AYUB 28:18 - WUKE SUSI WATTI'U AL᷊AL᷊USASSA

¹⁸ Asingkatta marau lembon mattanggaṛṛanna aregane wuassu manga ino maṛṛamutta, kaca al᷊ussa ara'e mutiara.

AYUB 28:18 Iomraidhean Croise

AMSAL 20:15

Manga wisara apan lal᷊oṛṛoannu asingkatta, maareganna wuassu wul᷊awanna ara'e berlianna.

AMSAL 3:13

Lal᷊umanna'a su taumata apan naola'a pande wuṛṛu naasomba paasasunna.

AMSAL 3:15

Asingkatta maareganna wuassu watu permata; al᷊awo'a apan ipaapulunu taweddu maasul᷊ungnga.

AMSAL 31:10

Awingnga wawine apan pande masahadda paddeaanne; i tou maareganna wuassu intan berlianna.

AMSAL 8:11

Ete i ya'u asingkatta, maareganna wuassu berlian; tawe iasul᷊ungngu manga apa apan ipaapulunu.

LAL᷊ALLU 4:7

Dorone manga piaṛṛa'i yami waresi ere sangeranna apan mawira waresi. I mangitou uatagekka wuṛṛu matohassa, waddangnga mapia tawe maradda'a.

YEHEZKIEL 27:16

Manga mabbawal᷊u'a wuassu wanuan Siria namalli manga saranapa wal᷊u'annu wuṛṛu auntungannu manambo atonna. I mangitou mammaekka ringannu permata wuassu watu zamrud, mal᷊aṛṛenessa maṛṛamu ungu, mal᷊aṛṛenessa pia sujine, linen al᷊ussa, permata wuassu watu koral wuṛṛu watu maṛṛamu delima.

MATIUS 7:6

Arie mangonggolu sarannapa na'ukkassa su asu, tadea'u asu udde tawe mangawal᷊i'a mamangalo si'o. Wuṛṛu arie mangonggolu mutiara su wawi, tadea'u wawi udde tawe maṛṛinda mutiara udde.”

1 TIMOTIUS 2:9

Ṛinone papunna wawine mallogakka watanganne ringannu tawe ete pia lembone wuṛṛu mappedetu pedeta pia atoranne. Arie mappaattu uta'a atokke maasili ara'e manga lal᷊ogakka wul᷊awanna ara'e mutiara, ara'e laubba aregane massagada.

SONDAPPA 17:4

Wawine udde ual᷊uṛṛen laubba ungu wuṛṛu maṛṛamu uaitumma, see lal᷊ogaṛṛanu wul᷊awanna, manga permata, wuṛṛu mutiara. Su limane i tou uaaggasa sambau mangko wul᷊awanna napenen inolaanne apan maarantina wuṛṛu lal᷊eo, hessin sasandage.

SONDAPPA 18:12

Tateddu mamalli wul᷊awanna, sal᷊a'a, permata, wuṛṛu mutiara mangitou; wuṛṛu lai mal᷊aṛṛenessa linen, ungu, sutera, wuṛṛu mal᷊aṛṛenessa maṛṛamu ua'itumma; alawo'u hating kalu apan mal᷊awa asombanganna, sarannapa wuassu gadinga wuṛṛu wuassu alu apan maarega, wuassu witu'a, atta'a, wuṛṛu pualam;

SONDAPPA 21:21

Mapul᷊o dua ngarane niola'a wuassu mapul᷊o dua mutiara, sambau-sambau niola'a wuassu sambau mutiara. Lal᷊anna su soa udde niola'a wuassu wul᷊awanna tutune, matilangnga naal᷊ihidda kaca apan sussal᷊endapa.