AYUB 31:25 - WUKE SUSI WATTI'U AL᷊AL᷊USASSA

²⁵ ara'e mammungan paa'ala'u.

AYUB 31:25 Iomraidhean Croise

ESTER 5:11

Ana see i Haman mammahiate si mangitou wuṛṛu mammungaten paa'alane, pangkanne wahewalla apan nionggollu ratu, wuṛṛu pangkanne apan marau mattangngaṛṛanne wuassu manga mamanara waine.

AYUB 1:10

I tou, amonanne wuṛṛu anambon paa'alane sidutu lal᷊u'aran-Nu. Manarane nial᷊amatan-Nu wuṛṛu I'o nangonggollu manambo winatangnga papadul᷊iananna, wotongnge maapene ahewallu wanua.

AYUB 1:3

Wua'udde lai i tou uatahuanna manambo allangnga, 7.000 domba, 3.000 unta, 1.000 sapi wuṛṛu 500 keledai. Aunne, ete i tou taumata apan aalanne su wallattu tumanangnge su samba'a Ra'i.

AYUB 22:24

Rammea'e wul᷊awanna apan lembon tutune; lomboa'e su wantan sal᷊ukka apan tate ua'ene lai.

DARALO 62:10

Taumata tumba'u ere singangu paassa isangngo, wahewalla addio'a uasul᷊ungnga tawe aregane. Amungkangu itimbanga, i mangitou maṛṛanna, maṛṛannanna wuassu singangu paassa isangngo.

AMSAL 23:5

Ana waugu tumba'u sulal᷊ummu sangkaṛṛondappa darotongngu sarun mawul᷊i, ereola'u i tou pia papaidde wuṛṛu tumalla'a su winabbawa ere manu'a rajawali.

YESAYA 39:2

I Hizkia nanal᷊oho manga daroloṛṛanna udde ringannu naungnga mal᷊uassa wuṛṛu namasilo si mangitou anambon pa'a'alane, eteudde wul᷊awanna wuṛṛu sal᷊a'a, manga rampa-rampa wuṛṛu lana mawangngi, wuṛṛu anambon ahiddu tantarane. Tawe saran sambau su wal᷊en araratuanna wuṛṛu su ahewallu araratuanne apan tawe nipasilone si mangitou.

YEREMIA 9:23

Mawu nabbisara, “Taumata pande imbaṛṛangnga lumuassa ana waugu apapandene, taumata matohassa ana waugu atatohanne, wuṛṛu taumata ala ana waugu pa'aalane.

YEHEZKIEL 28:5

Atonna, i'o pande maddagangnga wuṛṛu orassa indi naalate, wuṛṛu pa'aalanu udde naaola'a si'o mawunga!’ ”

DANIEL 4:30

i ya'u nabbisara, “Pa'ellege, apiawe eteapa soa Babel! Eta i ya'u apan na'ola'a nabbal᷊i inangngu araratuanna ipammasingkattu taṛṛino wuṛṛu atatoha'u, awawantuga wuṛṛu atatelengku!”

HOSEA 12:8

Mawu nabbisara su walahannu Israel, “I yamiu mallinga ere taumatan Kanaan; manga maddaragangnga apulune mammahia mamamalline ringannu timbanganna apan tawe su ṛinone.

HABAKUK 1:16

Ana see soma udde nionggolli mangitou wuṛṛu niola'a sasamba, ana waugu ringannu soma udde i mangitou buatte naasomba wiakka manambo-nambo wuṛṛu mabbiakka su lal᷊umanna'a.

LUKAS 12:19

Wua'udde sarun iwisara su riri'u sassane: I'o naauntungnga! Al᷊awo'u apa apan mapia naola'e pussaanu wuṛṛu tawe masue sulal᷊ummu pira tonna al᷊annune. Pangillol᷊ote orassa indi! Ante wuṛṛu pa'inumpe, wuṛṛu pamendammpe lal᷊umanna'u wiakku!’

LUKAS 16:19

“Pia sangkatou ala. Peddenne mangkasagada aregane wuṛṛu wiakke mannampal᷊iu apiane su miallo-miallo.

LUKAS 16:25

Arawe i Abraham sinumimbakka, ‘Naungewe ana'u: su alo'engngu pabbiaṛṛannu i'o suete naasomba manambo apianne; arawe i Lazarus naasomba alal᷊eoanne. Orassa indi i tou mal᷊uassa isindi, wuṛṛu i'o uatataṛṛangnga.

1 SAMUEL 10:7

Napawe sarangkanambone udde matipusse, ola'e manara tumuṛṛuttu apendammu mapia, ana waugu Ruata uaṛundinganna si'o.