saran sangkatou apan wotongnge maatal᷊angnga. Olangnge udde sarun mariaddi sangkaṛṛondapa, ere taddu'u sangkatou wawine apan sarun mangunsiwe.

2 TESALONIKA 1:9

Manga taumata udde sarun manengkamma ṛuumanna papate sarangkal᷊o'engnge, iramme su liudde wuassu ammul᷊annu taumata Mawu wuṛṛu wuassu taṛṛino-Ne apan mawantuga;

2 PETRUS 2:1

Su tempo apan nal᷊iu su wallatu walahannu Ruata suete nirumanta manga nabi awusu. Aroddi lai su wallatti yamiu sarun rumanta lai manga huru awusu. I mangitou sarun mangaṛṛa'u manga al᷊aṛṛa'a nassal᷊a, apan maapate taumata. Wuṛṛu i mangitou sarun maddandilu Tembonanne apan suete namallosi mangitou. Ringannu aroddi mangitou nandantan papate su watanganni mangitou sassane, apan sarun maṛṛia'a si mangitou ringannu mal᷊ihakka.

YUDAS 1:7

Naunge'o lai soa Sodom wuṛṛu Gomora wuṛṛu manga soa maranine, apan inolaannu tumanangnge ere lai inolaannu manga mala'ekatta udde. I mangitou sussanddaga wuṛṛu ma'ola'a al᷊al᷊eo, na'oman sara i mangitou niramme sulal᷊ummu putungnga apan tawe panginsueanne, tadea'u maola'a sambau pannanaunganna su anambon taumata.

MAL᷊AṚṚUUNGNGA 9:53

sangkatou wawine nangema'u watun gahilinganna su puane, na'oman sara napesangnga tanggilal᷊an puane udde.